ອີຢູ ສັ່ງຊື້ຢາປ້ອງກັນໂຄວິດ-19 ໃຫ້ປະຊາຊົນ 450 ລ້ານຄົນ
ເມື່ອບໍ່ດົນມານີ້, ສະຫະພາບເອີຣົບ (ອີຢູ) ເຊັນສັນຍາຊື້ຢາປ້ອງກັນ ໂຄວິດ-19 (ວັກຊິນ) 2.000 ລ້ານຫລອດ ຈາກບໍລິສັດ ໄຟເຊິ ອີງ (Pfizer Inc.), ໂມເດີຣນາອິງ (Moderna Inc.) ແລະແອສຕຣາ ເຊເນກາ ພີແອລຊີ (Astra Zeneca plc).
ດ້ວຍຈຸດປະສົງເພື່ອຕອບສະໜອງໃຫ້ແກ່ປະຊາຊົນ 450 ລ້ານຄົນ ທົ່ວພາກພື້ນໄດ້ຮັບວັກຊິນກ່ອນທ້າຍປີໜ້າເນື່ອງຈາກໂຄວິດ-19 ສາຍພັນໃໝ່ລະບາດໃນອັງກິດ ໄດ້ໄວກວ່າເກົ່າເຖິງ 70% ດັ່ງນັ້ນຕ້ອງໄດ້ຮັບການສັກວັກຊິນຢ່າງຮີບດ່ວນ. ຂະນະທີ່ອີຢູຈະໄດ້ຮັບວັກຊິນທັງໝົດ 12,5 ລ້ານຫລອດ ພາຍໃນທ້າຍປີນີ້ ເຊິ່ງພຽງພໍສຳລັບການສັກວັກຊິນ 6,25 ລ້ານຄົນ ແລະແຕ່ລະຄົນຕ້ອງໄດ້ຮັບວັກຊິນ 2 ຫລອດ.
ຂ່າວ: ຂປລ