ອິນເດຍ ແລະຈີນ ປຶກສາຫາລືກ່ຽວກັບການຫຼຸດຜ່ອນຄວາມເຄັ່ງຕຶງຢູ່ເຂດຊາຍແດນ
ວັນທີ 19 ພະຈິກ, ທ່ານ Jaishankar ລັດຖະມົນຕີການຕ່າງປະເທດອິນເດຍ ໄດ້ມີການພົບປະສອງຝ່າຍກັບທ່ານລັດຖະມົນຕີການຕ່າງປະເທດ ຈີນ ຫວາງອີ (Wang Yi) ທີ່ນະຄອນ Rio de Janeiro ປະເທດ ບຣາຊິນ ຢູ່ນອກກອງປະຊຸມສຸດຍອດກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ ແລະແຖວໜ້າໂລກ-G20.
    |
 |
|
ການພົບປະສອງຝ່າຍ. ພາບ: ANI |
ທີ່ການພົບປະ, ລັດຖະມົນຕີການຕ່າງປະເທດຂອງສອງປະເທດ ໄດ້ເຫັນດີເປັນເອກະພາບກັນວ່າ: ເລື່ອງຖອນກຳລັງທະຫານອອກຈາກບັນດາເຂດຊາຍແດນ ໄດ້ປະກອບສ່ວນຮັກສາສັນຕິພາບ ແລະສະຖຽນລະພາບ. ບັນດາການປຶກສາຫາລືລະຫວ່າງສອງຝ່າຍແມ່ນສຸມໃສ່ເຂົ້າໃນບັນດາບາດກ້າວຕໍ່ໄປໃນການພົວພັນ ອິນເດຍ-ຈີນ. ທ່ານລັດຖະມົນຕີການຕ່າງປະເທດອິນເດຍ ແລະທ່ານລັດຖະມົນຕີການຕ່າງປະເທດ ຈີນ ເຫັນດີນຳກັນຈະຈັດຕັ້ງກອງປະຊຸມບັນດາຜູ້ຕາງໜ້າພິເສດ ແລະກົນໄກສົນທະນາຂັ້ນຮອງລັດຖະມົນຕີການຕ່າງປະເທດລະຫວ່າງສອງປະເທດໂດຍໄວ. ລັດຖະມົນຕີການຕ່າງປະເທດຂອງທັງສອງປະເທດກໍ່ໄດ້ປຶກສາຫາລືກ່ຽວກັບການເຊື່ອມຕໍ່ຄືນໃໝ່ການເຄື່ອນໄຫວ Kailash Mansarovar Yatra, ແບ່ງປັນຂໍ້ມູນກ່ຽວກັບບັນດາລຳແມ່ນ້ຳຂ້າມຊາຍແດນ, ເຊື່ອມຕໍ່ບັນດາສາຍການບິນໂດຍກົງລະຫວ່າງ ອິນເດຍ ແລະຈີນ ຄືນໃໝ່ ແລະແລກປ່ຽນຂໍ້ມູນຂ່າວສານສອງຝ່າຍ.
ກ່ຽວກັບສະພາບການທົ່ວໂລກ ແລະບັນດາບັນຫາສາກົນ, ສອງຝ່າຍໃຫ້ຄຳໝັ້ນສັນຍາຕໍ່ໂລກຫລາຍຂົ້ວ, ລວມມີ ອາຊີ ຫຼາຍຂົ້ວ.
ແຫຼ່ງຄັດຈາກ: vovworld.vn