    |
 |
|
ຄະນະຖະຫວາຍທູບທຽນ, ດອກໄມ້ອາໄລຫາຢູ່ວິຫານບູຊາອາໄລຫານັກຮົບເສຍສະຫຼະຊີວິດ ເພື່ອຊາດ ເບັ໋ນເຢືອກ. ພາບ: qdnd.vn |
|
|
 |
|
ຄະນະ ຢ້ຽມຢາມຖາມຂ່າວ, ມອບຂອງຂວັນໃຫ້ແມ່ຫວຽດນາມວິລະຊົນ ຫງວຽນທິແຮ້ງ. ພາບ: qdnd.vn |
ບັນດາກົມກອງ ໄດ້ສົມທົບກັນປະຕິບັດຫຼາຍກິດຈະກໍາທີ່ມີຄວາມໝາຍ, ຄື: ຖະຫວາຍທູບທຽນ, ຖະຫວາຍດອກໄມ້ຢູ່ວິຫານບູຊາອາໄລຫານັກຮົບເສຍສະຫຼະຊີວິດເພື່ອຊາດເບັ໋ນເຢືອກ, ຢ້ຽມຢາມ ແລະມອບຂອງຂວັນໃຫ້ແມ່ຫວຽດນາມວິລະຊົນ 23 ຄົນ, ຄອບຄົວນະໂຍບາຍ, ຄອບຄົວທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ, ຄອບຄົວຜູ້ທີ່ມີຄຸນງາມຄວາມດີຕໍ່ການປະຕິວັດ, ລູກຂອງນັກຮົບເສຍສະຫຼະຊີວິດ ເພື່ອຊາດ, ກໍາມະກອນຜູ້ອອກແຮງງານ, ສະມາຊິກຊາວໜຸ່ມ ທີ່ປະສົບຄວາມຫຍຸ້ງຍາກ 42 ຄອບຄົວ...
ຕອນບ່າຍວັນທີ 14 ທັນວາ, ຄະນະພັກແຂວງ, ສະພາປະຊາຊົນ, ຄະນະກໍາມະການປະຊາຊົນ, ຄະນະກໍາມະການແນວໂຮມປະເທດຊາດຫວຽດນາມ ແຂວງກວ໋າງບິ່ງ ຈັດຕັ້ງການພົບປະສັງສັນພົນທະຫານ, ພົນຕໍາຫຼວດແຂວງກວ໋າງບິ່ງ. ການພົບປະສັງສັນ ເພື່ອຫວນຄືນມູນເຊື້ອວິລະຊົນ, ໄລຍະທາງອັນສະຫງ່າລາສີຂອງກອງທັບປະຊາຊົນຫວຽດນາມ; ແມ່ນໂອກາດ ເພື່ອໃຫ້ອົງຄະນະພັກ, ອໍານາດການປົກຄອງ ແລະປະຊາຊົນແຂວງກວ໋າງບິ່ງ ສະແດງຄວາມຮູ້ບຸນຄຸນຕໍ່ການປະກອບສ່ວນອັນໃຫຍ່ຫຼວງຂອງພະນັກງານ, ນັກຮົບກອງທັບປະຊາຊົນຫວຽດນາມ ຮຸ່ນຕ່າງໆ ເວົ້າລວມ ແລະບັນດາສະຫາຍນາຍພົນຂອງແຂວງກວ໋າງບິ່ງ ເວົ້າສະເພາະ.
ວັນທີ 14 ທັນວາ, ທີ່ຕາແສງ ບິ່ງຈຸງ, ເມືອງເຈົາດຶກ, ກອງບັນຊາການທະຫານ ແຂວງບ່າເຣ້ຍ-ຫວູງເຕົາ ຮ່ວມກັບໂຮງໝໍບ່າເຣ້ຍ ແລະໂຮງໝໍຫວູງເຕົາ ຈັດຕັ້ງການກວດພະຍາດ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນໃນເປົ້າໝາຍນະໂຍບາຍ, ຜູ້ທີ່ມີຄຸນງາມຄວາມດີຕໍ່ການປະຕິວັດ, ຄອບຄົວຊົນເຜົ່າສ່ວນໜ້ອຍ, ສາສະໜາທີ່ປະສົບຄວາມຫຍຸ້ງຍາກໃນບໍລິເວນ.
ທີ່ລາຍການ, ບັນດາແພດໝໍ ໄດ້ກວດພະຍາດ ແລະໃຫ້ຄໍາປຶກສາສຸຂະພາບແກ່ 300 ກວ່າຄົນ; ມອບຂອງຂວັນ 100 ພູດໃຫ້ຄອບຄົວນະໂຍບາຍ, ຄອບຄົວທຸກຍາກ. ມູນຄ່າປະຕິບັດລາຍການແມ່ນ 115 ລ້ານດົ່ງ; ໃນນັ້ນ ກອງບັນຊາການທະຫານແຂວງ ໜູນຊ່ວຍ 100 ລ້ານດົ່ງ.
ໂຮງໝໍກອງທັບ 354 ຫາກໍ່ຈັດຕັ້ງ “ວັນບຸນວັດທະນະທໍາທະຫານ-ປະຊາຊົນ”. ກິດຈະກໍາ ລວມມີ: ການແຂ່ງຂັນກິລາມິດຕະພາບ (ຕີດອກປີກໄກ່, ປິ໋ງປອງ Pickleball, ດຶງເຊືອກ), ຮ້ານວາງສະແດງອາຫານການກິນ, ພົບປະແລກປ່ຽນສິລະປະວັດທະນະທໍາ, ດ້ວຍຫົວຂໍ້ “ສຽງເພງຍ້ອງຍໍພົນທະຫານກອງທັບປະຊາຊົນຫວຽດນາມ”, ງານບຸນຕັ້ງຄ້າຍ. ໂອກາດນີ້, ຄະນະພັກ, ຄະນະອໍານວຍການໂຮງໝໍກອງທັບ 354 ໄດ້ມອບຂອງຂວັນ 80 ພູດໃຫ້ເປົ້າໝາຍນະໂຍບາຍ (ມອບຂອງຂວັນ 20 ພູດໃຫ້ເປົ້າໝາຍແມ່ນນັກຮົບເກົ່າໃນບໍລິເວນຕາແສງວິ້ງຝຸກ, ເມືອງບາດິ່ງ, ນະຄອນຮ່າໂນ້ຍ; 20 ພູດໃຫ້ນາຍທະຫານ, ຜູ້ອອກແຮງງານທີ່ພວມປະຕິບັດງານຢູ່ໂຮງໝໍ; 40 ພູດໃຫ້ຄົນເຈັບທີ່ພວມປິ່ນປົວຢູ່ໂຮງໝໍ).
ໂດຍ: ໄຊຊະນະ