ເຫດການໄດ້ຈັດຕັ້ງເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 80 ປີ, ວັນມູນເຊື້ອກົມໃຫຍ່ການເມືອງກອງທັບປະຊາຊົນຫວຽດນາມ ຄົບຮອບ 80 ປີ (22-12-1944 / 22-12-2024), ວັນຄ້າຍວັນເກີດພົນເອກ ຫງວຽນຈິແທັງ ຄົບຮອບ 111 ປີ (1-1-1914 / 1-1-2025), 65 ປີແຫ່ງວັນປະທານໂຮ່ຈີມິນ ປະດັບຊັ້ນພົນເອກໃຫ້ສະຫາຍ ຫງວຽນຈິແທັງ (1959-2024) ແລະ 60 ປີແຫ່ງວັນພົນເອກ ຫງວຽນຈິແທັງ ໄປສະໜາມຮົບພາກໃຕ້ໃນຖານະເປັນເລຂາທິການສູນກາງກົມພາກໃຕ້, ຫົວໜ້າການເມືອງບັນດາກໍາລັງປະກອບອາວຸດກອງທັບປົດປ່ອຍພາກໃຕ້, ຊີ້ນໍາໂດຍກົງດ່ານໜ້າຕີຈັກກະພັດອາເມລິກາ ຮຸກຮານ (1964-2024).
    |
 |
|
ບັນດາຜູ້ແທນຢ້ຽມຊົມການວາງສະແດງຫົວເລື່ອງສະເພາະ “ພົນເອກ ຫງວຽນຈິແທັງ ກັບການປະຕິວັດພາກໃຕ້”. ພາບ: qdnd.vn |
ກ່ອນນີ້ 65 ປີ, ພົນເອກ ຫງວຽນຈິແທັງ ດ້ວຍຄໍາປາໄສທີ່ແຂງກ້າ ແລະແຫຼມຄົມ “ຕີ ເພື່ອສັນຕິພາບ” (ກອງປະຊຸມສູນກາງຄັ້ງທີ 15, ເດືອນທັນວາ 1959) ແລະຫຼັງຈາກນັ້ນ, ບັນດາການປະກອບສ່ວນສໍາຄັນພິເສດທາງດ້ານທິດສະດີ ແລະພຶດຕິກໍາຕົວຈິງຂອງສະຫາຍໃນການນໍາພາ, ຊີ້ນໍາການປະຕິວັດພາກໃຕ້ໄດ້ກາຍເປັນໜຶ່ງໃນບັນດາປັດໄຈສໍາຄັນ, ມີຄວາມໝາຍຕັດສິນເພື່ອໃຫ້ພັກວາງແຜນ, ເພີ່ມເຕີມ, ປັບປຸງແນວທາງຕໍ່ສູ້ຕ້ານອາເມລິກາ, ກູ້ຊາດໃຫ້ສົມບູນແບບ.
|
|
 |
|
ຕາງໜ້າຄອບຄົວທ່ານພົນໂທ ຫງວຽນຈິວິ້ງ ກ່າວຄໍາເຫັນທີ່ພິທີນໍາສະເໜີປຶ້ມ “ການເດີນທາງເພື່ອສັນຕິພາບ”. ພາບ: qdnd.vn |
ສືບຕໍ່ມູນເຊື້ອ ແລະຄວາມປາດຖະໜາຂອງຮຸ່ນກ່ອນ, ທ່ານພົນໂທ ຫງວຽນຈິວິ້ງ - ລູກຊາຍຂອງທ່ານພົນເອກ ຫງວຽນຈິແທັງ - ຜູ້ທີ່ໄດ້ອຸທິດຕະຫຼອດຊີວິດຂອງຕົນ ໃຫ້ແກ່ອຸດົມການສັນຕິພາບອັນສູງສົ່ງ. ປະຊາຊົນ ແລະເພື່ອນມິດສາກົນຈົດຈໍາຮູບພາບຂອງສະຫາຍ - ນັກການທູດດ້ານປ້ອງກັນຊາດທີ່ດີເດັ່ນ ໃນການຜັນຂະຫຍາຍແນວທາງຂອງພັກ, ໂດຍສະເພາະແມ່ນໃນສະພາບການເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ, ຜູ້ທີ່ມີວິໄສທັດກ່ຽວກັບຍຸດທະສາດປົກປັກຮັກສາປະເທດຊາດແຕ່ຫົວທີ່, ແຕ່ໄກ, ເພື່ອສັນຕິພາບ.
