ທ່ານນາຍົກລັດຖະມົນຕີ ຟ້າມມິງຈີ້ງ: ພັດທະນາການສຶກສາ ແລະກໍ່ສ້າງ ເພື່ອຮັບໃຊ້ການບືນຕົວຂຶ້ນຂອງຊາດ
ກປ.ອອນໄລ - ວັນທີ 2 ພະຈິກ, ທີ່ສໍານັກງານນາຍົກລັດຖະມົນຕີ, ທ່ານນາຍົກລັດຖະມົນຕີ ຟ້າມມິງຈີ້ງ, ປະທານຄະນະກໍາມະການແຫ່ງຊາດ ກ່ຽວກັບການປ່ຽນແປງໃໝ່ການສຶກສາ ແລະກໍ່ສ້າງ ເປັນປະທານກອງປະຊຸມ ປີ 2024 ຂອງຄະນະກໍາມະການ ເພື່ອປຶກສາຫາລືກ່ຽວກັບຮ່າງໂຄງການດໍາເນີນງານຂອງລັດຖະບານປະຕິບັດຂໍ້ສະຫຼຸບເລກທີ 91-KL/TW ລົງວັນທີ 12 ສິງຫາ 2024 ຂອງກົມການເມືອງ ວ່າດ້ວຍການສືບຕໍ່ປະຕິບັດມະຕິເລກທີ 29-NQ/TW ລົງວັນທີ 4 ພະຈິກ 2013 ຂອງຄະນະບໍລິຫານງານສູນກາງພັກ ຊຸດທີ XI “ກ່ຽວກັບການປ່ຽນແປງໃໝ່ໂດຍພື້ນຖານ, ຮອບດ້ານການສຶກສາ-ກໍ່ສ້າງ, ຕອບສະໜອງຄວາມຮຽກຮ້ອງຕ້ອງການຫັນປະເທດເປັນອຸດສາຫະກໍາ ແລະທັນສະໄໝ ໃນເງື່ອນໄຂເສດຖະກິດຕະຫຼາດກໍານົດທິດສັງຄົມນິຍົມ ແລະເຊື່ອມໂຍງເຂົ້າກັບສາກົນ”.
    |
 |
|
ທ່ານນາຍົກລັດຖະມົນຕີ ຟ້າມມິງຈີ້ງ, ປະທານຄະນະກໍາມະການແຫ່ງຊາດ ກ່ຽວກັບການປ່ຽນແປງໃໝ່ການສຶກສາ ແລະກໍ່ສ້າງ ເປັນປະທານກອງປະຊຸມ. ພາບ: ສໍານັກຂ່າວສານຫວຽດນາມ. |
ພາຍຫຼັງບັນດາສະມາຊິກຂອງຄະນະກໍາມະການ ແລະບັນດາຜູ້ແທນເຂົ້າຮ່ວມກອງປະຊຸມປະກອບຄໍາເຫັນ, ສະຫຼຸບກອງປະຊຸມ, ທ່ານນາຍົກລັດຖະມົນຕີ ຊີ້ແຈ້ງວ່າ ພັກ, ລັດຫວຽດນາມ ຍາມໃດກໍເອົາໃຈໃສ່ຕໍ່ພາລະກິດແຫ່ງການສຶກສາ ແລະກໍ່ສ້າງ, ຍາມໃດກໍຖືການສຶກສາ ແລະການກໍ່ສ້າງແມ່ນລັດຖະນະໂຍບາຍແຖວໜ້າ; ການປະຕິບັດມະຕິເລກທີ 29 ຂອງສູນກາງ, ຂໍ້ສະຫຼຸບເລກທີ 91 ຂອງກົມການເມືອງ ເພື່ອແນໃສ່ພັດທະນາການສຶກສາ ແລະກໍ່ສ້າງ ໃນຍຸກໃໝ່ - ຍຸກແຫ່ງການບືນຕົວຂຶ້ນຂອງຊາດ. ຢັ້ງຢືນເຖິງການ ຖືເອົາມະນຸດເປັນໃຈກາງ, ເປັນເຈົ້າກໍາ, ເປັນເປົ້າໝາຍ, ເປັນກໍາລັງໜູນ ແລະແຫຼ່ງກໍາລັງຂອງການພັດທະນາ; ບໍ່ເສຍສະຫຼະຄວາມກ້າວໜ້າ ແລະຄວາມຍຸຕິທໍາທາງສັງຄົມ ເພື່ອແລ່ນໄປຕາມການເຕີບໂຕເສດຖະກິດພຽງຢ່າງດຽວ, ໃນນັ້ນມີການສຶກສາ ແລະກໍ່ສ້າງ, ທ່ານນາຍົກລັດຖະມົນຕີ ໃສ່ໃຈເຖິງບັນຫາກ່ຽວກັບເວລາ, ສະຕິປັນຍາ, ຄວາມໃຝ່ຝັນ, ກໍາລັງບົ່ມຊ້ອນ, ການເຊື່ອມໂຍງ ເພື່ອນໍາລະບົບການສຶກສາ ແລະກໍ່ສ້າງໃຫ້ທຽມທັນກັບບັນດາປະເທດພັດທະນາ ຍິ່ງໄວກໍ່ຍິ່ງດີ, ເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ສ້າງຄວາມໝັ້ນໃຈແຫ່ງຊາດ.
|
|
 |
|
ທ່ານນາຍົກລັດຖະມົນຕີ ຟ້າມມິງຈີ້ງ ກ່າວຄໍາເຫັນສະຫຼຸບກອງປະຊຸມ. ພາບ: ສໍານັກຂ່າວສານຫວຽດນາມ. |
ຄຽງຂ້າງນັ້ນ, ທ່ານນາຍົກລັດຖະມົນຕີ ຍັງໃສ່ໃຈເຖິງບາງເນື້ອໃນທີ່ກ່ຽວຂ້ອງເຖິງການກວດກາຄືນການວາງແຜນຜັງເຄືອຂ່າຍ, ຄຸນນະພາບຖັນແຖວຄູອາຈານ, ເປັນຕົ້ນແມ່ນຄູອາຈານອະນຸບານ, ຄູອາຈານປະຖົມ; ບໍາລຸງກໍ່ສ້າງຊັບພະຍາກອນມະນຸດທີ່ມີຄຸນນະພາບສູງ, ບັນດາຂະແໜງເສດຖະກິດທີ່ຫາກໍ່ພົ້ນເດັ່ນ; ແຫຼ່ງກໍາລັງທີ່ສະຫງວນໃຫ້ແກ່ການລົງທຶນການສຶກສາ; ເຮັດໃຫ້ພາສາອັງກິດ ກາຍເປັນພາສາທີສອງ ເທື່ອລະກ້າວ, ເປີດກວ້າງການບໍາລຸງກໍ່ສ້າງພາສາອື່ນຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ.
ໂດຍ: ໄຊຊະນະ