ສ.ເກົາຫຼີ ປະກາດໄວ້ອາໄລລະດັບຊາດໃນເວລາ 7 ວັນເພື່ອອາໄລຫາຜູ້ປະສົບເຄາະຮ້າຍໃນເຫດອຸບັດຕິເຫດເຮືອບິນ
ໃນຍອດຈຳນວນຜູ້ໂດຍສານ ແລະຈຸບິນ 181 ຄົນ, ມີ 179 ຄົນຖືກເສຍຊີວິດ, 2 ຄົນລອດຊີວິດ.
    |
 |
|
ບ່ອນເກີດອຸບັດຕິເຫດເຮືອບິນ. ພາບ: ສໍານັກຂ່າວສານຫວຽດນາມ. |
ວັນທີ 29 ທັນວາ, ທ່ານ Choi Sang Mok ຮັກສາການປະທານາທິບໍດີ ສ. ເກົາຫຼີ ໄດ້ຖະແຫຼງ ໃຫ້ໄວ້ອາໄລລະດັບຊາດໃນເວລາ 7 ວັນ (ແຕ່ວັນທີ 29 ທັນວາ ຮອດຕອນຄ່ຳວັນທີ 4 ມັງກອນປີ 2025) ເພື່ອອາໄລຫາບັນດາຜູ້ປະສົບເຄາະຮ້າຍເສຍຊີວິດໃນເຫດອຸບັດຕິເຫດເຮືອບິນທີ່ຮ້າຍແຮງທີ່ເກີດຂຶ້ນໃນວັນດຽວກັນຢູ່ ສະໜາມບິນສາກົນ Muan ທາງທິດໃຕ້ແຂວງ Jeolla ຂອງປະເທດນີ້.
ຕາມຕົວເລກອັບເດດຫຼ້າສຸດຂອງເຈົ້າໜ້າທີ່ ສ.ເກົາຫຼີ, ໃນຍອດຈຳນວນຜູ້ໂດຍສານ ແລະຈຸບິນ 181 ຄົນ, ມີ 179 ຄົນຖືກເສຍຊີວິດ, 2 ຄົນລອດຊີວິດ. ນີ້ແມ່ນອຸບັດຕິເຫດເຮືອບິນທີ່ຮ້າຍແຮງທີ່ສຸດຢູ່ດິນແດນ ສ.ເກົາຫຼີ. ກ່ອນນັ້ນ ພາຍຫຼັງເກີດອຸບັດຕິເຫດ, ທ່ານ Choi Sang Mok ຮັກສາການປະທານາທິບໍດີ ສ.ເກົາຫຼີ ໄດ້ກຳນົດ Muan ແມ່ນເຂດໄພພິບັດພິເສດ, ຕາມນັ້ນແລ້ວ ທາງລັດຈະສະໜອງທຸກການໜູນຊ່ວຍທີ່ຈຳເປັນໃຫ້ແກ່ບັນດາຄວາມມານະພະຍາຍາມ ແກ້ໄຂຜົນຮ້າຍຢ້ອນຫຼັງ, ໜູນຊ່ວຍບັນດາຄອບຄົວມີຜູ້ປະສົບເຄາະຮ້າຍ ແລະປິ່ນປົວໃຫ້ແກ່ຜູ້ຮັບບາດເຈັບ.
ກ່ຽວຂ້ອງເຖິງການສືບສວນສອບສວນ, ວົງການເຈົ້າຫນ້າທີ່ ກະຊວງທີ່ດິນ, ພື້ນຖານໂຄງລ່າງ ແລະຄົມມະນາຄົມ ສ.ເກົາຫຼີ ໃຫ້ຮູ້ວ່າ: ໜຶ່ງໃນຈຳນວນ 2 ກັບດຳຂອງເຮືອບິນຖືກເປ່ເພສ່ວນໜຶ່ງ, ອາດຈະເຮັດໃຫ້ວິວັດການວິໃຈເພື່ອຊອກຫາສາເຫດຂອງອຸບັດຕິເຫດຊັກຊ້າ.
ແຫຼ່ງຄັດຈາກ: vovworld.vn