|
|
 |
|
ປຶ້ມ “ການເດີນທາງ ເພື່ອສັນຕິພາບ” (ຢູ່ກາງ). ພາບ: qdnd.vn |
ປຶ້ມບັນທຶກຄວາມຊົງຈໍາ “ການເດີນທາງເພື່ອສັນຕິພາບ” ຂອງພົນໂທ ຫງວຽນຈິວິ້ງ ໄດ້ເລົ່າຄືນກ່ຽວກັບວິວັດການເຄື່ອນໄຫວຮັກສາສັນຕິພາບສະຫະປະຊາຊາດຂອງຫວຽດນາມ. ຕາມຄວາມມຸ່ງມາດປາດຖະໜາຂອງສະຫາຍ ກ່ອນທີ່ຈາກໄປ, ຄອບຄົວໄດ້ຮຽບຮຽງສະບັບຮ່າງ ເພື່ອພິມຈໍາໜ່າຍປຶ້ມເຫຼັ້ມນີ້.
ໃນປຶ້ມ, ຜູ້ຂຽນ ໄດ້ເຕື້ອງເຖິງຊື່ຂອງນາຍທະຫານຫຼາຍຄົນທີ່ເຂົ້າຮ່ວມກໍາລັງຮັກສາສັນຕິພາບ ສປຊ ພ້ອມກັບບັນດາເລື່ອງລາວຂອງເຂົາເຈົ້າ, ຊ່ວຍໃຫ້ຜູ້ອ່ານເຂົ້າໃຈກວ່າກ່ຽວກັບຊີວິດ, ໜ້າທີ່ ແລະສະພາບແວດລ້ອມປະຕິບັດງານຂອງເຂົາເຈົ້າ, ຜູ້ທີ່ບໍ່ພຽງແຕ່ປະຕິບັດສໍາເລັດໜ້າທີ່ອັນຫຍຸ້ງຍາກລໍາບາກ ແລະສິ່ງທົດສອບນາໆປະການ ເທົ່ານັ້ນ ຫາກຍັງປະກອບສ່ວນແຜ່ຂະຫຍາຍຄຸນທາດທະຫານລຸງໂຮ່ ດ້ວຍນໍ້າໃຈຮັບຜິດຊອບ, ຄວາມກ້າຫານ, ຄວາມເມດຕາກະລຸນາ, ປະດິດສ້າງ ແລະເຈດຈໍານົງອົງອາດກ້າແກ່ນຂອງຕົນ.
|
|
 |
|
ບັນດາຜູ້ແທນ ທີ່ພິທີນໍາສະເໜີປຶ້ມ. ພາບ: qdnd.vn |
ທ່ານພົນໂທ ຫງວຽນຈ້ອງເຫງັຍ ກໍາມະການກົມການເມືອງ, ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງ ຫວັງວ່າ ປຶ້ມເຫຼັ້ມນີ້ຈະກາຍເປັນແຮງບັນດານໃຈໃຫ້ແກ່ຄົນຮຸ່ນໜຸ່ມຫວຽດນາມ, ພິເສດແມ່ນເພື່ອນໜຸ່ມໃນກອງທັບ. ບັນດາເລື່ອງລາວກ່ຽວກັບຄວາມກ້າຫານ, ນໍ້າໃຈຮັບຜິດຊອບ, ຍອມເສຍສະຫຼະຊີວິດ ເພື່ອເປົ້າໝາຍອັນສູງສົ່ງຂອງນັກຮົບ “ໝວກເບເລສີຟ້າ” ຫວຽດນາມ ຈະແມ່ນແຫຼ່ງກໍາລັງໜູນອັນແຂງແຮງ, ປຸກລຸກນໍ້າໃຈຮັກຊາດ, ຄວາມເອກອ້າງທະນົງໃຈຕໍ່ຊາດ ແລະຄວາມປາດຖະໜາຢາກອຸທິດສ່ວນຂອງຄົນພາຍພາກໜ້າ.
ໂດຍ: ໄຊຊະນະ