ຜູ້ນຳລັດເຊຍ ແລະຈີນ ເຫັນດີຍົກລະດັບການພົວພັນລະຫວ່າງສອງຝ່າຍ
ລັດເຊຍ ແລະຈີນ ໄດ້ເຫັນດີເປັນເອກະສັນກັນເມື່ອວັນທີ 5 ມິຖຸນານີ້ ກ່ຽວກັບການຍົກລະດັບການພົວພັນລະຫວ່າງສອງປະເທດ ຂຶ້ນສູ່ລະດັບການພົວພັນຄູ່ຮ່ວມຍຸດທະສາດຮອບດ້ານຂອງການຮ່ວມມືໃນຍຸກໃໝ່.
ການຕົກລົງດັ່ງກ່າວຖືກນຳອອກມາຢູ່ໃນການພົບປະເຈລະຈາລະຫວ່າງປະທານາທິບໍດີລັດເຊຍ ວາລາດີເມຍ ປູຕິນ ກັບປະທານປະເທດຈີນ ສີຈີ້ນຜິງ ທີ່ຢູ່ລະຫວ່າງການຢ້ຽມຢາມລັດເຊຍ.
ໃນການເຈລະຈາດັ່ງກ່າວ ຜູ້ນຳທັງສອງໄດ້ຕີລາຄາການພົວພັນລະຫວ່າງສອງປະເທດ ໃນໄລຍະທີ່ຜ່ານມາ ທ່າມກາງທີ່ລັດເຊຍ ແລະ ຈີນ ພວມພະຍາຍາມເພີ່ມທະວີການຮ່ວມມື ໃນຂະນະທີ່ຄວາມເຄັ່ງຕຶງກັບ ສ ອາເມຣິກາ ເພີ່ມຂຶ້ນ.
|
|
ທ່ານ ວາລາດີເມຍ ປູຕິນ ປະທານາທິບໍດີລັດເຊຍ ແລະທ່ານ ສີຈີ້ນຜິງ ປະທານປະເທດຈີນ . ພາບ: ສໍານັກຂ່າວສານຫວຽດນາມ. |
ຄາດວ່າໃນໂອກາດການຢ້ຽມຢາມລັດເຊຍ ຂອງຜູ້ນຳຈີນໃນເທື່ອນີ້, ສອງຝ່າຍຈະໄດ້ລົງນາມຂໍ້ຕົກລົງປະມານ 30 ສະບັບ ແລະ ຈະມີຖະແຫຼງການອອກມາກ່ຽວກັບການເພີ່ມທະວີຄວາມໝັ້ນຄົງຍຸດທະສາດ. ໃນຂະນະດຽວກັນ ປະທານ ສີຈີ້ນຜິງ ກໍ່ຈະເຂົ້າຮ່ວມເວທີປາໄສເສດຖະກິດຢູ່ນະຄອນແຊງເປແຕກບວກ ໃນຖານະທີ່ເປັນແຂກຮັບເຊີນກິດຕິມະສັກ ແລະຈະມີຄຳປາໄສຕໍ່ວາລະປະຊຸມຄົບຄະນະຂອງເວທີປາໄສນີ້ດ້ວຍ.
ເນື້ອໃນ: ວຽງຈັນໃໝ່