ການນຳ ອາເມລິກາ ແລະຢູແກຼມ ໂອ້ລົມທາງໂທລະສັບ, ຊຸກຍູ້ການຮ່ວມມືດ້ານປ້ອງກັນຊາດ
ວັນທີ 5 ສິງຫາ, ທ່ານ Volodymyr Zelensky, ປະທານາທິບໍດີ ຢູແກຼນ ໃຫ້ຮູ້ວ່າ, ທ່ານໄດ້ມີການແລກປ່ຽນ “ມີປະສິດທິຜົນ” ກັບທ່ານ Donald Trump, ປະທານາທິບໍດີ ອາເມລິກາ, ໂດຍປິ່ນອ້ອມບັນດາຄວາມມານະພະຍາຍາມຢຸດຕິການປະທະກັນ ລັດເຊຍ-ຢູແກຼນ.
    |
 |
|
ທ່ານ Volodymyr Zelensky ປະທານາທິບໍດີ ຢູແກຼນ ແລະທ່ານ Donald Trump ປະທານາທິບໍດີ ອາເມລິກາ. ພາບ: Ukraine/REUTERS |
ໃນສື່ສັງຄົມ X, ທ່ານປະທານາທິບໍດີຢູແກຼນ ຢືນຢັນຄືນໃໝ່ເລື່ອງ ຢູແກຼນ ສະໜັບສະໜູນຄຳສັ່ງຢຸດຍິງໃນທັນທີ. ທ່ານ ເວົ້າວ່າ, Kiev ໄດ້ຍົກອອກຂໍ້ສະເໜີມາດຕະການຈຳນວນໜຶ່ງກັບມົດສະກູ ເພື່ອປະຕິບັດມາດຕະການດັ່ງກ່າວ. ນອກນັ້ນ, ທ່ານ Zelensky ກໍ່ເນັ້ນໜັກວ່າ, ຢູແກຼນ ພ້ອມແລ້ວຈະລົງນາມໃນຂໍ້ຕົກລົງກັບອາເມລິກາ ເລື່ອງສະໜອງເຮືອບິນບໍ່ມີຄົນຂັບ (UAV) ໂດຍປະເທດນີ້ຜະລິດ, ຖືນີ້ແມ່ນ “ໜຶ່ງໃນບັນດາຂໍ້ຕົກລົງເຂັ້ມແຂງທີ່ສຸດ”, ຄາດວ່າດ້ວຍມູນຄ່າປະມານ 30 ລ້ານໂດລາສະຫະລັດ.
ແລະກໍ່ໃນວັນດຽວກັນ, ກະຊວງການຕ່າງປະເທດອາເມລິກາ ຢັ້ງຢືນວ່າ ທ່ານ Steve Witkoff, ທູດພິເສດຂອງອາເມລິກາ ມີການພົບປະກັບການນຳ ລັດເຊຍ ຢູ່ມົດສະກູ ໃນວັນທີ 6 ສິງຫາ.
ແຫຼ່ງຄັດຈາກ vovworld.vn