ປະເທດຕ່າງໆ ຍູ້ແຮງການເຄື່ອນໄຫວກູ້ໄພກູ້ຊີບ ຢູ່ຕວກກີ ແລະຊີຣີ
ວັນທີ 12 ກຸມພາ, ລີບີ ໄດ້ສົ່ງເຮືອບິນຂົນສົ່ງເຄື່ອງອຸປະຖຳ 2 ລຳ ໄປຍັງ ຕວກກີ ແລະ ຊີຣີ ເພື່ອແນໃສ່ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ. ຕາມເຈົ້າໜ້າທີ່ ລີບີ ແລ້ວ, ນອກຈາກເຄື່ອງໜູນຊ່ວຍແລ້ວ, ປະເທດນີ້ ຍັງໄດ້ສົ່ງພະນັກງານການແພດ, ກຳລັງກູ້ໄພກູ້ຊີບ 70 ຄົນ ໄປຍັງສອງປະເທດດັ່ງກ່າວອີກດ້ວຍ.
ສ່ວນລັດຖະບານ Pakistan ກໍ່ໄດ້ຈັດແບ່ງຈຳນວນເງິນ 37.14 ລ້ານໂດລາສະຫະລັດ ເພື່ອໜູນຊ່ວຍຄວາມມານະພະຍາຍາມກູ້ໄພກູ້ຊີບ ຈາກເຫດແຜ່ນດິນໄຫວຢູ່ຕວກກີ ພ້ອມທັງໄດ້ຜັນຂະຫຍາຍວຽກງານກູ້ໄພກູ້ຊີບ ຢູ່ທັງທາງອາກາດ, ທາງບົກ ແລະທາງທະເລ.
|
|
ພາບປະກອບ: ສໍານັກຂ່າວສານຫວຽດນາມ |
ວັນທີ 12 ກຸມພາ, ກາຕາ ກໍ່ໃຫ້ຮູ້ວ່າ, ປະເທດນີ້ຈະໜູນຊ່ວຍ ຕວກກີ ແລະ ຊີຣີ ກາບີນ ແລະລົດຕັ້ງຄ້າຍ 10.000 ຄັນ ຊື່ງໄດ້ໃຊ້ໃນຮອບຊິງຊະນະເລີດງານແຂ່ງຂັນກິລາບານເຕະໂລກປີ 2022 (World Cup 2022) ເພື່ອເປັນບ່ອນລີ້ຊ້ອນໃຫ້ແກ່ປະຊາຊົນພາຍຫຼັງໄພພິບັດແຜ່ນດິນໄຫວ.
ຕາມການຄາດຄະເນຂອງ ສປຊ, ມີປະຊາຊົນນັບລ້ານຄົນຖືກເສຍເຮືອນຊານ ພາຍຫຼັງເຫດແຜ່ນດິນໄຫວທີ່ມີຄວາມແຮງ 7.8 ອົງສາຣິກແຕ ແລະ ເຮັດໃຫ້ເຂດຊຸມຊົນຢູ່ທາງທິດໃຕ້ປະເທດຕວກກີ ແລະທິດເໜືອປະເທດຊີຣີ ເກືອບທັງໝົດຖືກພັງທະລາຍ ແລະໄລ່ມາຮອດຈຸດເວລານີ້ໄດ້ເຮັດໃຫ້ ປະຊາຊົນຢ່າງໜ້ອຍສຸດ 33.000 ຄົນ ເສຍຊີວິດ.
ແຫຼ່ງຄັດຈາກ: vovworld.vn