ແລກປ່ຽນບົດຮຽນວຽກງານແນວໂຮມລະຫວ່າງແຂວງລາວກາຍ ແລະແຂວງບໍ່ແກ້ວ
ກປ.ອອນໄລ - ຕອນເຊົ້າວັນທີ 17 ພະຈິກ, ຢູ່ໂຮງແຮມເມື່ອງແທັງ (ນະຄອນລາວກາຍ), ໄດ້ດຳເນີນການໂອ້ລົມສົນທະນາແລກປ່ຽນບົດຮຽນວຽກງານລະຫວ່າງຄະນະກໍາມະການແນວໂຮມປະເທດຊາດຫວຽດນາມ ແຂວງລາວກາຍ ແລະຄະນະຜູ້ແທນແນວລາວສ້າງຊາດແຂວງບໍ່ແກ້ວ.
ຄະນະຜູ້ແທນແນວລາວສ້າງຊາດແຂວງບໍ່ແກ້ວ, ລວມມີຜູ້ແທນ 12 ທ່ານ ນຳໂດຍສະຫາຍ ດາລີວັນ ພູສະຫວັນ, ປະທານແນວລາວສ້າງຊາດແຂວງບໍ່ແກ້ວ, ສປປ ລາວ. ຕ້ອນຮັບຄະນະມີສະຫາຍ ຫຼີວັນຫາຍ ປະທານຄະນະກໍາມະການແນວໂຮມປະເທດຊາດຫວຽດນາມ ແຂວງລາວກາຍ.
    |
 |
|
ບັນຍາກາດທີ່ການໂອ້ລົມສົນທະນາ. ພາບ: baolaocai.vn |
ທີ່ການໂອ້ລົມສົນທະນາ, ສະຫາຍ ຫຼີວັນຫາຍ ປະທານຄະນະກໍາມະການແນວໂຮມປະເທດຊາດຫວຽດນາມ ແລະສະຫາຍ ດາລີວັນ ພູສະຫວັນ ປະທານແນວລາວສ້າງຊາດແຂວງບໍ່ແກ້ວ, ສປປ ລາວ ໄດ້ແລກປ່ຽນຂໍ້ມູນກ່ຽວກັບສະພາບການພັດທະນາເສດຖະກິດ, ສັງຄົມ ແລະໂດຍສັງເຂບໂດຍຫຍໍ້ກ່ຽວກັບບາງໝາກຜົນຂອງວຽກງານແນວໂຮມຂອງສອງທ້ອງຖິ່ນ. ທີ່ການໂອ້ລົມສົນທະນາ, ບັນດາຜູ້ແທນໄດ້ແລກປ່ຽນ, ແບ່ງປັນບົດຮຽນໃນວຽກງານແນວໂຮມດ້ວຍບັນດາເນື້ອໃນ, ຄື: ຄຸ້ມຄອງຊົນເຜົ່າ, ສາສະໜາ; ໂຄສະນາ, ຂົນຂວາຍປະຊາຊົນບັນດາເຜົ່າໃນການກໍ່ສ້າງຊົນນະບົດໃໝ່, ຕົວເມືອງອັດສະລິຍະ; ປັບປຸງ ແລະບໍາລຸງສ້າງຖັນແຖວພະນັກງານແນວໂຮມປະເທດຊາດ; ສະກັດກັ້ນໄພສັງຄົມ, ຮີດຄອງປະເພນີຫຼ້າຫຼັງ...
|
|
 |
|
ຜູ້ແທນຖ່າຍຮູບເປັນທີ່ລະນຶກ. ພາບ: baolaocai.vn |
ຜູ້ຕາງໜ້າການນຳຄະນະກໍາມະການແນວໂຮມປະເທດຊາດຫວຽດນາມ ແຂວງລາວກາຍ ແລະແນວລາວສ້າງຊາດແຂວງບໍ່ແກ້ວ ຄາດວ່າ ໃນໄລຍະຈະມາເຖິງ, ສອງຝ່າຍຈະເພີ່ມທະວີການເຄື່ອນໄຫວພົບປະແລກປ່ຽນມິດຕະພາບ, ສືບຕໍ່ສ້າງສາຍພົວພັນຮ່ວມມືຢ່າງແທດຈິງ, ມີປະສິດທິຜົນ; ຕັ້ງໜ້າໂຄສະນາ, ສຶກສາອົບຮົມພະນັກງານ, ສະມາຊິກພັກ ແລະປະຊາຊົນທຸກຊັ້ນຄົນມີຄວາມຮັບຮູ້ຢ່າງເລິກເຊິ່ງກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ນໍ້າໃຈສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ. ບົນພື້ນຖານນັ້ນ, ຍົກສູງຄວາມຮັບຜິດຊອບຮັກສາ, ເພີ່ມພູນຄູນສ້າງ ແລະພັດທະນາສາຍພົວພັນ ຫວຽດນາມ-ລາວ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ໂດຍ: ເຈິ່ນຮວ່ຽນ