ທ່ານນາງ ປອ ຫງວຽນເຟືອງຮວ່າ, ຫົວໜ້າກົມຮ່ວມມືສາກົນ (ກະຊວງວັດທະນະທຳ, ກິລາ ແລະທ່ອງທ່ຽວ) ໄດ້ແບ່ງປັນກັບນັກຂ່າວໜັງສືພິມກອງທັບປະຊາຊົນຫວຽດນາມ ກ່ຽວກັບບັນຫາເສີມຂະຫຍາຍສີສັນວັດທະນະທຳຂອງຫວຽດນາມ ແລະບັນດາປະເທດໃນປະຊາຄົມອາຊຽນ.

ນັກຂ່າວ: ຕາມທ່ານນາງ, ເຮັດແນວໃດເພື່ອໃຫ້ວັດທະນະທຳຫວຽດນາມ ສືບຕໍ່ເສີມຂະຫຍາຍ ແລະແຜ່ຂະຫຍາຍໃນປະຊາຄົມອາຊຽນ?

ທ່ານນາງ ປອ ຫງວຽນເຟືອງຮວ່າ: ຂ້າພະເຈົ້າ ຮູ້ສຶກດີໃຈ ແລະພາກພູມໃຈເມື່ອຫວຽດນາມ ໄດ້ເຊື່ອມໂຍງກັບອາຊຽນ ແລະບືນຕົວຂຶ້ນ, ບໍ່ພຽງແຕ່ປະກອບສ່ວນຢ່າງຕັ້ງໜ້າເທົ່ານັ້ນ ຫາກຍັງຮັກສາບົດບາດນຳພາໃນອາຊຽນ. ໃນວິວັດທະນາການນັ້ນ, ວັດທະນະທຳ ພາກພູມໃຈແມ່ນທູດທີ່ມີກຳລັງແຮງພາຍໃນ, ພົບປະແລກປ່ຽນ, ຮ່ວມມືດ້ານວັດທະນະທຳປະກອບສ່ວນເຊື່ອມຕໍ່, ສະໜິດຕິດພັນກັບບັນດາປະເທດ.

leftcenterrightdel
ທ່ານນາງ ປອ ຫງວຽນເຟືອງຮວ່າ, ຫົວໜ້າກົມຮ່ວມມືສາກົນ (ກະຊວງວັດທະນະທຳ, ກິລາ ແລະທ່ອງທ່ຽວ).

ລະຫວ່າງບັນດາປະເທດ ອາດມີຄວາມບໍ່ລົງລອຍກັນດ້ານການເມືອງ, ເສດຖະກິດ, ສັງຄົມ ແຕ່ວ່າຕໍ່ໜ້າບົດດົນຕີ, ບົດເພງມ່ວນ, ທຸກຄົນຈະສະໜິດຕິດພັນກັນໄດ້ງ່າຍກວ່າ. ວັດທະນະທຳຈະແມ່ນປັດໄຈພື້ນຖານ ເພື່ອສະໜິດຕິດພັນບັນດາເຜົ່າ, ຊຸກຍູ້ບັນດາປະເທດຫຍັບມໍ່ໃກ້ກັນກວ່າ, ພິເສດດ້ວຍສີສັນວັດທະນະທຳທີ່ເປັນລັກສະນະສະເພາະຂອງຫວຽດນາມ ແລະບັນດາປະເທດອາຊຽນ.

ບັນດາປັດໄຈດ້ານວັດທະນະທຳປະກອບສ່ວນຊຸກຍູ້, ສ້າງຄວາມໄວ້ເນື້ອເຊື່ອໃຈເພື່ອພ້ອມກັນພັດທະນາໃນປະຊາຄົມບັນດາປະເທດອາຊຽນ. ປະຊາຄົມວັດທະນະທຳ-ສັງຄົມ ແມ່ນໜຶ່ງໃນສາມເສົາຄ້ຳຂອງການຮ່ວມມືອາຊຽນ, ດ້ວຍກົນໄກນັບແຕ່ກອງປະຊຸມລັດຖະມົນຕີ, ກອງປະຊຸມເຈົ້າໜ້າທີ່ອາວຸໂສຈົນຮອດຂອບການຮ່ວມມືດ້ານວັດທະນະທຳ ແລະການພົບປະແລກປ່ຽນປະຊາຊົນ. ລັດ ສ້າງສະພາບແວດລ້ອມນິຕິກຳທີ່ອຳນວຍຄວາມສະດວກໃຫ້ແກ່ວັດທະນະທຳ, ບັນດາຜູ້ປະຕິບັດວັດທະນະທຳ ແລະພິເສດແມ່ນປະຊາຊົນເສີມຂະຫຍາຍຫົວຄິດປະດິດສ້າງ ແລະຊຸກຍູ້ການພົບປະແລກປ່ຽນວັດທະນະທຳ.

ນັກຂ່າວ: ຕາມທ່ານນາງ, ເຮັດແນວໃດເພື່ອສ້າງສີສັນວັດທະນະທຳອາຊຽນ ແຕ່ຍັງຮັກສາໄດ້ສີສັນຂອງແຕ່ລະປະເທດສະເພາະ?

