ກອງປະຊຸມຂ່າວແນະນໍາກ່ຽວກັບກອງປະຊຸມສໍາມະນາວິທະຍາສາດລະດັບຊາດ, ສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ

ທ່ານພົນຕີ ເຈືອງທຽນໂຕ ກ່າວຄໍາເຫັນຊີ້ນໍາ. ພາບ: qdnd.vn

ກອງປະຊຸມສໍາມະນາ ໂດຍ ກະຊວງປ້ອງກັນປະເທດຫວຽດນາມ ສົມທົບກັບຄະນະໂຄສະນາສຶກສາສູນກາງພັກ, ກະຊວງຕໍາຫຼວດ ແລະແຂວງກາວບັ່ງ ຈັດຕັ້ງ, ດ້ວຍຫົວຂໍ້ “ກອງທັບປະຊາຊົນຫວຽດນາມ-ມູນເຊື້ອອັນສະຫງ່າອົງອາດ, ພາລະກິດທີ່ສະຫງ່າງາມ, ກໍາລັງຫຼັກແຫຼ່ງກໍ່ສ້າງພື້ນຖານປ້ອງກັນຊາດທົ່ວປວງຊົນ ຢ່າງໝັ້ນຄົງເຂັ້ມແຂງ”. ເນື້ອໃນຕົ້ນຕໍຂອງກອງປະຊຸມສໍາມະນາແມ່ນເຮັດແຈ້ງສະພາບການປະຫວັດສາດ, ການຊີ້ນໍາ, ນໍາພາຂອງສູນກາງພັກ, ຄະນະພັກການທະຫານສູນກາງ ຕໍ່ກັບວິວັດການສ້າງສາ, ສູ້ຮົບ, ເຕີບໃຫຍ່ຂະຫຍາຍຕົວ ແລະໄຊຊະນະຂອງກອງທັບປະຊາຊົນຫວຽດນາມ... ໃນໄລຍະຜ່ານມາ, ບັນດາອົງການທີ່ກ່ຽວຂ້ອງໄດ້ສົມທົບກັນຢ່າງແໜ້ນແຟ້ນ, ດໍາເນີນການສໍາຫຼວດ, ສ້າງແຜນການ; ປະສານສົມທົບ, ຜັນຂະຫຍາຍຢ່າງລອບຄອບຖີ່ຖ້ວນ; ວຽກງານກະກຽມຖືກຕາມແຜນການ, ມີຄຸນນະພາບດີ. ຄະນະຈັດຕັ້ງໄດ້ຮັບບົດປະກອບຄຳເຫັນຂອງການນໍາພັກ, ລັດ, ຄະນະພັກການທະຫານສູນກາງ ແລະບັນດາຄະນະ, ກະຊວງ, ຂະແໜງການ, ບັນດານັກວິທະຍາສາດທັງໝົດ 114 ບົດ. ບັນດາບົດປະກອບຄໍາເຫັນໄດ້ຄົ້ນຄວ້າ, ຕິດແທດກັບເນື້ອໃນຫົວຂໍ້ຂອງກອງປະຊຸມສໍາມະນາ, ປະກອບສ່ວນເຮັດແຈ້ງເອກະສານ, ເຫດການດ້ວຍວິທີການເຂົ້າເຖິງ, ແກ້ໄຂຢ່າງມີວິທະຍາສາດ, ຊວນເຊື່ອ ແລະຮັບປະກັນຄຸນນະພາບ. ຕາມແຜນການ, ກອງປະຊຸມສໍາມະນາ ຈະດໍາເນີນໃນວັນທີ 14 ທັນວາ, ທີ່ຮ່າໂນ້ຍ.

ໂດຍ: ໄຊນີດາ