ກອງທັບປະຊາຊົນລາວ ສົ່ງກຳລັງໄປຊ່ວຍເຫລືອມຽນມາ

ກອງທັບປະຊາຊົນລາວ ສົ່ງກຳລັງໄປຊ່ວຍເຫລືອມຽນມາ

ໃນວັນທີ 31 ມີນາ 2025 ນີ້, ກອງທັບປະຊາຊົນລາວ ໄດ້ສົ່ງກຳລັງ 33 ສະຫາຍ ແລະ ອຸປະກອນ ໄປຊ່ວຍເຫລືອ ສສ ມຽນມາ ໃນການຊອກຄົ້ນ, ກອບກູ້ ແລະ ຊ່ວຍເຫລືອຜູ້ສູນຫາຍ ຈາກເຫດການແຜ່ນດິນໄຫວ ໃນວັນທີ 28 ມີນາ 2025 ຜ່ານມາ, ເຊິ່ງນຳໂດຍ ທ່ານ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການ ກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດ ກະຊວງປ້ອງກັນປະເທດ, ຜູ້ປະສານງານຄະນະກຳມະການ ຄຸ້ມຄອງໄພພິບັດ ຂັ້ນສູນກາງ ພ້ອມຄະນະ.

ກອງທັບປະຊາຊົນລາວ ສົ່ງກຳລັງໄປຊ່ວຍເຫລືອມຽນມາ

ສໍາລັບ ກຳລັງທີ່ເດີນທາງໄປຊ່ວຍເຫລືອໃນຄັ້ງນີ້ ມີຈໍານວນພົນທັງໝົດ 33 ສະຫາຍ ໃນນີ້, ມີກຳລັງຊ່າງແສງ 13 ສະຫາຍ, ເສນາຮັກ 11 ສະຫາຍ. ນອກນັ້ນ, ຍັງມີຄະນະຊີ້ນໍາ ແລະ ພາກສ່ວນຮັບປະກັນອີກຈໍານວນໜຶ່ງ. ພາຍຫລັງເດີນທາງຮອດສະໝາມບິນເນປີດໍ ຄະນະຕາງໜ້າຈາກເຈົ້າໜ້າທີ່ ພາກສ່ວນທີ່ກ່ຽວຂ້ອງ ໄດ້ໃຫ້ການຕ້ອນຮັບຢ່າງອົບອຸ່ນ. ຈາກນັ້ນ, ໄດ້ເຄື່ອນກຳລັງໄປເມືອງມັນດາເລ ເຊິ່ງເປັນເມືອງໜຶ່ງທີ່ຖືກຜົນປະທົບ ຈາກເຫດການແຜ່ນດິນໄຫວ.

ແຫຼ່ງຄັດຈາກ: ສໍານັກຂ່າວສານປະເທດລາວ