ແຫ່ຂະບວນປະທ້ວງ ຮຽກຮ້ອງຢຸດຕິການປະທະກັນຢູ່ ເຂດ ກາຊາ

ຜູ້ແຫ່ຂະບວນປະທ້ວງຍ່າງໄປຜ່ານຂົວ Sydney ໃນວັນທີ 3/8/2025.ພາບ: AAP/Dean Lewins via REUTERS

ວັນທີ 3 ສິງຫາ, ຢູ່ ໃຈກາງ ນະຄອນ Sydney ແລະ Melbourne ຂອງ ອົດສະຕາລີ ມີນັບໝື່ນຄົນໄດ້ລົງຖະຫນົນແຫ່ຂະບວນປະທ້ວງ ເພື່ອສະແດງການສະຫນັບສະຫນູນປະຊາຊົນ ປາແລດສະຕິນ ແລະຄັດຄ້ານເລື່ອງອິດສະຣາແອນ ກີດຂວາງສາກົນສົ່ງເຄື່ອງບັນເທົາທຸກ ເຂົ້າເຂດ ກາຊາ ຊື່ງເຮັດໃຫ້ນັບມື້ນັບມີປະຊາຊົນຢູ່ເຂດ ກາຊາ ຫລາຍຄົນຖືກຕາຍຍ້ອນອຶດຫິວ ແລະບໍ່ໄດ້ຮັບການປິ່ນປົວພະຍາດ. ຜູ້ເຂົ້າຮ່ວມການແຫ່ຂະບວນປະທ້ວງໃຫ້ຮູ້ວ່າ ການເຄື່ອນໄຫວນີ້ກໍ່ແມ່ນເພື່ອຮຽກຮ້ອງລັດຖະບານ ອົດສະຕາລີ ສືບຕໍ່ຄັດຄ້ານບັນດາການກະທຳຂອງ ອິດສະຣາແອນ.

ໃນເຫດການອື່ນ, ວັນທີ 2 ສິງຫາ, ມີນັບຮ້ອຍໆຄົນໄດ້ເຕົ້າໂຮມກັນຢູ່ສະຫນາມຫລວງຕົວປະກັນໃນນະຄອນ Tel Aviv ປະເທດ ອິດສະຣາແອນ ເພືື່ອຄັດຄ້ານການປະທະກັນທີ່ແກ່ຍາວຢູ່ເຂດ ກາຊາ.

ໃນຂະນະນັ້ນ, ໃນວັນດຽວກັນເສນາທິການໃຫຍ່ກອງທັບ ອິດສະຣາແອນ, ພົນຕີ Eyal Zamir ຖະແຫລງ ກອງທັບປະເທດນີ້ຈະສືບຕໍ່ຕໍ່ສູ້ຢ່າງບໍ່ຢຸດຢັ້ງຖ້າຫາກບໍ່ບັນລຸໄດ້ຂໍ້ຕົກລົງແລກປ່ຽນຕົວປະກັນ.

ແຫຼ່ງຄັດຈາກ: vovworld.vn