ພິທີໄວ້ອາໄລ ແລະປົງອັດຖິນັກຮົບທີ່ເສຍສະຫຼະຊີວິດຢູ່ລາວ
ກປ.ອອນໄລ - ໃນວັນທີ 6 ພຶດສະພາ, ທີ່ສຸສານນັກຮົບທີ່ເສຍສະຫຼະຊີວິດແຫ່ງຊາດເນິ່ມ (ເມືອງເຮືອງເຊີນ), ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດຫວຽດນາມ ແຂວງຮ່າຕິ້ງ ໄດ້ຈັດພິທີໄວ້ອາໄລ ແລະປົງອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ 11 ອັດຖິ.
|
|
ພິທີປົງອັດຖິນັກຮົບທີ່ເສຍສະຫຼະຊີວິດຢູ່ສຸສານນັກຮົບທີ່ເສຍສະຫຼະຊີວິດແຫ່ງຊາດເນິ່ມ. ພາບ: ເລແອັງເຕິ່ນ. |
ໃນລະດູແລ້ງ 2020-2021, ຄະນະປະຕິບັດງານພິເສດ ແລະກອງທ້ອນໂຮມອັດຖິນັກຮົບທີ່ເສຍສະຫຼະຊີວິດຂອງແຂວງຮ່າຕິ້ງ ດຳເນີນການຊອກຫາ, ຂຸດຄົ້ນ ແລະທ້ອນໂຮມອັດຖິນັກຮົບທີ່ເສຍສະຫຼະຊີວິດໄດ້ 11 ອັດຖິ. ພາຍຫຼັງພິທີໄວ້ອາໄລ, ການນໍາແຂວງພ້ອມກັບເພື່ອນຮ່ວມກອງໄດ້ຈັດພິທີປົງອັດຖິຢູ່ສຸສານນັກຮົບທີ່ເສຍສະຫຼະຊີວິດແຫ່ງຊາດເນິ່ມ.
|
|
ອັດຖິນັກຮົບທີ່ເສຍສະຫຼະຊີວິດໄດ້ປົງຢູ່ສຸສານນັກຮົບທີ່ເສຍສະຫຼະຊີວິດບາຢົກ. ພາບ: ເຈິ່ນຢຸງ. |
ໃນວັນດຽວກັນ, ຢູ່ສຸສານນັກຮົບທີ່ເສຍສະຫຼະຊີວິດບາຢົກ (ເມືອງໂບ໊ແຈກ), ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດຫວຽດນາມ ແຂວງກວ໋າງບິ່ງ ໄດ້ຈັດພິທີໄວ້ອາໄລ ແລະປົງອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ 16 ອັດຖິ. ໂດຍປະຕິບັດແຜນການທ້ອນໂຮມອັດຖິນັກຮົບເສຍສະຫຼະຊີວິດລະດູແລ້ງ 2020-2021, ແລະໄດ້ຮັບການຊ່ວຍເຫຼືອຈາກອົງຄະນະພັກ, ກອງທັບ ແລະປະຊາຊົນແຂວງຄຳມ່ວນ (ລາວ), ກອງທ້ອນໂຮມອັດຖິນັກຮົບເສຍສະຫຼະຊີວິດ 589, ກອງບັນຊາການທະຫານແຂວງກວ໋າງບິ່ງ ດຳເນີນການຊອກຫາ, ຂຸດຄົ້ນ ແລະທ້ອນໂຮມອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມ ຢູ່ລາວ ໄດ້ 16 ອັດຖິ.
ໂດຍ: ກວຽດເຕິມ