ອີຢູ ປະ​ກາດ​ແຜນ​ການ​ເລີ່ມ​ຕົ້ນ​ພື້ນ​ຖານ​ເສດ​ຖະ​ກິດ​ຄືນ​ໃໝ່

ທ່ານນາງ Ursula von der Leyen ປະທານຄະນະກຳມະການເອີຣົບ. ພາບ: TTXVN

ເມື່ອກ່າວຄຳເຫັນໃນການຖະແຫຼງຂ່າວປະກາດແຜນການດັ່ງກ່າວ, ທ່ານນາງ Ursula von der Leyen ປະທານຄະນະກຳມະການເອີຣົບ ໄດ້ເນັ້ນໜັກວ່າ ຕ້ອງປຸກລຸກກຳລັງໜູນປ່ຽນແປງໃໝ່ຂອງ ອີຢູ ຄືນໃໝ່. ຕາມທ່ານນາງ ແລ້ວ, ອີຢູ ຍັງຮັກສາບັນດາຄຳໝັ້ນສັນຍາຫຼຸດຜ່ອນການປ່ອຍອາຍພິດກາກບອນ ແຕ່ໄປຄຽງຄູ່ກັນນັ້ນກໍຈະຍູ້ແຮງການຫຼຸດຜ່ອນບັນດາລະບຽບການບໍລິຫານໃຫ້ແກ່ບັນດາວິສາຫະກິດ.

ຕາມແຜນການເສດຖະກິດໃໝ່ທີ່ມີຊືວ່າ “ເຂັມຊີ້ທິດແຫ່ງການແກ້ງແຍ້ງ”, ອີຢູ ຈະປັບປຸງກົດໝາຍນັບສິບສະບັບແນໃສ່ຫຼຸດຜ່ອນຂໍ້ກຳນົດຫຼັກການກ່ຽວກັບມາດຕະຖານຂອງລະບົບສະໜອງ ແລະສິ່ງແວດລ້ອມ. ນອກຈາກນັ້ນແລ້ວ, ອີຢູ ກໍຈະສ້າງຕັ້ງກົນໄກນິຕິກຳຂອງກຸ່ມເຄື່ອນໄຫວແບບເອກະລາດກັບກົນໄກນິຕິກຳຂອງ 27 ປະເທດສະມາຊິກ ເພື່ອອະນຸຍາດໃຫ້ບັນດາບໍລິສັດປະດິດຄິດສ້າງໄດ້ຊົມໃຊ້ຜົນປະໂຫຍດຈາກກົດລະບຽບທີ່ມີຄວາມເປັນເອກະພາບກ່ຽວກັບບັນດາເນື້ອໃນຄືກົດໝາຍວ່າດ້ວຍແຮງງານ ຫຼື ພາສີ.

ໄປຄຽງຄູ່ກັນນັ້ນ, ແຜນການດັ່ງກ່າວກໍໄດ້ວາງອອກບັນດາເປົ້າໝາຍທີ່ຫັນແຫຼ່ງສະໜອງເປັນຫຼາຍຮູບຫຼາຍແບບເພື່ອຫຼຸດຜ່ອນຄ່າໃຊ້ຈ່າຍພະລັງງານ, ຊຸກຍູ້ຂະແໜງອຸດສາຫະກຳສີຂຽວ, ເພີ່ມທະວີການຂຸດຄົ້ນແຫຼ່ງວັດຖຸດິບເພື່ອຫຼຸດຜ່ອນການເອື່ອຍອີງເຂົ້າບັນດາປະເທດຢູ່ນອກກຸ່ມ ແລະມຸ່ງໄປເຖິງການບັນລຸໄດ້ຄວາມເປັນເອກະພາບບັນດາຕະຫຼາດທຶນຮອນເອີຣົບ.

ແຫຼ່ງຄັດຈາກ: vovworld.vn