ສາຍໄຍເຊື່ອມຕໍ່ຈາກອະດີດຕະການ
ຢູ່ເບື້ອງຂວາປະຕູໂຂງເຂົ້າສຳນັກງານຂອງພັກສັງຄົມ ຈີເລ (ພັກຝ່າຍຊ້າຍທີ່ມີຜົນສະທ້ອນໃຫຍ່ທີ່ສຸດຢູ່ ຈີເລ) ຕິດກະດານແກ້ວຂະໜາດໃຫຍ່, ສູງ ແລະກວ້າງ, ສີແດງ. ຢູ່ເທິງນັ້ນ, ຂຽນຊື່ສະມາຊິກຂອງພັກສັງຄົມຫຼາຍຮ້ອຍຄົນ ຖືກເຂັ່ນຂ້າຍ້ອນການຕໍ່ສູ້ຕ້ານລະບອບ ຜະເດັດການ Pinochet ຢູ່ປະເທດ ຈີເລ ໃນທົດສະວັດ 70 ຂອງສະຕະວັດກ່ອນ. ເມື່ອຕ້ອນຮັບທ່ານປະທານປະເທດ ເລືອງເກື່ອງ ແລະຄະນະຜູ້ແທນຂັ້ນສູງຫວຽດນາມ ມາຢ້ຽມຢາມສຳນັກງານ, ທ່ານ Paulina Voda Novic ປະທານພັກສັງຄົມ ຈີເລ ໄດ້ແບ່ງປັນກັບທ່ານປະທານປະເທດ ບັນດາສະມາຊິກພັກຜູ້ທີ່ດີເດັ່ນດັ່ງກ່າວ. ສິ່ງທີ່ຕັ້ນຕັນໃຈທີ່ສຸດເມື່ອທ່ານນາງ Paulina Voda Novic ເນັ້ນໜັກວ່າ ການຕໍ່ສູ້ເພື່ອຍາດເອົາເອກະລາດຂອງປະຊາຊົນຫວຽດນາມ ໃນຊຸມປີ 60, 70 ຂອງສະຕະວັດ ກ່ອນມີຜົນສະທ້ອນໃຫຍ່ທີ່ສຸດເຖິງລຸ້ນໜຸ່ມ ຈີເລ ແລະບັນດາສະມາຊິກພັກຂອງພັກສັງຄົມ. ໄລຍະນັ້ນໄດ້ເດີນຂະບວນຫຼາຍຮ້ອຍກິໂລແມັດ ຈາກນະຄອນ Valparaiso ໄປຫານະຄອນຫຼວງ Santiago ໃນປີ 1969 ເພື່ອສະແດງຄວາມສະໜັບສະໜູນຕໍ່ກັບການຕໍ່ສູ້ຕ້ານສັດຕູຜູ້ຮຸກຮານຂອງປະຊາຊົນຫວຽດນາມ. ເຖິງວ່າເວລາຜ່ານພົ້ນດົນນານແລ້ວກໍ່ຕາມ ແຕ່ວ່າຄວາມຊົງຈຳທີ່ດີງາມດັ່ງກ່າວບໍ່ສາມາດຈືດຈາງ. ຢູ່ ຈີເລ, ຍັງມີຫຼາຍມໍລະດົກ, ວັດຖຸພັນສະແດງຄວາມສາມັກຄີຂອງປະຊາຊົນ ຈີເລ ກັບປະຊາຊົນຫວຽດນາມ, ເພື່ອພາລະກິດຕໍ່ສູ້ປົດປ່ອຍຊາດຂອງປະເທດຫວຽດນາມ.
