ສປຊ ປະກາດແຜນການຖອນກຳລັງທະຫານຕ່າງປະເທດອອກຈາກລີບີ
ວັນທີ 8 ຕຸລາ ສະຫະປະຊາຊາດ ໄດ້ປະກາດວ່າ ບັນດາຄະນະຜູ້ແທນການທະຫານ ລີບີ ໄດ້ເຫັນດີ ຕໍ່ແຜນການກະທຳຮອບດ້ານເພື່ອແນໃສ່ຖອນກຳລັງທະຫານຮັບຈ້າງ ແລະພົນທະຫານຕ່າງປະເທດທັງໝົດອອກຈາກປະເທດນີ້. ໃນກອງປະຊຸມທີ່ແກ່ຍາວມາເປັນເວລາ 3 ວັນ ຢູ່ ເຊີແນວ ປະເທດ ສະວິດ, ສປຊ ໃຫ້ຮູ້ວ່າ ແຜນການກະທຳຂອງຄະນະກຳມະການທະຫານປະສົມ “5+5” ຈະແມ່ນພື້ນຖານໃຫ້ແກ່ວິວັດການຖອນກຳລັງທະຫານຕ່າງປະເທດ ແລະທະຫານຮັບຈ້າງທັງໝົດອອກຈາກ ລີບີ.
ຫົວຫນ້າຄະນະຜູ້ຕາງຫນ້າ ສປຊ ປະຈຳ ລີບີ, ທ່ານ Jan Kubis ຍ້ອງຍໍແຜນການນີ້ແມ່ນບາດກ້າວບຸກທະລຸມີລັກສະນະຕັດສິນຊີ້ຂາດ, ອາດຈະສ້າງກຳລັງຫນູນຕັ້ງຫນ້າ ແລະສ້າງພື້ນຖານໃຫ້ແກ່ໄລຍະສະຖຽນລະພາບ, ປະຊາທິປະໄຕ ຢູ່ ລີບີ. ຄຽງຄູ່ກັນນັ້ນຄະນະກຳມະການ ດັ່ງກ່າວກໍ່ຄວນຜັນຂະຫຍາຍບັນດານັກສັງເກດການຕິດຕາມການຢຸດຍິງຂອງ ສປຊ ໂດຍໄວ.
ແຫຼ່ງຄັດຈາກ: vovworld.vn