ນະຄອນຮ່າໂນ້ຍ, ນະຄອນ ໂຮ່ຈີມິນ, ບິ່ງເຢືອງ, ດົ່ງນາຍ, ຫາຍຟ່ອງ ໄດ້ຮັບຮູ້ວ່າແມ່ນ 5 ທ້ອງຖິ່ນທີ່ມີລູກຄ້ານໍາໃຊ້ 5G ຫຼາຍທີ່ສຸດຂອງ Viettel, ກວມເອົາເກືອບ 50% ຈໍານວນຜູ້ຈອງເບີໂທລະສັບ ທີ່ມີໃນປັດຈຸບັນ.

leftcenterrightdel
ລູກຄ້າ ລອງນໍາໃຊ້ບໍລິການເຄືອຂ່າຍ 5G ຂອງ Viettel. ພາບ: qdnd.vn

ຕາມນັ້ນແລ້ວ, ລູກຄ້າບໍ່ຕ້ອງປ່ຽນຊິມ ຫຼື ຊື້ແພັກເກດ ພຽງແຕ່ມີອຸປະກອນໜູນຊ່ວຍ 5G ແມ່ນສາມາດນໍາໃຊ້ເຄືອຂ່າຍ 5G Viettel ໄດ້ເລີຍ. ບໍລິການ “do nothing” – “ບໍ່ຕ້ອງເຮັດຫຍັງ” ນັ້ນແມ່ນສາເຫດທໍາອິດທີ່ເຮັດ ໃຫ້ລູກຄ້າຊອກຮູ້ຢ່າງທັນທີ, ລອງໃຊ້ ຫຼື ຕັດສິນໃຈຊື້ແພັກເກດ 5G  ເພື່ອນໍາໃຊ້.

Viettel Telecom ໃຫ້ຮູ້ວ່າ ເຖິງວ່າບໍ່ບັງຄັບໃຫ້ລົງທະບຽນແພັກເກດກໍຕາມ ແຕ່ລະບົບໄດ້ຮັບຮູ້ມີຫຼາຍຮ້ອຍພັນເທື່ອຄົນລົງທະບຽນ 5G ພຽງແຕ່ 2 ທິດທີ່ຜ່ານມາ. ສ່ວນຫຼາຍລູກຄ້າ ຫັນໄປນໍາໃຊ້ແພັກເກດ 5G ເພື່ອລອງໃຊ້ກ່ຽວກັບຄວາມໄວທີ່ລື່ນກາຍ ແລະຊົມໃຊ້ນະໂຍບາຍພິເສດຈາກ Viettel. ພ້ອມກັນນັ້ນ, ໃນກໍລະນີລູກຄ້າ ເຄື່ອນຍ້າຍໄປເຖິງເຂດທີ່ມີແຕ່ສັນຍານ 4G ນັ້ນ ກໍຍັງສາມາດນໍາໃຊ້ບໍລິການໄດ້ເປັນປົກກະຕິ.

ທ່ານ ຫງວຽນວັນເຊີນ ອໍານວຍການສູນມືຖື (ບໍລິສັດໃຫຍ່ໂທລະຄົມມະນາຄົມ Viettel) ໃຫ້ຮູ້ວ່າ, ພາຍຫຼັງ Viettel ຜັນຂະຫຍາຍລະບົບ 5G, ຈໍານວນ ຜູ້ນໍາໃຊ້ດາຕ້າ ໃນເຄືອຂ່າຍ 5G ສູງທົບ 2,5 ເທົ່າ ເມື່ອທຽບໃສ່ 4G, ສໍາລັບ 4G, ສະເລ່ຍລູກຄ້າຜູ້ໜຶ່ງນໍາໃຊ້ປະມານ 8,5 GB data /ເດືອນ ສໍາລັບ 5G, ສະເລ່ຍໃນໂລກ ແມ່ນປະມານ 20-25 GB/ເດືອນ, ໝາຍຄວາມວ່າ ທົບ 2,5 ເທົ່າ.

ໃນໄລຍະຈະມາເຖິງ, ເມື່ອພື້ນຖານໂຄງລ່າງ ໄດ້ຮັບການເປີດກວ້າງ ແລະ ເຮັດໃຫ້ດີທີ່ສຸດ, ການນໍາໃຊ້ 5G ຈະນັບມື້ນັບເປັນປົກກະຕິກວ່າ. ການຜັນຂະ ຫຍາຍ 5G ບໍ່ພຽງແຕ່ຮັບໃຊ້ຜູ້ບໍລິໂພກ ເຊິ່ງແມ່ນບຸກຄົນ ເທົ່ານັ້ນ ຫາກຍັງເປີດ ໂອກາດພັດທະນາບັນດາບໍລິການໃນເວລາຕົວຈິງ, ໝັ້ນໝາຍວ່າຈະສ້າງແອັບພຼີເຄຊັນ ທີ່ບຸກທະລຸໃນອະນາຄົດ ອີກດ້ວຍ. 

ໂດຍ: ກວຽດເຕິມ