ພາຍຫຼັງກວ່າໜຶ່ງເດືອນທີ່ປະຕິບັດໜ້າທີ່ຢູ່ດິນແດນເພື່ອນລາວ, ມາຮອດປະຈຸບັນ (ວັນທີ 15 ພະຈິກ) ກອງທ້ອນໂຮມສາມາດຈັດຕັ້ງການຊອກຫາ ແລະເຕົ້າໂຮມອັດຖິນັກຮົບເສຍສະຫຼະຊີວິດໄດ້ 5 ອັດຖິຢູ່ບໍລິເວນເມືອງຊອນ ແລະເມືອງຮ້ຽມ, ແຂວງຫົວພັນ, ລາວ.
    |
 |
|
ກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ, ກອງບັນຊາການທະຫານແຂວງແທັງຮວ໊າ ບຸກນໍ້າລຸຍຕົມຢູ່ດິນແດນລາວ. ພາບ: qdnd.vn |
ໄດ້ກາຍເປັນທຳນຽມແລ້ວໃນແຕ່ລະປີ, ກ່ອນທີ່ຈະຈັດຕັ້ງຜັນຂະຫຍາຍການປະຕິບັດໜ້າທີ່ຢູ່ດິນແດນປະເທດລາວ, ວຽກງານກະກຽມໄດ້ຜັນຂະຫຍາຍຢ່າງລອບຄອບຖີ່ຖ້ວນ, ລະອຽດ ແລະເຫັນດີເປັນເອກະພາບ. ຈາກເລື່ອງປັບປຸງສັບຊ້ອນການຈັດຕັ້ງຈົນເຖິງການຝຶກແອບເພີ່ມເຕີມບັນດາເນື້ອໃນໃຫ້ຖືກຕາມຄຳແນະນໍາຂອງຂັ້ນເທິງ. ໃນນັ້ນ, ເອົາໃຈໃສ່ຝຶກແອບກໍາລັງໃໝ່, ຈັດຕັ້ງບໍາລຸງພາສາລາວ ກໍ່ຄືຮີດຄອງປະເພນີຂອງປະຊາຊົນລາວບັນດາເຜົ່າໃຫ້ແກ່ພະນັກງານ, ສະມາຊິກໃນກອງທ້ອນໂຮມ...
ເພື່ອປະຕິບັດໜ້າທີ່, ໃນໄລຍະຜ່ານມາ, ກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ, ກອງບັນຊາການທະຫານແຂວງແທັງຮວ໊າ ໄດ້ຕິດແທດບໍລິເວນ, ປະຕິບັດ 4 ພ້ອມ “ພ້ອມກິນ, ພ້ອມຢູ່, ພ້ອມເຮັດ, ພ້ອມເວົ້າພາສາລາວ”, ຈາກນັ້ນ ກໍ່ໄດ້ປຸກລະດົມປະຊາຊົນທຸກຊັ້ນວັນລະຢູ່ບໍລິເວນພ້ອມກັນເຂົ້າຮ່ວມສະໜອງຂໍ້ມູນ ແລະເຂົ້າຮ່ວມການຊອກຫາອັດຖິນັກຮົບເສຍສະຫຼະຊີວິດເພື່ອຊາດໂດຍກົງກັບກອງທ້ອນໂຮມ.
|
|
 |
|
ຄາບເຂົ້າຂອງພະນັກງານ, ສະມາຊິກກອງທ້ອນໂຮມ, ຊອກຫາອັດຖິນັກຮົບເສຍສະຫຼະຊີວິດເພື່ອຊາດ, ກອງບັນຊາການທະຫານແຂວງແທັງຮວ໊າ. ພາບ: qdnd.vn |
ທ່ານພັນຕີ ຫວູບ໊າແທງ ຜູ້ຊ່ວຍຂົນຂວາຍປະຊາຊົນຂອງກອງທ້ອນໂຮມ ໃຫ້ຮູ້ວ່າ: ຍ້ອນເຮັດວຽກງານກະກຽມໄດ້ດີ ດັ່ງນັ້ນປີນີ້ຈໍານວນວັດຖຸ, ອຸປະກອນຮັບໃຊ້ການເຄື່ອນໄຫວຂົນຂວາຍປະຊາຊົນຂອງກອງທ້ອນໂຮມບັນດາອົງການ, ຄະນະ, ຂະແໜງການແຂວງແທັງຮວ໊າ ໄດ້ໃຫ້ການສະໜັບສະໜູນເປັນຢ່າງດີ. ກ່ອນອອກເດີນທາງໄປປະຕິບັດໜ້າທີ່ທາງກອງທ້ອນໂຮມປຸກລະດົມໂສ້ງເສື້ອຊະນິດຕ່າງໆໄດ້ຫຼາຍກວ່າ 2.000 ຊຸດ, ປຶ້ມຮຽນກວ່າ 4.000 ເຫຼັ້ມ, ເງິນສົດເກືອບ 90 ລ້ານດົ່ງ ເພື່ອປະຕິບັດວຽກງານຂົນຂວາຍປະຊາຊົນຢູ່ດິນແດນລາວ. ພິເສດ, ເພື່ອຈັດຕັ້ງການກວດພະຍາດ, ແຈກຢາຍຢຸກຢ່າໂດຍບໍ່ເສຍຄ່າ, ໃຫ້ຄໍາປຶກສາສຸຂະພາບແກ່ປະຊາຊົນລາວ, ບໍລິສັດອຸປະກອນການແພດແຂວງແທັງຮວ໊າ ໄດ້ມອບເຄື່ອງເອໂກນ້ອຍໃຫ້ກອງທ້ອນໂຮມທີ່ມີມູນຄ່າ 63 ລ້ານດົ່ງ, ພ້ອມດ້ວຍຢາປິນປົ່ວພະຍາດມູນຄ່າ 50 ລ້ານດົ່ງເພື່ອໃຫ້ກອງທ້ອນໂຮມຈັດຕັ້ງວຽກງານຂົນຂວາຍຢູ່ບັນດາບໍລິເວນປະເທດລາວ ໃຫ້ມີຄຸນນະພາບສູງ, ມີປະສິດທິຜົນ.
