ປະທານາທິບໍດີ V.Putin ຈະໂອ້ລົມສົນທະນາກັບປະຊາຊົນທາງເຄືອຂ່າຍອິນເຕີແນັດ
ກປ.ອອນໄລ - ຕາມສໍານັກຂ່າວສານ Sputnik ແລ້ວ, ທ່ານປະທານາທິບໍດີລັດເຊຍ V.Putin ຈະມີການໂອ້ລົມສົນທະນາ ປະຈໍາປີກັບປະຊາຊົນ ໃນວັນທີ 20 ມິຖຸນາ ຈະມາເຖິງ. ນີ້ແມ່ນການໂອ້ລົມສົນທະນາ ເທື່ອທີ 17 ຂອງຜູ້ນຳໜ້າປະເທດ ລັດເຊຍ ເພື່ອແນໃສ່ຕອບຫຼາຍບັນຫາ ເຊິ່ງປະຊາຊົນມີຄວາມສົນໃຈ.
|
|
ທ່ານປະທານາທິບໍດີລັດເຊຍ V.Putin. ພາບ: AFP. |
ແຈ້ງການຂອງກົມສື່ມວນຊົນວັງ Kremlin ໃຫ້ຮູ້ວ່າ, ການໂອ້ລົມສົນທະນາທາງເຄືອຂ່າຍອິນເຕີແນັດ ປີ 2019 ຈະດໍາເນີນໃນເວລາ 12 ໂມງ (ຕາມເວລາມົດສະກູ) ໃນວັນທີ 20 ມິຖຸນາ, ຈະໄດ້ອອກອາກາດຜ່ານຊ່ອງໂທລະພາບຕ່າງໆ, ຄື: 1tv, Rossia-1, NTV, OTR, MIR ແລະວິທະຍຸກະຈາຍສຽງ “Mai-ak”, “Vesti FM” ແລະ “Radio Rossyy”. ປະຊາຊົນລັດເຊຍ ສາມາດຕັ້ງຄໍາຖາມຕໍ່ຜູ້ນຳໜ້າປະເທດຜ່ານທາງໂທສະສັບ, ສົ່ງຂໍ້ຄວາມ SMS, MMS ກໍ່ຄືຜ່ານທາງເວັບໄຊຂອງລາຍການ ຫຼື ຜ່ານໂປຼແກຼມສະເພາະ. ນອກຈາກນັ້ນ, ຄຳຖາມຈະຖືກຮັບເອົາຜ່ານສື່ສັງຄົມອອນລາຍ “V-Kontakte” ແລະ “Odnoklassnhiky”.
ໂດຍ: ທູຈາງ