    |
 |
|
ທ່ານປະທານປະເທດ ເລືອງເກື່ອງ ຢ້ຽມຢາມ ແລະກ່າວຄຳເຫັນທີ່ມະຫາວິທະຍາໄລ ຈີເລ. ພາບ: ສຳນັກຂ່າວສານຫວຽດນາມ |
ໃນການພົບປະ ແລະເຮັດວຽກຄັ້ງຕ່າງໆຂອງທ່ານປະທານປະເທດ ເລືອງເກື່ອງ, ຢູ່ການພົບປະເຈລະຈາ, ການພົບປະຂັ້ນສູງກັບທ່ານປະທານາທິບໍດີ, ທ່ານປະທານສະພາສູງ, ທ່ານປະທານສະພາຕ່ຳ ແລະພັກການເມືອງຝ່າຍຊ້າຍ, ກ້າວໜ້າຂອງ ຈີເລ, ທີ່ການພົບປະໃດກໍ່ຕາມ, ຝ່າຍເພື່ອນກໍ່ເຕື້ອງເຖິງຄວາມຊົງຈຳທີ່ດີງາມກ່ຽວກັບນ້ຳໃຈມິດຕະພາບເຊິ່ງການນຳຂັ້ນສູງ ແລະປະຊາຊົນສອງປະເທດໄດ້ກໍ່ຕັ້ງ, ເພີ່ມພູນຄູນສ້າງ. ຊ້ຳບໍ່ໜຳໃນໄລຍະເວລານັ້ນ, ການນຳຂັ້ນສູງຂອງສອງປະເທດບໍ່ປະຕິບັດຕາມຫຼັກການການທູດເລີຍເພື່ອຫຍັບເຂົ້າໃກ້ກັນກວ່າ. ສຳລັບປະເທດ ຈີເລ, ຮູບພາບປະທານ ໂຮ່ຈີມິນ, ນັກວິລະຊົນຂອງປະຊາຊົນຫວຽດນາມ ແມ່ນຜູ້ທີ່ມີບຸກຄະລິກກະພາບ ເຊິ່ງປະຊາຊົນ ຈີເລ ເວົ້າສະເພາະ, ເພື່ອນມິດຢູ່ ອາເມລິກາ ລາຕີນ ເວົ້າລວມເຄົາລົບນັບຖື. ເນື່ອງຈາກນັ້ນ, ຝ່າຍເພື່ອນຈັດກິດຈະກຳທຳອິດຂອງທ່ານ ເລືອງເກື່ອງ ປະທານປະເທດຫວຽດນາມ ທີ່ເຄື່ອນໄຫວຢູ່ ຈີເລ ແມ່ນພ້ອມກັບຝ່າຍເພື່ອນປູກຕົ້ນໄມ້ຢູ່ອະນຸສາວະລີ ໂຮ່ຈີມິນ ຢູ່ເມືອງ Cerro Navia, ນະຄອນຫຼວງ Santiago. ຕົ້ນໄມ້ທີ່ໄດ້ປູກນັ້ນແມ່ນ quillay, ຊະນິດທີ່ຫາຍາກ ແລະເປັນຕົ້ນມູນເຊື້ອຂອງ ຈີເລ, ສັນຍາລັກຂອງຄວາມຍືນຍົງຄົງຕົວ, ນັ້ນກໍ່ແມ່ນສານກ່ຽວກັບນ້ຳໃຈສາມັກຄີມິດຕະພາບຄົງຕົວຕໍ່ກັບການເວລາ ເຊິ່ງປະທານ ໂຮ່ຈີມິນ ແລະທ່ານ Salvador Allende ອະດີດປະທານາທິບໍດີ ຈີເລ ຕັ້ງພື້ນຖານ, ໄດ້ການນຳ ແລະປະຊາຊົນຮຸ່ນຕ່າງໆຂອງສອງປະເທດເພີ່ມພູນຄູນສ້າງ.
|
|
 |
|
ທ່ານປະທານປະເທດ ເລືອງເກື່ອງ ຢ້ຽມຢາມ ແລະກ່າວຄຳເຫັນທີ່ມະຫາວິທະຍາໄລ ຈີເລ. ພາບ: ສຳນັກຂ່າວສານຫວຽດນາມ |
ນ້ຳໃຈອັນສູງສົ່ງຫວຽດນາມ-ຈີເລ ຍືນຍົງຄົງຕົວທີ່ໄດ້ທ່ານປະທານປະເທດ ເລືອງເກື່ອງ ຫວນຄືນກັບພະນັກງານ, ພາລະກອນສະຖານທູດ ແລະປະຊາຄົມຊາວຫວຽດນາມ ອາໄສຢູ່ ຈີເລ. ທ່ານປະທານປະເທດ ເນັ້ນໜັກວ່າ ພະນັກງານ, ພາລະກອນສະຖານທູດ ແລະປະຊາຊົນຫວຽດນາມ ອາໄສຢູ່ຕ່າງປະເທດ ຕ້ອງເຄົາລົບນັບຖື, ຮັກສາ ແລະຕ້ອງມານະພະຍາຍາມເຮັດໃຫ້ການພົວພັນຫວຽດນາມ-ຈີເລ ນັບມື້ນັບດີງາມກວ່າ.
