ຄະນະຜູ້ແທນແຂວງບໍ່ແກ້ວ ຖະຫວາຍທູບທຽນຢູ່ອະນຸສອນສະຖານປະທານໂຮ່ຈີມິນ
ກປ.ອອນໄລ - ຕອນບ່າຍວັນທີ 16 ພະຈິກ, ເນື່ອງໃນໂອກາດການໄປປະຕິບັດງານ ແລະເຮັດວຽກຢູ່ລາວກາຍ, ຄະນະຜູ້ແທນແນວລາວສ້າງຊາດແຂວງບໍ່ແກ້ວ, ສປປ ລາວ ໄດ້ຖະຫວາຍທູບທຽນຢູ່ອະນຸສອນສະຖານປະທານໂຮ່ຈີມິນ (ນະຄອນລາວກາຍ).
ຄະນະປະຕິບັດງານນໍາໂດຍສະຫາຍ ດາລີວັນ ພູສະຫວັນ ປະທານແນວລາວສ້າງຊາດແຂວງບໍ່ແກ້ວ. ເຂົ້າຮ່ວມພິທີຖະຫວາຍທູບທຽນຢູ່ແຂວງລາວກາຍ ມີສະຫາຍ ເຢືອງດຶ໊ກຕວ່ານ ຮອງປະທານຄະນະກຳມະການແນວໂຮມປະເທດຊາດຫວຽດນາມ ແຂວງລາວກາຍ.
    |
 |
|
ຄະນະຜູ້ແທນຖະຫວາຍທູບທຽນຢູ່ອະນຸສອນສະຖານປະທານໂຮ່ຈີມິນ. ພາບ: baolaocai.vn |
ທີ່ອະນຸສອນສະຖານປະທານໂຮ່ຈີມິນ, ບັນດາຜູ້ແທນໄດ້ຖະຫວາຍທູບທຽນ, ສະແດງຄວາມຮູ້ບຸນຄຸນ ແລະເຄົາລົບນັບຖືຢ່າງສູງຕໍ່ການນໍາທີ່ປີຊາສາມາດຂອງການປະຕິວັດຫວຽດນາມ, ວິລະຊົນປົດປ່ອຍຊາດ, ນັກວັດທະນະທໍາທີ່ມີຊື່ສຽງໃນໂລກ, ຜູ້ຕັ້ງພື້ນຖານໃຫ້ແກ່ສາຍພົວພັນມິດຕະພາບ ຫວຽດນາມ-ລາວ.
ບັນດາຜູ້ແທນໃຫ້ຄຳໝັ້ນສັນຍາຈະສືບຕໍ່ເພີ່ມພູນຄູນສ້າງ, ປັບປຸງ ແລະພັດທະນານໍ້າໃຈມິດຕະພາບ, ການຮ່ວມມືຮອບດ້ານລະຫວ່າງສອງແຂວງລາວກາຍ (ຫວຽດນາມ) ແລະບໍ່ແກ້ວ (ລາວ), ກໍ່ຄືນໍ້າໃຈມິດຕະພາບລະຫວ່າງສອງປະເທດໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານເຊິ່ງປະທານໂຮ່ຈີມິນ ແລະປະທານ ໄກສອນ ພົມວິຫານ ໄດ້ທຸ້ມເທເຫື່ອແຮງເພີ່ມພູນຄູນສ້າງ.
ຈາກນັ້ນ, ຄະນະຜູ້ແທນແນວລາວສ້າງຊາດແຂວງບໍ່ແກ້ວ ໄດ້ໄປຢ້ຽມຢາມເຂດວາງສະແດງວັດຖຸພັນ ແລະຮູບພາບເອກະສານຢູ່ອະນຸສອນສະຖານປະທານໂຮ່ຈີມິນ.
ໂດຍ: ເຈິ່ນຮວ່ຽນ