ການເຈລະຈາຢຸດຍິງຢູ່ເຂດກາຊາ ບັນລຸໄດ້ຄວາມຄືບໜ້າດີພໍສົມຄວນ
ວັນທີ 14 ມັງກອນ, ໂຄສົກກະຊວງການຕ່າງປະເທດກາຕາ Majed Al Ansari ຢັ້ງຢືນວ່າ ບັນດາການເຈລະຈາຂັ້ນສູງກ່ຽວກັບການຊຸກຍູ້ການຢຸດຍິງຢູ່ເຂດກາຊາ ທີ່ດຳເນີນຢູ່ ໂດໂຮ (ກາຕາ) ໄດ້ຮອດຂັ້ນຕອນສຸດທ້າຍ.
    |
 |
|
ສະພາບການຢູ່ Deir al-Balah, ເຂດກາຊາ, ວັນທີ 8 ມັງກອນ 2025. ພາບ: THX/ສໍານັກຂ່າວສານຫວຽດນາມ |
ເມື່ອກ່າວຄຳເຫັນທີ່ກອງປະຊຸມຖະແຫຼງຂ່າວປະຈຳອາທິດ, ທ່ານ Majed Al Ansari ໃຫ້ຮູ້ວ່າ ບັນດາສິ່ງກີດຂວາງສຳລັບຂໍ້ຕົກລົງລະຫວ່າງ ອິດສະຣາແອັນ ແລະຂະບວນການອິດສະລາມ ຮາມາດສ ກ່ຽວກັບຄຳສັ່ງຢຸດຍິງ ແລະແລກປ່ຽນຕົວປະກັນໄດ້ແກ້ໄຂໃນສອງ-ສາມອາທິດຜ່ານມາ. ດັ່ງນັ້ນ, ອາດເວົ້າໄດ້ວ່າ ບັນດາຝ່າຍເຂົ້າຮ່ວມການເຈລະຈາພວມກ້າວເຂົ້າສູ່ໄລຍະທີ່ມີຄວາມຄືບໜ້າ, ຊ້ຳບໍ່ໜຳກໍອາດຈະແມ່ນໄລຍະສຸດທ້າຍ ແລະ“ນີ້ແມ່ນຈຸດເວລາໃກ້ສຸດ ເພື່ອບັນລຸໄດ້ຂໍ້ຕົກລົງ” ພາຍຫຼັງບັນດາຄວາມມານະພະຍາຍາມໃນຊຸມເດືອນຜ່ານມາ. ກາຕາ ໄດ້ສົ່ງຮ່າງຂໍ້ຕົກລົງທີ່ເໝາະສົມໃຫ້ທັງຮາມາດສ ແລະອິດສະຣາແອັນ.
ທ່ານ Majed Al Ansari ສະແດງຄວາມເຊື່ອໝັ້ນວ່າ ການປະຕິບັດຄຳສັ່ງຢຸດຍິງຈະດຳເນີນ “ໃນທັນທີ” ພາຍຫຼັງບັນລຸໄດ້ຂໍ້ຕົກລົງ. ປັດຈຸບັນ, ຍັງບໍ່ທັນຮູ້ວັນເວລາລະອຽດແຕ່ບັນດາຄວາມມານະພະຍາຍາມພວມໄດ້ດຳເນີນເພື່ອສຳເລັດຂໍ້ຕົກລົງ.
ແຫຼ່ງຄັດຈາກ: vovworld.vn