ອີຣານ-ອາກຊັງຕີນ ສະໝັກເຂົ້າເປັນສະມາຊິກ BRICS
ຫວ່າງແລ້ວນີ້, ອີຣານ ແລະ ອາກຊັງຕີນ ຍືນເອກະສານສະໝັກເຂົ້າເປັນສະມາຊິກ ກຸ່ມປະເທດເສດຖະກິດເກີດໃໝ່ (BRICS) ທີ່ມີສະມາຊິກ ປັດຈຸບັນຄື: ບຣາຊິນ, ລັດເຊຍ, ອິນເດຍ, ຈີນ ແລະອາຟະຣິກາໃຕ້.
ຂະນະທີ່ການນໍາປະເທດຈີນ ໃນຖານະເປັນປະເທດເຮັດໜ້າທີ່ເປັນປະທານ ບຣິກສ ປະຈຳປີນີ້ ກ່າວໃນກອງປະຊຸມ ປະຈຳປີນີ້ ໄດ້ຮຽກຮ້ອງໃຫ້ກຸ່ມປະເທດ ບຣິກສ ເດີນໜ້າສ້າງຄວາມກ້າວໜ້າໃໝ່ດ້ານນະວັດຕະກຳພ້ອມທັງກະຕຸ້ນທ່າແຮງ ແລະ ເພີ່ມທ່າແຮງຂອງການຮ່ວມມືໄປນຳກັນ. ນອກນີ້ຍັງເດີນໜ້າຂອງການສ້າງວິຖີໃໝ່ໃນການປະສານນະໂຍບາຍດ້ານອຸດສາຫະກຳລະຫວ່າງກັນຂອງສະມາຊິກ ບຣິກສ ທັງ 5 ປະເທດໃນປີນີ້ ລວມທັງ ການສ້າງສູນນະວັດຕະກຳການປະຕິບັດ ທາງການຄ້າອຸດສາຫະກຳໃໝ່ໃນການເປັນຫຸ້ນສ່ວນ ກຸ່ມບຣິກສ (The BRICS Partnership on New Industrial Revolution Innovation Center) ຊຶ່ງໄດ້ເປີດຕົວແລ້ວ ທີ່ນະຄອນຊຽງເໝີນ ໃນແຂວງຝູຈຽງ ທາງຕາເວັນອອກຂອງຈີນ.
ແຫຼ່ງຄັດຈາກ: kpl.gov.la