ໄຂງານວາງສະແດງ “ຮ່ວາງຊາ, ເຈື່ອງຊາຂອງຫວຽດນາມ - ພະຍານຫຼັກຖານປະຫວັດສາດ ແລະນິຕິກໍາ” ຢູ່ເມືອງ ກຣົງນັງ

ງານວາງສະແດງ “ຮ່ວາງຊາ, ເຈື່ອງຊາ ຂອງຫວຽດນາມ - ພະຍານຫຼັກຖານປະຫວັດສາດ ແລະນິຕິກໍາ” ຢູ່ບໍລິເວນເມືອງ ກຣົງນັງ, ແຂວງ ດັກລັກ ໄດ້ວາງສະແດງ ແລະແນະນຳເອກະສານ, ວັດຖຸພັນ, ສື່ສິ່ງພິມຫຼາຍຢ່າງ ແລະ ແຜນທີ່ເກືອບ 100 ແຜ່ນ ທີ່ເກັບກຳມາຈາກແຫຼ່ງເອກະສານທາງການທີ່ໄດ້ປະກາດແຕ່ກອ່ນມາຮອດປະຈຸບັນຂອງບັນດານັກຄົ້ນຄ້ວາ ແລະ ນັກຮຽນຮູ້ຢູ່ພາຍໃນ ແລະຕ່າງປະເທດ ຢືນຢັນວິວັດການສ້າງຕັ້ງ, ປະຕິບັດ ແລະປົກປັກຮັກສາອະທິປະໄຕຂອງຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ. ພິເສດແມ່ນປຶ້ມເອກະສານຂອງສະໄໝລາຊະວົງຫງວຽນ  ທີ່ກ່ຽວຂ້ອງໂດຍກົງເຖິງບັນຫາຂຸດຄົ້ນ, ຄຸ້ມຄອງ, ກຳນົດ ແລະປະຕິບັດອະທິປະໄຕສໍາລັບ 2 ໝູ່ເກາະ ຮ່ວາງຊາ ແລະ ເຈື່ອງຊາຂອງຫວຽດນາມ.

ຜູ້ແທນຕັດແຖບຜ້າເປີດງານວາງສະແດງຢູ່ເມືອງ ກຣົງນັງ. ພາບ: qdnd.vn

ພະນັກງານ, ປະຊາຊົນ ຢ໊ຽມຊົມງານວາງສະແດງ. ພາບ: qdnd.vn

ກ່າວຄຳເຫັນທີ່ພິທີໄຂງານວາງສະແດງ, ທ່ານ ຫງວຽນກວກຮຽບ, ຮອງຫົວໜ້າພະແນກຖະແຫຼງຂ່າວ ແລະສື່ສານແຂວງດັກລັກ ໃຫ້ຮູ້ວ່າ: ນີ້ແມ່ນຄັ້ງທີ 9 ທີ່ພະແນກຖະແຫຼງຂ່າວ ແລະສື່ສານແຂວງ ດັກລັກ ສົມທົບກັບຄະນະກຳມະການປະຊາຊົນບັນດາເມືອງ, ເທດສະບານເມືອງໃນແຂວງ ຈັດຕັ້ງງານວາງສະແດງ “ຮ່ວາງຊາ, ເຈື່ອງຊາຂອງຫວຽດນາມ - ພະຍານຫຼັກຖານປະຫວັດສາດ ແລະນິຕິກໍາ”, ຜ່ານນັ້ນປະກອບສ່ວນຊ່ວຍໃຫ້ພະນັກງານ, ສະມາຊິກພັກ ແລະ ປະຊາຊົນບັນດາເຜົ່າໃນບໍລິເວນ ກໍາແໜ້ນແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ ວ່າດ້ວຍທະເລ, ໝູ່ເກາະຂອງຫວຽດນາມ, ພິເສດເປັນພື້ນຖານນິຕິກຳສໍາລັບອະທິປະໄຕສອງໝູ່ເກາະ ຮ່ວາງຊາ ແລະ ເຈື່ອງຊາ ຂອງຫວຽດນາມ.

ງານວາງສະແດງ ຈະດໍາເນີນຈົນຮອດວັນທີ 3 ພະຈິກ ຈຶ່ງອັດລົງ.

ໂດຍ: ທູຈາງ

.