ລາຍການສະແດງສິລະປະ "ເສັ້ນທາງຈາກຫົວໃຈ"
ກປ.ອອນໄລ - ຕອນຄ່ຳວັນທີ 30 ທັນວາ, ຢູ່ໂຮງລະຄອນກອງທັບ (ມາຍຢິກ, ຮ່າໂນ້ຍ), ໂຮງລະຄອນສິລະປະກອງທັບ ໄດ້ຈັດລາຍການສະແດງສິລະປະ “ເສັ້ນທາງຈາກຫົວໃຈ”.
    |
 |
|
ລາຍການສະແດງສິລະປະ "ເສັ້ນທາງຈາກຫົວໃຈ". ພາບ: qdnd.vn |
ທີ່ງານມະໂຫລານສິລະປະທົ່ວປະເທດປີ 2024 (ຄັ້ງທີ 1) ດຳເນີນແຕ່ວັນທີ 22-30 ພະຈິກ, ຢູ່ແຂວງວິ້ງຟຸກ, ໂຮງລະຄອນສິລະປະກອງທັບ ເປັນກຽດທີ່ໄດ້ຕາງໜ້າໃຫ້ບັນດາກົມກອງສິລະປະໃນກອງທັບເຂົ້າຮ່ວມງານມະໂຫລານ, ແຂ່ງຂັນກັບ 12 ກົມກອງສິລະປະຢູ່ພາກເໜືອ.
ໂຮງລະຄອນໄດ້ຈັດລາຍການສິລະປະດ້ວຍຫົວຂໍ້ “ເສັ້ນທາງຈາກຫົວໃຈ” ລວມມີ 12 ລາຍການ, ແບ່ງອອກເປັນ 3 ພາກ, ເນື້ອໃນຕິດພັນກັບປະຫວັດສາດການສ້າງຕັ້ງ, ມູນເຊື້ອ, ດ້ວຍຜົນງານອັນສະຫງ່າລາສີ ແລະພາກພູມໃຈໃນວິວັດການພັດທະນາຂອງກອງທັບປະຊາຊົນຫວຽດນາມ.
ນັກສິລະປິນ, ນັກສະແດງ ແລະນັກດົນຕີຂອງໂຮງລະຄອນໄດ້ປະດິດສ້າງ ແລະໂດດເດັ່ນເທິງເວທີ, ສະແດງດ້ວຍຫົວໃຈ, ຄວາມເມົາມົວຕໍ່ສິລະປະ ແລະຄວາມຫວັງໄດ້ອຸທິດສ່ວນ. ລາຍການໄດ້ຮັບຄວາມນິຍົມ, ຮັກແພງ ແລະການສະໜັບສະໜູນຈາກຜູ້ຊົມ; ໄດ້ສ້າງອາລົມຈິດທີ່ເລິກເຊິ່ງກ່ຽວກັບຮູບພາບນັກສິລະປິນ - ທະຫານລຸງໂຮ່ ໃນດວງໃຈມະຫາຊົນ ແລະເພື່ອນຮ່ວມອາຊີບ. ສິ້ນສຸດງານມະໂຫລານ, ລາຍການສະແດງສິລະປະຂອງໂຮງລະຄອນສິລະປະກອງທັບ ໄດ້ຮັບ 13 ລາງວັນ.
ໂດຍ: ທູຈາງ