ວັນທີ 4 ສິງຫາ, ກະຊວງການຕ່າງປະເທດ ອີຣານ ໄດ້ປະກາດວ່າ ປະເທດນີ້ຍັງຢຸດຕິການຮ່ວມມືກັບອົງການພະລັງງານປະລະມານູສາກົນ (IAEA) ແລະ ບໍ່ທັນມີບໍ່ວ່າແຜນການໃດ ກ່ຽວກັບການແກ້ໄຂສະພາບການພົວພັນນີ້ເທື່ອ. ກ່າວຄຳເຫັນກັບວົງການນັກຂ່າວຢູ່ນະຄອນຫຼວງ ເຕເຮຣານ, ທ່ານ Esmaeil Baqaei ໂຄສົກກະຊວງການຕ່າງປະເທດ ອີຣານ ໃຫ້ຮູ້ວ່າ: ປະຈຸບັນ, ບໍ່ມີນັກກວດກາຂອງ IAEA ທ່ານໃດມີໜ້າຢູ່ ອີຣານ, ໝາຍຄວາມວ່າ ການຮ່ວມມືລະຫວ່າງ ອີຣານ ແລະ IAEA ພວມຢູ່ໃນສະພາບຂາດວັກຂາດຕອນ.
ກ່ຽວກັບຄວາມສາມາດຟື້ນຟູການຮ່ວມມືຂອງ ອີຣານ ແລະ IAEA, ທ່ານ Baqaei ເນັ້ນໜັກວ່າ ສະພາແຫ່ງຊາດ ອີຣານ ຕ້ອງຮັບຮອງເອົາບາດກ້າວເດີນນີ້ ຜ່ານກົດໝາຍ, ຄ້າຍຄືກັນກັບເລື່ອງຮັບຮອງເອົາກົດໝາຍວ່າດ້ວຍການຢຸດຕິການຮ່ວມມືຂອງ ອີຣານ ແລະ IAEA ເພື່ອແນໃສ່ມີປະຕິກິລິຍາຕໍ່ຄວາມມິດງຽບຂອງ IAEA ຕໍ່ການບຸກໂຈມຕີດ້ານການທະຫານຂອງ ອາເມລິກາ ແລະ ອິດສະຣາແອັນ.
ແຫຼ່ງຄັດຈາກ vovworld.vn
Type the code from the image