ການພົບປະເຈລະຈາຂັ້ນສູງ ຫວຽດນາມ - ກູບາ
ໂດຍໄດ້ຮັບຄຳເຊີນຂອງທ່ານປະທານສະພາແຫ່ງຊາດຫວຽດນາມ ເຈິ່ນແທັງເໝີນ, ທ່ານປະທານສະພາແຫ່ງຊາດກູບາ Esteban Lazo Hernandez ໄດ້ມາຢ້ຽມຢາມ ແລະ ເຮັດວຽກຢູ່ ຫວຽດນາມ ແຕ່ວັນທີ 2-3 ພະຈິກ. ຕອນເຊົ້າວັນທີ 2 ພະຈິກ, ຢູ່ຮ່າໂນ້ຍ, ທ່ານປະທານສະພາແຫ່ງຊາດ ເຈິ່ນແທັງເໝີນ ໄດ້ເປັນປະທານພິທີຕ້ອນຮັບ. ພາຍຫຼັງພິທີຕ້ອນຮັບ, ສອງຝ່າຍໄດ້ດຳເນີນການພົບປະເຈລະຈາ.
    |
 |
|
ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ແລະທ່ານປະທານສະພາແຫ່ງຊາດກູບາ Esteban Lazo Hernandez. ພາບ: qdnd.vn |
ທ່ານປະທານສະພາແຫ່ງຊາດ ເຈິ່ນແທັງເໝີນ ຢືນຢັນວ່າ, ຍາມໃດ ຫວຽດນາມ ກໍ່ຕິດຕາມສະພາບການຂອງກູບາ ຢ່າງໃກ້ຊິດ ແລະໃນບໍ່ວ່າສະພາບການໃດ, ອວຍພອນໃຫ້ ກູບາ ໃນເລື່ອງສະມັດຊາໃຫຍ່ສະຫະປະຊາຊາດຊຸດທີ 79 ໄດ້ເຫັນດີຮັບຮ້ອງເອົາມະຕິຮຽກຮ້ອງຢຸດຕິຄຳສັ່ງຂວ້ຳບາດດ້ານເສດຖະກິດ ແລະການຄ້າທີ່ ອາເມລິກາ ໄດ້ຈັດວາງສຳລັບ ກູບາ. ທ່ານປະທານສະພາແຫ່ງຊາດ ເຈິ່ນແທັງເໝີນ ສະເໜີໃຫ້ສະພາແຫ່ງຊາດ 2 ປະເທດສົມທົບກັນຢູ່ບັນດາເວທີປາໄສສາກົນ ແລະບັນດາອົງການຈັດຕັ້ງລັດຖະສະພາ 2 ຝ່າຍອື່ນ ເຊິ່ງ 2 ຝ່າຍເປັນສະມາຊິກ; ແບ່ງປັນ ແລະສະໜັບສະໜູນຫຼັກໝັ້ນຂອງກັນກ່ຽວກັບບັນດາບັນຫາພາກພື້ນ, ສາກົນທີ່ຕ່າງມີຄວາມສົນໃຈ.
|
|
 |
|
ບັນຍາກາດທີ່ການເຈລະຈາ. ພາບ: qdnd.vn |
ສ່ວນທ່ານປະທານສະພາແຫ່ງຊາດກູບາ Esteban Lazo Hernandez ຕີລາຄາສູງການພົວພັນດ້ານການເມືອງ, ການຮ່ວມມືເຊິ່ງ 2 ພັກໄດ້ປະກອບສ່ວນສ້າງລັດທິສັງຄົມຢູ່ແຕ່ລະປະເທດ, ພ້ອມທັງເນັ້ນໜັກວ່າ, ການພົວພັນດ້ານນິຕິກຳແມ່ນຊ່ອງທາງຮ່ວມມືສຳຄັນ ເພື່ອປະກອບສ່ວນຢ່າງແທດຈິງໃຫ້ແກ່ສາຍພົວພັນລະຫວ່າງ 2 ປະເທດ.
ໃນໄລຍະຈະມາເຖິງ, ການນຳສະພາແຫ່ງຊາດ 2 ທ່ານຖືວ່າ, ຕ້ອງສືບຕໍ່ແລກປ່ຽນຄະນະຜູ້ແທນທຸກຂັ້ນ, ທຸກຄະນະກຳມະການ, ສະມາຊິກສະພາແຫ່ງຊາດຂອງ 2 ປະເທດ. ຜັນຂະຫຍາຍບັນດາເອກະສານຮ່ວມມືທີ່ໄດ້ລົງນາມລະຫວ່າງ 2 ປະເທດໃຫ້ມີປະສິດທິຜົນ ເພື່ອປະກອບສ່ວນນຳການພົວພັນດ້ານເສດຖະກິດ, ການລົງທຶນ, ການຄ້າໃຫ້ພັດທະນາສອດຄ່ອງກັບການພົວພັນດ້ານການເມືອງອັນດີງາມຂອງ 2 ປະເທດ.
ຂ່າວ: ວິທະຍຸກະຈາຍສຽງຫວຽດນາມ