ອີ​ຣານ ມີ​ປະ​ຕິ​ກິ​ລິ​ຍາ ພາຍຫຼັງເປັນ​ຄັ້ງ​ທຳ​ອິດ ອິດສະຣາແອນ ຍອມ​ຮັບກ່ຽວ​ກັບກໍ​ລະ​ນີການ​ນຳຮາ​ມາດ​ສ ເສຍ​ຊີ​ວິດ

ທ່ານເອກອັກຄະລັດຖະທູດ ອີຣານ ປະຈຳ ສປຊ Amir Saeid Iravani. ພາບ: ສໍານັກຂ່າວສານ ຫວຽດນາມ.

ວັນທີ 24 ທັນວາ, ອີຣານ ມີປະຕິກິລິຍາຢ່າງຮຸນແຮງ ພາຍຫຼັງເປັນຄັ້ງທຳອິດ ອິດສະຣາແອນ ຍອມຮັບໄດ້ຢືນຢູ່ເບື້ອງຫຼັງກໍລະນີການນຳ ຮາມາດສ ເສຍຊີວິດ ຢູ່ອີຣານ. ທ່ານເອກອັກຄະລັດຖະທູດ ອີຣານ ປະຈຳ ສປຊ Amir Saeid Iravani ໄດ້ສົ່ງຈົດໝາຍມາຍັງທ່ານເລຂາທິການໃຫຍ່ ສປຊ, ໃນນັ້ນ ໄດ້ຕຳໜິຕິຕຽນ ອິດສະຣາແອນ ຢ່າງຮຸນແຮງກ່ຽວກັບສິ່ງທີ່ ເຕເຮຣານ ໄດ້ພັນລະນາວ່າ “ເປັນຄຳຖະແຫຼງຢ່າງເປີດເຜີຍ” ກ່ຽວຂ້ອງເຖິງກໍລະນີ ທ່ານ Ismail Haniyeh, ໜຶ່ງໃນບັນດາການນຳຂອງຂະບວນການອິດສະລາມ ຮາມາດສ ເສຍຊີວິດຢູ່ ອີຣານ ເມື່ອເດືອນກໍລະກົດ ຜ່ານມາ. ໃນຈົດໝາຍ, ທ່ານເອກອັກຄະລັດຖະທູດ Iravani ຊີ້ແຈ້ງວ່າ ນີ້ແມ່ນການກະທຳທີ່ຕ້ອງກ່າວປະນາມ.

ກ່ອນໜ້ານັ້ນ, ວັນທີ 23 ທັນວາ, ທ່ານລັດຖະມົນຕີກະຊວງປ້ອງກັນປະເທດ ອິດສະຣາແອນ Isarel Katz ໄດ້ຍອມຮັບເປັນຄັ້ງທຳອິດວ່າ ປະເທດນີ້ ຢືນຢູ່ເບື້ອງຫຼັງເຫດການດັ່ງກ່າວ.

ແຫຼ່ງຄັດຈາກ: vovworld.vn