ຫວຽດນາມ ເຂົ້າຮ່ວມງານບຸນອາຫານການກິນ, ວາງສະແດງ ແລະຈຳໜ່າຍຜະລິດຕະພັນຢູ່ລາວ

ເຂົ້າຮ່ວມເຫດການດັ່ງກ່າວມີທ່ານ ສອນໄຊ ສີພັນດອນ ນາຍົກລັດຖະມົນຕີລາວ; ຜູ້ຕາງໜ້າສະຖານກົງສູນໃຫຍ່ຫວຽດນາມ ປະຈໍາ ແຂວງສະຫວັນນະເຂດ; ຜູ້ຕາງໜ້າອໍານາດການປົກຄອງແຂວງຄຳມ່ວນ ພ້ອມດ້ວຍຜູ້ຕາງໜ້າວິສາຫະກິດທີ່ມາຈາກ 3 ປະເທດ ລາວ-ຫວຽດນາມ-ໄທ ແລະປະຊາຊົນແຂວງຄຳມ່ວນ ເປັນຈຳນວນຫຼວງຫຼາຍ.

ບັນດາຜູ້ແທນປະຕິບັດພິທີກໍາເປີດງານບຸນອາຫານການກິນ, ວາງສະແດງ ແລະຈໍາໜ່າຍຜະລິດຕະພັນແຂວງຄໍາມ່ວນ ປີ 2024. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ພິທີເປີດ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໃຫ້ຮູ້ວ່າ: ງານບຸນແມ່ນກິດຈະການເຄື່ອນໄຫວສົ່ງເສີມການລົງທຶນ ແລະໂຄສະນາເຜີຍແຜ່ຜະລິດຕະພັນ ເພື່ອໃຫ້ປະຊາຊົນທັງຢູ່ພາຍໃນ ແລະຕ່າງປະເທດໄດ້ຮູ້ຈັກເຖິງອາຫານການກິນ. ຜະລິດຕະພັນດັ່ງກ່າວແມ່ນຜະລິດຕະພັນທີ່ເປັນເອກະລັກຂອງແຕ່ລະທ້ອງຖິ່ນ, ປະກອບສ່ວນຊຸກຍູ້ການຮ່ວມມືດ້ານການທ່ອງທ່ຽວ, ການຄ້າ ແລະການລົງທຶນລະຫວ່າງ 3 ປະເທດ ລາວ-ຫວຽດນາມ-ໄທ. ງານບຸນຍັງສ້າງກາລະໂອກາດ ເພື່ອໃຫ້ບັນດາວິສາຫະກິດຂະໜາດກາງ ແລະນ້ອຍຂອງ 3 ປະເທດແລກປ່ຽນສິນຄ້າ ແລະເປີດກວ້າງຕະຫຼາດ.

ຜູ້ແທນຢ້ຽມຊົມຮ້ານວາງສະແດງ ແລະຈໍາໜ່າຍຜະລິດຕະພັນແຂວງຄໍາມ່ວນ ປີ 2024. ພາບ: ສໍານັກຂ່າວສານຫວຽດນາມ

ເຫດການປີນີ້ໄດ້ດຶງດູດການເຂົ້າຮ່ວມຂອງວິສາຫະກິດ 171 ແຫ່ງທີ່ມາຈາກ 3 ປະເທດ ລາວ-ຫວຽດນາມ-ໄທ ດ້ວຍຮ້ານວາງສະແດງທັງໝົດ 210 ຮ້ານ ແລະມູນຄ່າສິນຄ້າທັງໝົດປະມານ 10 ຕື້ກວ່າກີບ. ຮ້ານສິນຄ້າຕົ້ນຕໍແມ່ນສຸມໃສ່ສິນຄ້າປະເພດຕ່າງໆ, ຄື: ອາຫານການກິນ, ຫັດຖະກຳ, ກະສິກຳ, ຜະລິດຕະພັນອຸດສາຫະກຳ, ການປຸງແຕ່ງ, ທະນາຄານ ແລະການທ່ອງທ່ຽວ. ນີ້ແມ່ນໂອກາດ ເພື່ອໃຫ້ບັນດາວິສາຫະກິດຂອງ 3 ປະເທດ ໄດ້ພົບປະ ແລະແລກປ່ຽນບົດຮຽນປະສົບການໃນການຜະລິດ ແລະຈຳໜ່າຍຜະລິດຕະພັນ ກໍຄືຊອກຫາຄູ່ຮ່ວມມື ແລະຕະຫຼາດໃໝ່.

ໂດຍ: ທູຈາງ