ທ່ານນາງ ປອ ຫງວຽນເຟືອງຮວ່າ: ປີ 2020, ເມື່ອຫວຽດນາມ ເປັນປະທານອາຊຽນ, ໜຶ່ງໃນບັນດາຂໍ້ລິເລີ່ມຂອງຫວຽດນາມ ແມ່ນບົດວິໄຈກ່ຽວກັບສີສັນອາຊຽນ, ໃນນັ້ນເນັ້ນໜັກເຖິງປະຊາຄົມວັດທະນະທຳອາຊຽນ ເອກະພາບໃນຫຼາຍຮູບແບບ ຖືມະນຸດເປັນໃຈກາງ, ພ້ອມກັນມຸ່ງໄປສູ່ເປົ້າໝາຍພັດທະນາແບບຍືນຍົງ.

ຫວຽດນາມ ພ້ອມກັບບັນດາປະເທດໄດ້ເຂົ້າຮ່ວມຫຼາຍໂຄງການຮ່ວມມື ຄືການອະນຸລັກຮັກສາມໍລະດົກວັດທະນະທຳຕະຫຼອດຮອດການພັດທະນາຂະແໜງອຸດສາຫະກຳວັດທະນະທຳໃນຫຼາຍຂົງເຂດ, ຄື: ຮູບເງົາ, ສິລະປະສະແດງ, ດົນຕີ... ບັນດາໂຄງການນີ້ລ້ວນແຕ່ປະກອບສ່ວນເພີ່ມທະວີນ້ຳໃຈມິດຕະພາບລະຫວ່າງບັນດາເຜົ່າ ແລະປະກອບສ່ວນສ້າງຄອບຄົວອາຊຽນ ສະໜິດຕິດພັນ.

ອາດເວົ້າໄດ້ວ່າ ເມື່ອມີໂອກາດເຂົ້າຮ່ວມບັນດາເວທີປາໄສຫຼາຍຝ່າຍ ແລະພົບປະກັບເພື່ອນມິດອາຊຽນ, ຂ້າພະເຈົ້າ ຮູ້ສຶກພາກພູມໃຈຍ້ອນວ່າວັດທະນະທຳປະກອບສ່ວນເຊື່ອມຕໍ່ຄອບຄົວອາຊຽນ ຢ່າງແຮງ ແລະສີສັນວັດທະນະທຳອາຊຽນ ຍາມໃດກໍ່ແຜ່ຂະຫຍາຍ.

ໃນວິວັດການຮ່ວມມື ແລະພົບປະແລກປ່ຽນວັດທະນະທຳ, ພວກຂ້າພະເຈົ້າ ຕີລາຄາສູງບັນດາຂໍ້ລິເລີ່ມຂອງ C asean ເຊິ່ງແມ່ນອົງການຈັດຕັ້ງບໍ່ຫວັງຜົນກໍາໄລ ດ້ວຍເປົ້າໝາຍເຊື່ອມຕໍ່ວັດທະນະທຳ, ເຊື່ອມຕໍ່ມະນຸດ, ເພື່ອສ້າງພື້ນຖານເຄື່ອນໄຫວໃຫ້ແກ່ປະຊາຄົມອາຊຽນ.

ຂ້າພະເຈົ້າ ຕີລາຄາສູງຕໍ່ໂຄງການຂອງ C asean ສ້າງຕັ້ງວົງດົນຕີອາຊຽນ ລວມມີນັກສິລະປິນຈຳນວນ 10 ຄົນທີ່ນຳໃຊ້ດົນຕີພື້ນເມືອງຂອງແຕ່ລະປະເທດອາຊຽນ ເພື່ອພ້ອມກັນປະສານສຽງດົນຕີເປັນບົດລວມກ່ຽວກັບອາຊຽນ. ວົງດົນຕີບໍ່ພຽງແຕ່ສະແດງໃນອາຊຽນ ເທົ່ານັ້ນ ຫາກຍັງແນະນຳວັດທະນະທຳທີ່ເປັນມູນເຊື້ອອາຊຽນ ເຖິງຫຼາຍປະເທດໃນໂລກ, ຄື: ຈີນ, ຍີ່ປຸ່ນ ແລະ ສ.ເກົາຫຼີ.

leftcenterrightdel
ລາຍການສະແດງຟ້ອນລໍາທໍາເພງເຂັ້ມຂຸ້ນໄປດ້ວຍສີສັນວັດທະນະທຳອາຊຽນ.

ນັກຂ່າວ: ເພື່ອສ້າງອາຊຽນ ແຫ່ງຄວາມສາມັກຄີ ແລະຍືນຍົງນັ້ນ, ບົດບາດຂອງວັດທະນະທຳ, ກິລາ ແລະທ່ອງທ່ຽວ ຕ້ອງມີຖານະບົດບາດຄືແນວໃດ, ຂໍຮຽນ ທ່ານນາງ?

