ວັນທີ 1 ມັງກອນ, ສຳນັກຂ່າວສານ TASS ຂອງ ລັດເຊຍ ໄດ້ໃຫ້ຂ່າວວ່າ ທ່ານປະທານາທິບໍດີ Vladimir Putin ຮຽກຮ້ອງໃຫ້ລັດຖະບານ ແລະ Sberbank - ທະນາຄານໃຫຍ່ສຸດຂອງປະເທດນີ້ - ພັດທະນາກົນໄກຮ່ວມມືກັບ ຈີນ ໃນຂົງເຂດປັນຍາປະດິດ (AI). ປັດຈຸບັນ, ລັດເຊຍ ພວມລົງທຶນຢ່າງແຮງ ເພື່ອສາມາດເປັນເຈົ້າຂອງເຕັກໂນໂລຢີຊິບຄວາມໄວສູງ, ໜຶ່ງໃນບັນດາຂົງເຂດເຕັກໂນໂລຢີທີ່ຈຳເປັນ ແລະເຕັມໄປດ້ວຍການໝັ້ນໝາຍຂອງສະຕະວັດທີ XXI.
ບັນດາບໍລິສັດຜະລິດຊິບໃນໂລກໄດ້ຢຸດຕິການສົ່ງອອກຜະລິດຕະພັນໄປຍັງລັດເຊຍ, ຍ້ອນຖືກຜົນກະທົບຈາກບັນດາມາດຕະການຈໍາກັດການສົ່ງອອກເຕັກໂນໂລຢີທີ່ກ້າວໜ້າໂດຍບັນດາປະເທດຕາເວັນຕົກຈັດວາງ. ສິ່ງດັ່ງກ່າວໄດ້ຮັບຖືວ່າສົ່ງຜົນກະທົບຫຼາຍຢ່າງຕໍ່ບັນດາເປົ້າໝາຍພັດທະນາ AI ຂອງ ລັດເຊຍ. ໃນສານອວຍພອນປີໃໝ່ສົ່ງເຖິງທ່ານປະທານາທິບໍດີ ລັດເຊຍ Vladimir Putin ໃນວັນທີ 31 ທັນວາ, ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ຢັ້ງຢືນສາຍພົວພັນຄູ່ຮ່ວມມືອັນເລິກເຊິ່ງ ກວ້າງຂວາງ ແລະຍືນຍົງລະຫວ່າງສອງປະເທດ.
ແຫຼ່ງຄັດຈາກ: vovworld.vn
Type the code from the image