ຂ່າວຕ່າງປະເທດຂ່າວຕ່າງປະເທດ

FED ຕົກລົງຕັດຫຼຸດອັດຕາດອກເບ້ຍ

4 ສິງຫາ 2019 5:59

ໃນການປະຊຸມແກ່ຍາວແຕ່ວັນທີ 30 - 31 ກໍລະກົດທີ່ຜ່ານມາ, ຄະນະກຳມະການການຕະຫຼາດເປີດຂອງສະຫະພັນ (FOMC) ຊຶ່ງເປັນພາກສ່ວນວາງແຜນນະໂຍບາຍຂອງທະນາຄານກາງ ສ.ອາເມຣິກາ (Fed) ນັ້ນໄດ້ຕົກລົງຕັດຫຼຸດອັດຕາດອກເບ້ຍ ເປັນເທື່ອທຳອິດນັບແຕ່ເກີດວິກິດການການເງິນ ເມື່ອປີ 2008 ເປັນຕົ້ນມາທ່າມກາງທີ່ຄວາມສ່ຽງເກີດຄວາມບໍ່ສະຫງົບທາງດ້ານເສດຖະກິດມີເພີ່ມຂຶ້ນ.

ພາບປະກອບຈາກ: ສໍານັກຂ່າວສານຫວຽດນາມ.

ບັນດາຜູ້ອຳນວຍການຂອງທະນາຄານກາງ ໄດ້ລົງຄະແນນສຽງຮັບຮອງການຕົກລົງດັ່ງກ່າວ ດ້ວຍສຽງສະໜັບສະໜູນຂາດຂັ້ນໂດຍມີຄວາມເຫັນພຽງສອງລາຍທີ່ບໍ່ເຫັນພ້ອມ. ຕາມນັ້ນແລ້ວກໍ່ແມ່ນ Fed ຕົກລົງຕັດຫຼຸດອັດຕາດອກເບ້ຍພື້ນຖານລົງ 0,25% ຈາກທີ່ລະດັບ 2,25-2,5% ລົງມາຢູ່ທີ່ 2-2,25%.

ຂ່າວ: ວຽງຈັນໃໝ່