ງານວາງສະແດງຮູບພາບ “ທະຫານຍິງຫວຽດນາມ ໃນການເຄື່ອນໄຫວຮັກສາສັນຕິພາບ ສປຊ”
ກປ.ອອນໄລ - ຕອນເຊົ້າວັນທີ 25 ຕຸລາ, ກົມຮັກສາສັນຕິພາບຫວຽດນາມ ສົມທົບກັບອົງການພັດທະນາສະຫະປະຊາຊາດ (UNDP) ປະຈໍາ ຫວຽດນາມ ແລະຫໍພິພິທະພັນແມ່ຍິງຫວຽດນາມ ໄດ້ຈັດຕັ້ງພິທີເປີດງານວາງສະແດງຮູບພາບ “ທະຫານຍິງຫວຽດນາມ ໃນການເຄື່ອນໄຫວຮັກສາສັນຕິພາບສະຫະປະຊາຊາດ (ສປຊ)”.
ທ່ານພັນເອກພິເສດ ມາກດຶງຈ້ອງ ຮອງຫົວໜ້າກົມຮັກສາສັນຕິພາບຫວຽດນາມ ແລະທ່ານນາງ Ramla Khalidi ຫົວໜ້າຜູ້ຕາງໜ້າອົງການ UNDP ປະຈໍາ ຫວຽດນາມ ເປັນປະທານຮ່ວມພິທີໄຂ.
ງານວາງສະແດງໄດ້ແນະນຳຮູບພາບທີ່ມີຊີວິດຊີວາເກືອບ 100 ແຜ່ນກ່ຽວກັບຊີວິດ ແລະວຽກງານຂອງທະຫານຍິງຫວຽດນາມ ຢູ່ຊູດັງໃຕ້, ສ.ອາຟະລິກາກາງ ແລະເຂດ Abyei. ງານວາງສະແດງບໍ່ພຽງແຕ່ເຊີດຊູບົດບາດ ແລະການປະກອບສ່ວນສຳຄັນຂອງທະຫານຍິງຫວຽດນາມ ໃນພາລະກຳຮັກສາສັນຕິພາບ ສປຊ ເທົ່ານັ້ນ, ຫາກຍັງຊ່ວຍໃຫ້ທຸກຄົນເຂົ້າໃຈກວ່າກ່ຽວກັບການເຄື່ອນໄຫວທີ່ມີຄວາມໝາຍຂອງທະຫານຍິງຫວຽດນາມ ໃນການຮັກສາສັນຕິພາບ. ໃນຂອບເຂດງານວາງສະແດງ, ໄດ້ດຳເນີນລາຍການພົບປະແລກປ່ຽນກັບບັນດາທະຫານຮັກສາສັນຕິພາບ ສປຊ ທີ່ດີເດັ່ນ.
    |
 |
|
ຜູ້ແທນຖ່າຍຮູບລວມ. ພາບ: ໝີແຮັ້ງ |
ເນື່ອງໃນໂອກາດນີ້, ທະຫານໝວກເບເລສີຟ້າ ໄດ້ມອບໃຫ້ຫໍພິພິທະພັນແມ່ຍິງຫວຽດນາມ ວັດຖຸພັນຈໍານວນໜຶ່ງ, ຄື: ຈົດໝາຍຂອບໃຈກອງຊ່າງແສງເລກ 1 ຫວຽດນາມ ຂອງໂບດກາໂຕລິກ ຢູ່ເຂດ Abyei, ຫຼຽນກາ ເພື່ອພາລະກິດຮັກສາສັນຕິພາບ ສປຊ, ບາໂລຂອງທະຫານໝວກເບເລສີຟ້າ ແລະຜ້າບ່ຽງໂດຍປະຊາຊົນ Abyei ມອບໃຫ້. ງານວາງສະແດງຈະປິດໄວ້ໃນວັນທີ 8 ພະຈິກ.
ໂດຍ: ເຈິ່ນຮວ່ຽນ