ເພີ່ມພູນຄູນສ້າງອະດີດທີ່ດີງາມເພື່ອໃຫ້ອະນາຄົດທີ່ກວ້າງໄກ
ການຢ້ຽມຢາມທາງລັດຖະກິດ ຈີເລ ຂອງທ່ານປະທານປະເທດ ເລືອງເກື່ອງ ແລະຄະນະຜູ້ແທນຂັ້ນສູງຫວຽດນາມ ແມ່ນການໄປປະຕິບັດງານຄັ້ງທຳອິດຂອງທ່ານປະທານປະເທດ ໃນການດຳລົງຕຳແໜ່ງໃໝ່. ເພາະສະນັ້ນ, ປະເທດເພື່ອນສະຫງວນໃຫ້ທ່ານປະທານປະເທດ ການຕ້ອນຮັບຢ່າງສົມກຽດເພື່ອສະແດງການຖືເປັນສຳຄັນພິເສດການພົວພັນລະຫວ່າງສອງປະເທດ. ບໍ່ພຽງແຕ່ມີກິດຈະກຳພົບປະ, ຕ້ອນຮັບຢ່າງສົມກຽດ, ການຢ້ຽມຢາມ ຈີເລ ຂອງທ່ານປະທານປະເທດ ເລືອງເກື່ອງ ຍັງມີຫຼາຍກິດຈະກຳແທດຈິງເພື່ອຍູ້ແຮງການຮ່ວມມືທີ່ມີປະສິດທິຜົນລະຫວ່າງສອງປະເທດ. ການຢ້ຽມຢາມໄດ້ດຳເນີນກົງກັບໂອກາດສະເຫຼີມສະຫຼອງ 55 ປີແຫ່ງວັນພົບປະຄັ້ງປະຫວັດສາດລະຫວ່າງທ່ານປະທານ ໂຮ່ຈີມິນ ແລະທ່ານປະທານາທິບໍດີ Salvador Allende- ເຫດການຕັ້ງພື້ນຖານໃຫ້ເລື່ອງ ຈີເລ ກາຍເປັນປະເທດທຳອິດຢູ່ ອາເມລິກາ ລາຕີນ ສ້າງຕັ້ງການພົວພັນທາງການທູດກັບຫວຽດນາມ. ບົນພື້ນຖານດັ່ງກ່າວ, ການພົວພັນຫວຽດນາມ - ຈີເລ ໄດ້ ແລະກໍາລັງພັດທະນາຢ່າງຕັ້ງໜ້າ, ໂດຍສະເພາະແມ່ນໃນຂົງເຂດການຄ້າ. ວົງເງິນການຄ້າສອງສົ້ນໃນເວລາກວ່າທົດສະວັດໜຶ່ງໄດ້ເພີ່ມຂຶ້ນທົບ 4 ເທົ່າ, ບັນລຸ 1,5 ຕື້ໂດລາສະຫະລັດ ໃນປີ 2023. ປະຈຸບັນ, ຈີເລ ແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າຂອງຫວຽດນາມ ຢູ່ພາກພື້ນ; ແມ່ນປະເທດອາເມລິກາ ລາຕີນ ທຳອິດ ທີ່ເຊັນສັນຍາການຄ້າເສລີກັບຫວຽດນາມ.
