ບັນດາປະເທດສະມາຊິກ CPTPP ເຫັນດີເປັນເອກະພາບເພື່ອໃຫ້ ອັງກິດ ເລີ່ມປະຕິບັດການເຂົ້າເປັນສະມາຊິກ
ກປ.ອອນໄລ - ວັນທີ 2 ມິຖຸນາ, Reuters ໄດ້ຄັດສະເໜີແຈ້ງການຂອງທ່ານ Yasutoshi Nishimura ລັດຖະມົນຕີ ຟື້ນຟູເສດຖະກິດຍີ່ປຸ່ນ ໂດຍໃຫ້ຮູ້ວ່າ ບັນດາປະເທດສະມາຊິກ CPTPP ໄດ້ຕົກລົງອະນຸຍາດໃຫ້ ອັງກິດ ເລີ່ມປະຕິບັດການເຂົ້າເປັນສະມາຊິກຂອງສັນຍາ.
ການຕົກລົງນີ້ໄດ້ຍົກອອກທີ່ກອງປະຊຸມທາງອອນລາຍຂັ້ນລັດຖະມົນຕີຂອງ 11 ປະເທດສະມາຊິກ CPTPP. ໃນຖະແຫຼງການໜຶ່ງ, ບັນດາປະເທດສະມາຊິກ CPTPP ເນັ້ນໜັກວ່າ: “ເລື່ອງອັງກິດ ເລີ່ມປະຕິບັດການເຂົ້າເປັນສະມາຊິກຈະສົ່ງສັນຍານຢ່າງແຮງເຖິງບັນດາຄູ່ຮ່ວມມືດ້ານການຄ້າຂອງພວກຂ້າພະເຈົ້າໃນທ່ົວໂລກກ່ຽວກັບຄວາມສາມາດເປີດກວ້າງຂອງ CPTPP”.
|
|
ບັນຍາກາດທີ່ກອງປະຊຸມພິຈາລະນາໃຫ້ອັງກິດ ເຂົ້າເປັນສະມາຊິກ CPTPP. ພາບ: ສໍານັກຂ່າວສານຫວຽດນາມ. |
ອັງກິດໄດ້ສົ່ງໃບຄໍາຮ້ອງເຂົ້າເປັນສະມາຊິກ CPTPP ໃນເດືອນ ກຸມພາ 2021 ໃນຂະນະທີ່ລອນດອນ ຊອກຫາວິທີເປີດເສັ້ນທາງໃໝ່ໃຫ້ການຄ້າພາຍຫຼັງຖອນອອກຈາກ ອີຢູ, CPTPP ໄດ້ລົບລ້າງພາສີເຖິງ 95% ລະຫວ່າງ 11 ປະເທດສະມາຊິກ, ລວມມີ: ຍີ່ປຸ່ນ, ການາດາ, ອົດສະຕາລີ, ຫວຽດນາມ, ນິວເຊີແລນ, ສິງກະໂປ, ແມັກຊິໂກ, ບຣູໄນ, ຈີເລ ແລະມາເລເຊຍ.
ໂດຍ: ກວຽດເຕີມ