ຍ້ອນຮັບຜົນສະທ້ອນຈາກພາຍຸລູກທີ 3, ບັນດາທ້ອງຖິ່ນຂອງແຂວງຫົວພັນ ໄດ້ຮັບຜົນເສຍຫາຍຢ່າງໜັກໜ່ວງກ່ຽວກັບພື້ນຖານໂຄງລ່າງ ແລະຊັບສິນຂອງປະຊາຊົນ. ໄປຄຽງຄູ່ກັບການຊອກຫາ, ເຕົ້າໂຮມອັດຖິນັກຮົບເສຍສະຫຼະຊີວິດເພື່ອຊາດ, ທາງກອງທ້ອນໂຮມໄດ້ຈັດຕັ້ງການເຄື່ອນໄຫວຂົນຂວາຍຊ່ວຍປະຊາຊົນທ້ອງຖິ່ນເປັນຢ່າງດີ. ຕາມນັ້ນແລ້ວ, ໄດ້ຈັດຕັ້ງການກວດພະຍາດ, ໃຫ້ຄໍາປຶກສາດ້ານສຸຂະພາບ, ແຈກຢາຍຢຸກຢາໃຫ້ປະຊາຊົນໄດ້ເກືອບ 300 ເທື່ອຄົນ, ມອບໂສ້ງເສື້ອ 800 ຊຸດ; ໂຄສະນາຂົນຂວາຍປະຊາຊົນຢູ່ກິນຢ່າງສະອາດ;...
|
|
 |
|
ກວດພະຍາດ, ໃຫ້ຄໍາປຶກສາດ້ານສຸຂະພາບ, ແຈກຢາຍຢຸກຢາໃຫ້ປະຊາຊົນລາວ ບັນດາເຜົ່າ. ພາບ: qdnd.vn |
ແພດທະຫານກອງທ້ອນໂຮມ, ຊອກຫາອັດຖິນັກຮົບເສຍສະຫຼະຊີວິດເພື່ອຊາດໄດ້ກວດພະຍາດ, ໃຫ້ຄໍາປຶກສາ ແລະແຈກຢາຍຢຸກຢາໂດຍບໍ່ເສຍຄ່າໃຫ້ພໍ່ແມ່ປະຊາຊົນໂດຍກົງ, ທ່ານ ວຽງສອນ ພົມມະສອນ ເລຂາພັກເມືອງ, ເຈົ້າເມືອງເມືອງຮ້ຽມ, ແຂວງຫົວພັນ (ລາວ) ໄດ້ແບ່ງປັນດ້ວຍຄວາມປິຕິຍິນດີວ່າ: “ປະຊາຊົນລາວບັນດາເຜ່ົາຢູ່ເມືອງຮ້ຽມ ຮູ້ບຸນຄຸນທະຫານຫວຽດນາມ ຫຼາຍ. ທະຫານຫວຽດນາມ ໄປປະຕິບັດໜ້າທີ່ຢູ່ໃສລ້ວນແຕ່ມີການເຄື່ອນໄຫວຊ່ວຍເຫຼືອປະຊາຊົນຢູ່ບ່ອນນັ້ນ, ນັບແຕ່ເລື່ອງກວດພະຍາດ, ແຈກຢາຍຢຸກຢາ, ມອບໂສ້ງເສື້ອ, ມອບປຶ້ມໃຫ້ພວກນ້ອງນັກຮຽນ, ຄອບຄົວທຸກຍາກຈົນເຖິງຈັດຕັ້ງການເຮັດອະນາໄມສິ່ງແວດລ້ອມ, ຊ່ວຍປະຊາຊົນປົວແປງເຂດດໍາລົງຊີວິດຂອງວົງຄະນະຍາດ... ປະຊາຊົນລາວບັນດາເຜົ່າຮູ້ບຸນຄຸນທະຫານຫວຽດນາມ...”.
