ໄທ ເຊັນສັນຍາ FTA ສະບັບທຳອິດກັບບັນດາປະເທດເອີລົບ
ຕາມຂໍ້ຕົກລົງແລ້ວ, ໄທ ແລະ EFTA ຈະລົບລ້າງ ແລະຫຼຸດຜ່ອນພາສີອາກອນສຳລັບຜະລິດຕະພັນອຸດສາຫະກຳ ແລະສິນໃນນ້ຳ.
    |
 |
|
ພິທີລົງນາມຂໍ້ຕົກລົງສະບັບທຳອິດກ່ຽວກັບການຄ້າເສລີລະຫວ່າງໄທ ກັບກຸ່ມບັນດາປະເທດເອີລົບ. ພາບ: efta.int |
ວັນທີ 23 ມັງກອນ, ຢູ່ Davos (ສະວິດ), ຢູ່ນອກກອງປະຊຸມສຸດຍອດປະຈຳປີ ຄັ້ງທີ 55 ເວທີປາໄສເສດຖະກິດໂລກ (WEF Davos 55), ທ່ານນາງ Paetongtarn Shinawatra ນາຍົກລັດຖະມົນຕີໄທ ໄດ້ເປັນສັກຂີພິຍານໃນພິທີລົງນາມຂໍ້ຕົກລົງສະບັບທຳອິດກ່ຽວກັບການຄ້າເສລີລະຫວ່າງໄທ ກັບກຸ່ມບັນດາປະເທດເອີລົບ ລວມມີ: ອຽກລັງ, ເລັກເຕນສະເຕນ, ນອກແວ ແລະສະວິດ, ຍັງໄດ້ຮູ້ຈັກດ້ວຍຊື່ທີ່ວ່າ ສັນຍາການຄ້າເສລີເອີລົບ (EFTA). ນີ້ແມ່ນ 4 ປະເທດທີ່ໄດ້ນຳເຂົ້າສິນຄ້າ ແລະການບໍລິການຈາກໄທ ດ້ວຍມູນຄ່າ 1,8 ຕື້ USD ແລະສົ່ງອອກ 1,4 ຕື້ USDໃນປີ 2023. ຂໍ້ຕົກລົງນີ້ໄດ້ເສຍເວລາເກືອບ 20 ປີ ເພື່ອກໍ່ສ້າງ, ດ້ວຍບັນດາການເຈລະຈາເລີ່ມແຕ່ເດືອນຕຸລາ 2005 ແລະ ສິ້ນສຸດໃນເດືອນມັງກອນປີ 2024. ຕາມຂໍ້ຕົກລົງແລ້ວ, ໄທ ແລະ EFTA ຈະລົບລ້າງ ແລະຫຼຸດຜ່ອນພາສີອາກອນສຳລັບຜະລິດຕະພັນອຸດສາຫະກຳ ແລະສິນໃນນ້ຳ. ສອງຝ່າຍກໍ່ເຫັນດີເປັນເອກະພາບສ້າງເງື່ອນໄຂສະດວກໃຫ້ແກ່ບັນດາການເຄື່ອນໄຫວແລກປ່ຽນການຄ້າຜ່ານບັນດາການປະຕິບັດລະບຽບການໂດຍໄວ ແລະບັນດາຫຼັກການທີ່ໂປ່ງໃສ.
ແຫຼ່ງຄັດຈາກ: vovworld