|
|
 |
|
ທ່ານປະທານປະເທດ ເລືອງເກື່ອງ ພົບປະກັບການນຳວິສາຫະກິດພົ້ນເດັ່ນຂອງ ຈີເລ. ພາບ: ສຳນັກຂ່າວສານຫວຽດນາມ |
ການຢ້ຽມຢາມຄັ້ງນີ້ຂອງປະທານປະເທດ ໄດ້ນຳເອົາມາເຊິ່ງ “ພະລັງຊີວິດໃໝ່” ໃຫ້ແກ່ການພົວພັນຫວຽດນາມ - ຈີເລ, ໂດຍສະເພາະແມ່ນບັນດາຂົງເຂດເຊິ່ງສອງຝ່າຍມີຄວາມສາມາດບົ່ມຊ້ອນຄວນຂຸດຄົ້ນ. ຄືການພົບປະເຈລະຈາທີ່ໄດ້ດຳເນີນໃນຕອນເຊົ້າວັນທີ 11 ພະຈິກ ກັບທ່ານ Gabriel Boric Font ປະທານາທິດີ ຈີເລ ກໍ່ຄືໃນຖະແຫຼງການຮ່ວມທີ່ໄດ້ລົງນາມໃນຄັ້ງນີ້, ສອງຝ່າຍລ້ວນແຕ່ເຕື້ອງເຖິງເລື່ອງເພີ່ມທະວີການຮ່ວມມືໃນຂົງເຂດການຄ້າເສລີ, ກະສິກຳ, ພັດທະນາແບບຍືນຍົງ, ພະລັງງານທົດແທນ, ວິທະຍາສາດ, ການສຶກສາ, ການທ່ອງທ່ຽວ, ການປ້ອງກັນຊາດ, ປ້ອງກັນຄວາມສະຫງົບ. ທັດສະນະໜຶ່ງທີ່ການນຳສອງປະເທດ ຕົກລົງເຫັນດີແມ່ນອຳນວຍຄວາມສະດວກໃຫ້ປະຊາຄົມວິສາຫະກິດສອງປະເທດເພີ່ມທະວີການແລກປ່ຽນ, ການຮ່ວມມືດຳເນີນທຸລະກິດ ເພື່ອຍົກສູງວົງເງິນການຄ້າສອງຝ່າຍສົມກັບຄວາມສາມາດບົ່ມຊ້ອນຂອງສອງປະເທດ. ທັດສະນະນີ້ຂອງ ຫວຽດນາມ ອີກເທື່ອໜຶ່ງທີ່ໄດ້ທ່ານປະທານປະເທດ ເລືອງເກື່ອງ ເຕື້ອງເຖິງທີ່ການພົບປະກັບການນຳບັນດາວິສາຫະກິດພົ້ນເດັ່ນຂອງ ຈີເລ (SOFOFA) ໃນຕອນບ່າຍວັນທີ 11 ພະຈິກ.
ບັນດາການພົບປະໃນການຢ້ຽມຢາມຄັ້ງນີ້ຂອງທ່ານປະທານປະເທດ ເລືອງເກື່ອງ ເຕັມໄປດ້ວຍນ້ຳໃຈທີ່ຈິງໃຈ, ມິດຕະພາບລະຫວ່າງເພື່ອນມິດ, ເພື່ອເປົ້າໝາຍລວມ. ການຢ້ຽມຢາມຄັ້ງນີ້ບໍ່ພຽງແຕ່ຊຸກຍູ້ການພົວພັນຮ່ວມມືມິດຕະພາບລະຫວ່າງສອງປະເທດເທົ່ານັ້ນ ຫາກຍັງເພີ່ມພູນຄູນສ້າງສາຍພົວພັນທີ່ດີງາມລະຫວ່າງສອງປະເທດອີກດ້ວຍ. ນັ້ນແມ່ນສິ່ງທີ່ລ້ຳຄ່າ, ຄືການຢັ້ງຢືນຂອງການນຳຂັ້ນສູງສອງທ່ານ, ນັ້ນແມ່ນພ້ອມກັນຮັກສາ ແລະເຮັດໃຫ້ມໍລະດົກອັນລ້ຳຄ່າດັ່ງກ່າວໃຫ້ດີງາມກວ່າ.
ໂດຍ: ແສງເດືອນ