|
|
 |
|
ມອບປຶ້ມ, ເຄື່ອງຮໍ່າຮຽນໃຫ້ພວກນ້ອງນັກຮຽນເມືອງຊອນ, ແຂວງຫົວພັນລາວ. ພາບ: qdnd.vn |
ເປີດໜ້າເຈ້ຍບັນທຶກຂະບວນການເຕົ້າໂຮມຊອກຫາອັດຖິນັກຮົບເສຍສະຫຼະຊີວິດເພື່ອຊາດ, ທ່ານພັນເອກ ຈິ້ງງອັກເບິນ, ນັກການເມືອງຂອງກອງທ້ອນໂຮມຊອກຫາອັດຖິນັກຮົບເສຍສະຫຼະຊີວິດເພື່ອຊາດ, ກອງບັນຊາການທະຫານແຂວງແທັງຮວ໊າ ໃຫ້ຮູ້ວ່າ: “ລະດູແລ້ງ 2024-2025 ນີ້, ທາງກອງສູ້ຊົນເຕົ້າໂຮມ, ຊອກຫາອັດຖິເພື່ອສົ່ງກັບບ້ານເກີດເມືອງນອນໃຫ້ໄດ້ຢ່າງໜ້ອຍສຸດແມ່ນ 16 ອັດຖິ. ໃນນັ້ນ ພວກຂ້າພະເຈົ້າມີແຫຼ່ງຂໍ້ມູນມາແຕ່ລະດູແລ້ວນີ້ແມ່ນ 21 ບ່ອນ ແລະມີຂໍ້ມູນໃໝ່ຕື່ມອີກ 6 ບ່ອນ. ໂຊກດີທີ່ສຸດ, ປີນີ້ບັນດາແຫຼ່ງຂໍ້ມູນແມ່ນໜ້າເຊື່ອຖືທີ່ສຸດ, ຍ້ອນເຫດນັ້ນ, ແຕ່ເດືອນທໍາອິດພວກຂ້າພະເຈົ້າສາມາດຊອກຫາ, ເຕົ້າໂຮມອັດຖິນັກຮົບເສຍສະຫຼະຊີວິດເພື່ອຊາດໄດ້ 5 ອັດຖິ. ນີ້ແມ່ນແຫຼ່ງລະດົມກໍາລັງໃຈອັນໃຫຍ່ຫຼວງ, ສົ່ງເສີມພະນັກງານ, ສະມາຊິກໃນກອງທ້ອນໂຮມຕັດສິນໃຈຊອກຫາໃຫ້ໄດ້ລື່ນກາຍເປົ້າໝາຍທີ່ວາງອອກໃນລະດູແລ້ງ 2024-2025”.
|
|
 |
|
ກວ່າໜຶ່ງເດືອນທີ່ຊອກຫາ, ກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ, ກອງບັນຊາການທະຫານແຂວງແທັງຮວ໊າ ສາມາດຊອກເຫັນ 5 ອັດຖິນັກຮົບເສຍສະຫຼະຊີວິດ. ພາບ: qdnd.vn |
ສົງຄາມຜ່ານພົ້ນໄປ, ພູມສັນຖານມີການປ່ຽນແປງໄປຕາມການເວລາ, ຍ້ອນພາຍຸເຊາະເຈື່ອນ, ຄູນຂຶ້ນ, ຮອຍໝາຍຫາຍໄປ; ບັນດາຂຸມສົບທີ່ຍັງເຫຼືອກະແຈກກະຈາຍ, ຢັ່ງຢາຍຢູ່ໃນເຂດເລິກ, ພູຜາປ່າດົງຕຶບໜາ; ທາງໄປບໍ່ສະດວກ ສະນັ້ນຈຶ່ງເຮັດໃຫ້ກອງປະສົບກັບຄວາມຫຍຸ້ງຍາກໃນຂັ້ນຕອນການໄປຊອກຫາ, ເຕົ້າໂຮມ. ພິເສດຄົນຮູ້ຂໍ້ມູນກ່ຽວກັບຂຸມສົບຍັງເຫຼືອໜ້ອຍແລ້ວ, ໄດ້ຍົກຍ້າຍໄປບ່ອນອື່ນ, ອາຍຸສູງ, ອ່ອນເພຍ ຫຼື ເສຍຊີວິດ. ຂໍ້ມູນທີ່ບັນດາກົມກອງ, ນັກຮົບເກົ່າເຄີຍຕໍ່ສູ້ຢູ່ປະເທດລາວ ສະໜອງໃຫ້ນັ້ນມັກຈະຜິດກ່ຽວກັບຈຸດພິກັດ...
ທ່ານພັນເອກ ຫງວຽນວັນຕ໊ວານ ຫົວໜ້າກອງທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ, ກອງບັນຊາການທະຫານແຂວງແທັງຮວ໊າ ໃຫ້ຮູ້ວ່າ “ພວກຂ້າພະເຈົ້າໄດ້ຈັດຕັ້ງການເຄື່ອນໄຫວຂົນຂວາຍປະຊາຊົນແມ່ນຊ່ອງທາງສໍາຄັນເພື່ອໃຫ້ກົມກອງມີແຫຼ່ງຂໍ້ມູນຫຼາຍກວ່າໃນຂັ້ນຕອນການໄປຊອກຫາ...”.
ໂດຍ: ໄຊນີດາ