ສ.ເກົາຫຼີ: ປະທານາທິບໍດີ Yoon Suk Yeol ປະຕິເສດບັນດາຄຳກ່າວຫາຕໍ່ສານລັດຖະທຳມະນູນ
ໃນການປະກົດຕົວເປັນຄັ້ງທຳອິດຢູ່ປະຊຸມສານພິຈາລະນາໂທດຂອງສານລັດຖະທຳມະນູນ ວັນທີ 21 ມັງກອນ, ທ່ານປະທານາທິບໍດີ ສ.ເກົາຫຼີ, Yoon Suk Yeol ໄດ້ຄັດຄ້ານບັນດາຄຳກ່າວຫາທີ່ໄດ້ຍົກອອກມາກ່ອນໜ້ານັ້ນ ເຊິ່ງກ່ຽວຂ້ອງເຖິງການປະກາດໃຊ້ກົດໄອຍະການເສິກ. ນີ້ແມ່ນຄັ້ງທຳອິດໃນປະຫວັດສາດລັດຖະທຳມະນູນ ທີ່ປະທານາທິບໍດີຜູ້ພວມດຳລົງຕຳແໜ່ງຂອງ ສ.ເກົາຫຼີ ມີໜ້າໂດຍກົງໃນວາລະປະຊຸມສານພິພາກສາພິຈາລະນາໂທດຂອງຕົນ.
    |
 |
|
ທ່ານປະທານາທິບໍດີ ສ.ເກົາຫຼີ, Yoon Suk Yeol ປະກົດຕົວເປັນຄັ້ງທຳອິດຢູ່ປະຊຸມສານພິຈາລະນາໂທດຂອງສານລັດຖະທຳມະນູນ ວັນທີ 21 ມັງກອນ. ພາບ: Kyodo/ສໍານັກຂ່າວສານຫວຽດນາມ |
ໃນບົດກ່າວປາໄສຢູ່ສານລັດຖະທຳມະນູນ, ທ່ານປະທານາທິບໍດີ Yoon ໄດ້ເນັ້ນໜັກເຖິງຄວາມເຊື່ອໝັ້ນອັນແໜ້ນແກ່ນຂອງທ່ານທີ່ມີຕໍ່ບັນດາຄຸນຄ່າຂອງ “ພື້ນຖານປະຊາທິປະໄຕເສລີພາບ”. ທ່ານ Yoon ກໍສະເໜີໃຫ້ຜູ້ພິພາກສາພິຈາລະນາຄືນກໍລະນີພິຈາລະນາໂທດຂອງທ່ານແບບຫຼາຍດ້ານ, ທ່ຽງທຳ ແລະມີເຈດຕະນາດີ. ເມື່ອຕອບບັນດາຄຳຖາມຂອງຜູ້ພິພາກສາ, ທ່ານປະທານາທິບໍດີ Yoon ໄດ້ຕອບ 2 ຂໍ້, ໃນນັ້ນ ຄັດຄ້ານເລື່ອງອອກຄຳສັ່ງໃຫ້ແກ່ກອງທັບນຳໃຊ້ອາວຸດບັງຄັບໃຫ້ບັນດາສະມາຊິກລັດຖະສະພາ ສ.ເກົາຫຼີ ອອກຈາກສະພາແຫ່ງຊາດ ພາຍຫຼັງປະກາດໃຊ້ກົດໄອຍະການເສິກໃນຄໍ່າຄືນວັນທີ 3 ທັນວາ ປີ 2024.
ນີ້ແມ່ນວາລະປະຊຸມສານພິພາກສາທີ 3 ຂອງສານລັດຖະທຳມະນູນ ໃນວິວັດທະນາການພິຈາລະນາໂທດທ່ານປະທານາທິບໍດີ Yoon ຕາມມະຕິຂອງສະພາແຫ່ງຊາດ.
ແຫຼ່ງຄັດຈາກ: vovworld