ອີຢູ ຕ້ອງການ 800 ຕື້ ເອີໂຣ/ປີ ເພື່ອຟື້ນຕົວພື້ນຖານເສດຖະກິດ
ວັນທີ 9 ກັນຍາ, ທ່ານ Mario Draghi, ອະດີດປະທານທະນາຄານສູນກາງ ເອີລົບ (ECB) ໄດ້ຮຽກຮ້ອງສະຫະພາບເອີລົບ (ອີຢູ) ລົງທຶນຈຳນວນເງິນ 800 ຕື້ ເອີໂຣ/ປີ ເພື່ອແນໃສ່ຊ່ວຍກຸ່ມນີ້ຮັບມືກັບໄພຖອຍຫລັງຂອງພື້ນຖານເສດຖະກິດ “ທີ່ມີລັກສະນະເປັນຕາຍ” ປະຈຸບັນ.
ໃນບົດລາຍງານຍາວ 400 ຫນ້າ ຊື່ງທ່ານໄດ້ລາຍງານຢູ່ ຄະນະກຳມະການເອີລົບ ຢູ່ ບຣຸກແຊນ ປະເທດ ສະວິດ, ທ່ານ Draghi ໄດ້ເນັ້ນຫນັກວ່າ: ອີຢູ ຄວນປະຕິບັດບັນດາບາດກ້າວຢ່າງແຮງ ເພື່ອປັບປຸງສະມັດຕະພາບ ແລະ ການເຕີບໂຕເສດຖະກິດ, ສິ່ງທີ່ພວມເຮັດໃຫ້ ອີຢູ ຖອຍຫລັງເມື່ອທຽບໃສ່ກັບ ອາເມລິກາ ແລະ ຈີນ.
ທ່ານອະດິດປະທານ ECB ຖືວ່າ: ອີຢູ ຄວນລົງທຶນຈຳນວນເງິນ 800 ຕື້ ເອີໂຣ ໃນແຕ່ລະປີ ເພື່ອຜ່ານຜ່າສະພາບຊຸດໂຊມປະຈຸບັນ. ນີ້ແມ່ນບ້ວງເງິນລົງທຶນທີ່ບໍ່ເຄີຍມີມາກ່ອນ ແລະ ຈະຊ່ວຍ ອີຢູ ນຳຫນ້າໃນເຕັກໂນໂລຊີໃຫມ່ ພ້ອມທັງບັນລຸໄດ້ຫລາຍຄາດໝາຍອື່ນທີ່ວາງອອກ. ຄຽງຂ້າງນັ້ນ ທ່ານກໍ່ສົ່ງເສີມ ອີຢູ ຄວນສຸມໃສ່ເຂົ້າໃນການສ້າງບັນດາສູນປ່ຽນແປງໃຫມ່ແຖວຫນ້າ ແລະ ພັດທະນາເຕັກໂນໂລຊີສະອາດ.
ແຫຼ່ງຄັດຈາກ: vovworld.vn