ຕາມແຫຼ່ງຂ່າວຈາກ ຫວຽດນາມ, ວັນທີ 4 ກັນຍານີ້, ບັນດາລັດຖະມົນຕີກຸ່ມ 20 ປະເທດພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າໂລກ (G20) ໄດ້ເຂົ້າຮ່ວມກອງປະຊຸມທາງອອນລາຍພິເສດ ເພື່ອປຶກສາຫາລືບັນດາມາດຕະການຫຼຸດຜ່ອນການຈຳກັດໄປມາ ແລະ ເພີ່ມທະວີການຮ່ວມມືຂ້າມຊາຍແດນ ແນໃສ່ຊຸກຍູ້ພື້ນຖານເສດຖະກິດພາຍຫຼັງຈັດວາງບັນດາມາດຕະການປິດລ້ອມຍ້ອນການແຜ່ລະບາດໂຄວິດ-19 ເປັນເວລາຫຼາຍເດືອນ ເຊິ່ງໄດ້ເຮັດໃຫ້ພື້ນຖານເສດຖະກິດທົ່ວໂລກໄດ້ຮັບຜົນກະທົບຢ່າງໜັກໜ່ວງ. ພ້ອມກັນນັ້ນ, ບັນດາລັດຖະມົນຕີ ຍັງໄດ້ປຶກສາຫາລືກ່ຽວກັບວຽກງານສົມທົບກັນນຳໃຊ້ບັນດາ ມາດຕະການປ້ອງກັນ, ສະກັດກັ້ນການແຜ່ລະບາດຂ້າມຊາຍແດນ ເພື່ອປົກປ້ອງຊີວິດອິນຊີ ແລະ ການຫາເງິນລ້ຽງຊີບຂອງປະຊາຊົນ.
ເນື້ອໃນ: ຂປລ
Type the code from the image