ເປັນຂີດໝາຍໃໝ່ໃນການພົວພັນມິດຕະພາບສອງຝ່າຍ

ກ່າວຄຳເຫັນທີ່ພິທີ, ທ່ານນາງ Ranida Laungthitisakul ຮັກສາການເຈົ້າແຂວງ Nakhon Phanom ຖືວ່າ ການກໍ່ສ້າງປະຕູຖະໜົນວັດທະນະທຳ ໄທ-ຫວຽດນາມ ແມ່ນຈຸດພົ້ນເດັ່ນໃໝ່, ສະແດງໃຫ້ເຫັນຈຸດທີ່ເປັນເອກະລັກສະເພາະ, ເລື່ອງລາວປະຫວັດສາດ ແລະສາຍພົວພັນອັນດີງາມລະຫວ່າງ ໄທ ແລະຫວຽດນາມ, ພ້ອມທັງສະແດງຄວາມເຊື່ອໝັ້ນວ່າ ໂຄງການນີ້ຈະກາຍເປັນຈຸດພົ້ນເດັ່ນທາງດ້ານວັດທະນະທຳທີ່ດຶງດູດນັກທ່ອງທ່ຽວມາໃຫ້ທ້ອງຖິ່ນ.

ຜູ້ແທນຕັດແຖບຜ້າເປີດສະຫຼອງປະຕູຖະໜົນວັດທະນະທຳ ໄທ-ຫວຽດນາມ ຢູ່ແຂວງ Nakhon Phanom. ພາບ: ສໍານັກຂ່າວສານຫວຽດນາມ

ສ່ວນທ່ານ ຫງວຽນແມ້ງດົງ ຮອງຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ເນັ້ນໜັກວ່າ ການມີປະຕູຖະໜົນວັດທະນະທຳ ໄທ-ຫວຽດນາມ ຢູ່ແຂວງ Nakhon Phanom ຈະສ້າງອາລົມຈິດອັນສັກສິດ, ດີງາມຂອງຊາວຫວຽດນາມ ໃນແຕ່ລະຄົນ, ຜ່ານນັ້ນສືບຕໍ່ປະກອບສ່ວນປັບປຸງການພົວພັນມິດຕະພາບອັນດີງາມລະຫວ່າງສອງລັດ ແລະປະຊາຊົນສອງປະເທດ ຫວຽດນາມ ແລະ ໄທ.

ປະຕູຖະໜົນວັດທະນະທຳ ໄທ-ຫວຽດນາມ ຍິ່ງມີຄວາມໝາຍກວ່າເມື່ອພ້ອມກັບເຂດປູຊະນີຍະສະຖານປະທານໂຮ່ຈີມິນ ຢູ່ບັນດາແຂວງພາກຕາເວັນອອກສ່ຽງເໜືອຂອງໄທ ບໍ່ພຽງແຕ່ເປັນສັນຍາລັກແຫ່ງມິດຕະພາບເທົ່ານັ້ນ, ຫາກຍັງແມ່ນສະຖານທີ່ວັດທະນະທຳທີ່ເຕັມໄປດ້ວຍສີສັນຫວຽດນາມ, ໄທ ປະສານເຂົ້າກັນ,  ນໍາມາເຊິ່ງຄຸນຄ່າໃໝ່.

ປະຕູຖະໜົນວັດທະນະທຳ ໄທ-ຫວຽດນາມ ເລີ່ມລົງມືກໍ່ສ້າງແຕ່ວັນທີ 11 ທັນວາ ປີ 2023 ດ້ວຍມູນຄ່າ 490.000 ບາດ (ເທົ່າກັບ 14.000 ໂດລາສະຫະລັດ).

ໂດຍ: ເຈິ່ນຮວ່ຽນ