ທ່ານນາງ ປອ ຫງວຽນເຟືອງຮວ່າ: ພວກເຮົາ ກໍ່ເຫັນໄດ້ບົດບາດຂອງວັດທະນະທຳ, ກິລາ ແລະທ່ອງທ່ຽວໃນອາຊຽນ ແລະວັດທະນະທຳ, ກິລາ ໄດ້ປະກອບສ່ວນເຊື່ອມຕໍ່, ຊຸກຍູ້ພັດທະນາການທ່ອງທ່ຽວ.

ແຕ່ລະປີ, ອາຊຽນ ຕ້ອນຮັບແຂກທ່ອງທ່ຽວສາກົນກວ່າ 100 ລ້ານເທື່ອຄົນ, ໃນນັ້ນມີແຂກທ່ອງທ່ຽວພາຍໃນກຸ່ມກວ່າ 40%. ນີ້ກໍ່ແມ່ນໜຶ່ງໃນບັນດາຕະຫຼາດຈຸດສຸມຂອງການທ່ອງທ່ຽວຫວຽດນາມ, ບັນດາປະເທດເພື່ອນມິດ, ຄື: ໄທ, ກຳປູເຈຍ, ມາເລເຊຍ ແມ່ນຕະຫຼາດສົ່ງນັກທ່ອງທ່ຽວມາຫວຽດນາມ ແລະນັກທ່ອງທ່ຽວຫວຽດນາມ ຫຼາຍຄົນກໍ່ເລືອກບັນດາປະເທດອາຊຽນ ເພື່ອໄປທ່ອງທ່ຽວ.

ບັນດາປະເທດອາຊຽນ ໄດ້ເຊື່ອມຕໍ່, ຮ່ວມມືໃນຂົງເຂດທ່ອງທ່ຽວເປັນປະຈຳ ເພື່ອສ້າງຫຼາຍຜະລິດຕະພັນທ່ອງທ່ຽວທີ່ມີຄວາມດຶງດູດ ຄືໄທ ຊຸກຍູ້ຂໍ້ລິເລີ່ມ 6 ປະເທດ, ຈຸດນັດພົບດຽວ... ອາຊຽນ ຈັດຕັ້ງກອງປະຊຸມລັດຖະມົນຕີທ່ອງທ່ຽວອາຊຽນ ພ້ອມກັບເວທີປາໄສທ່ອງທ່ຽວອາຊຽນ. ຢູ່ທີ່ນັ້ນ, ບັນດາອົງການທ່ອງທ່ຽວແຫ່ງຊາດ ແລະພິເສດແມ່ນບັນດາບໍລິສັດນຳທ່ຽວ, ການບິນ, ບໍລິສັດທ່ອງທ່ຽວ ເຂົ້າຮ່ວມເພື່ອພົບປະ, ຊຸກຍູ້ການຮ່ວມມືທ່ອງທ່ຽວ.

ໃນການຮ່ວມມືທ່ອງທ່ຽວອາຊຽນ, ຫວຽດນາມ ກໍ່ສະແດງໃຫ້ເຫັນບົດບາດນຳພາເມື່ອດຳລົງບົດບາດເປັນຫົວເງື່ອນສ້າງຜະລິດຕະພັນທ່ອງທ່ຽວທາງນ້ຳ, ທ່ອງທ່ຽວງານບຸນ, ລ້ວນແຕ່ແມ່ນບັນດາຜະລິດຕະພັນລວມ ເພື່ອພັດທະນາການທ່ອງທ່ຽວພາຍໃນກຸ່ມ ກໍ່ຄືດຶງດຸດນັກທ່ອງທ່ຽວຕ່າງປະເທດ.

ຂົງເຂດກິລາ ແມ່ນໜຶ່ງໃນບັນດາປັດໄຈສ້າງເປັນສີສັນ ແລະຄວາມພາກພູມໃຈຕໍ່ກຳລັງແຮງຂອງປະຊາຄົມອາຊຽນ. ຜ່ານງານແຂ່ງຂັນຕ່າງໆ, ຄື: SEA Games ຫຼື AFF Cup, ປະຊາຊົນອາຊຽນ ໄດ້ເພີ່ມທະວີຄວາມເຂົ້າອົກເຂົ້າໃຈລວມ ກໍ່ຄືນ້ຳໃຈສາມັກຄີ. ສຳລັບ SEA Games, ສາມາດຖືວ່າແມ່ນ Olympic ຂອງພາກພື້ນອາຊຽນ, ຫວຽດນາມ ເອກອ້າງທະນົງໃຈທີ່ສຸດເມື່ອຢືນອັນດັບໜຶ່ງໃນຕາຕະລາງຈັດອັນດັບຫຼຽນ SEA Games 31 ຢູ່ຫວຽດນາມ ແລະ SEA Games 32 ຢູ່ກໍໍາປູເຈຍ. ເວລາຈະມາເຖິງ ພວກເຮົາຈະສືບຕໍ່ສຸມໃສ່ບັນດາການເຄື່ອນໄຫວຢູ່ SEA Games 33 ທີ່ຈັດຕັ້ງຢູ່ໄທ.

ນັກຂ່າວ: ຂໍຂອບໃຈ!

ໂດຍ: ແສງເດືອນ