ເພີ່ມທະວີການຮ່ວມມືດ້ານປ້ອງກັນຊາດລະຫວ່າງອາຊຽນ ກັບ ອາເມລິກາ
ກປ.ອອນໄລ - ຕອນບ່າຍວັນທີ 20 ພະຈິກ, ຢູ່ນະຄອນຫຼວງວຽງຈັນ (ລາວ) ໄດ້ດໍາເນີນການພົບປະບໍ່ເປັນທາງການລະຫວ່າງລັດຖະມົນຕີປ້ອງກັນປະເທດອາຊຽນ-ອາເມລິກາ ພາຍໃຕ້ການເປັນປະທານຮ່ວມຂອງທ່ານພົນເອກ ຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ ແລະທ່ານ Lloyd Austin ລັດຖະມົນຕີປ້ອງກັນປະເທດອາເມລິກາ. ຄະນະຜູ້ແທນຂັ້ນສູງກະຊວງປ້ອງກັນປະເທດຫວຽດນາມ ໂດຍທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ເຂົ້າຮ່ວມການພົບປະດັ່ງກ່າວ.
ການພົບປະແມ່ນໂອກາດທີ່ດີ ເພື່ອປຶກສາຫາລືບັນຫາທີ່ຕ່າງຝ່າຍຕ່າງມີຄວາມສົນໃຈ, ກໍຄືມາດຕະການເພື່ອແນໃສ່ເພີ່ມທະວີການຮ່ວມມືດ້ານປ້ອງກັນຊາດລະຫວ່າງອາຊຽນ ກັບ ອາເມລິກາ. ທ່ານ Lloyd Austin ໃຫ້ຮູ້ວ່າ: ອາເມລິກາ ປາດຖະໜາຢາກຊຸກຍູ້ການຮ່ວມມືດ້ານປ້ອງກັນຊາດກັບ ອາຊຽນ ໃຫ້ນັບມື້ນັບມີປະສິດທິຜົນ, ແທດຈິງ, ເພື່ອສັນຕິພາບ ແລະຄວາມໝັ້ນຄົງຢູ່ພາກພື້ນ.
    |
 |
|
ຜູ້ແທນເຂົ້າຮ່ວມການພົບປະບໍ່ເປັນທາງການລະຫວ່າງລັດຖະມົນຕີປ້ອງກັນປະເທດອາຊຽນ-ອາເມລິກາ. ພາບ: qdnd.vn |
ບັນດາລັດຖະມົນຕີປ້ອງກັນປະເທດປະເທດອາຊຽນ ຖືວ່າ ພາກພື້ນພວມປະເຊີນໜ້າກັບສິ່ງທ້າທາຍຫຼາຍຢ່າງດ້ານຄວາມໝັ້ນຄົງ, ທັງດ້ານການທະຫານ ແລະບໍ່ແມ່ນການທະຫານ. ດ້ວຍຫຼັກການເຄົາລົບບົດບາດໃຈກາງຂອງອາຊຽນ, ອາຊຽນ ພ້ອມແລ້ວທີ່ຈະຮ່ວມມືກັບອາເມລິກາ ກໍ່ຄືບັນດາຄູ່ຮ່ວມມືອື່ນໆເພື່ອແກ້ໄຂສິ່ງທ້າທາຍດັ່ງກ່າວ. ກ່າວຄຳເຫັນທີ່ການພົບປະ, ທ່ານພົນເອກ ຟານວັນຢາງ ເນັ້ນໜັກວ່າ ກະຊວງປ້ອງກັນປະເທດຫວຽດນາມ ຕີລາຄາສູງການເຄື່ອນໄຫວທີ່ມີປະສິດທິຜົນ ແລະແທດຈິງໂດຍອາເມລິກາ ສະເໜີ, ເພື່ອເປົ້າໝາຍຮັກສາສັນຕິພາບ, ຄວາມໝັ້ນຄົງ ແລະຄວາມເຂັ້ມແຂງດ້ວຍຕົນເອງຂອງພາກພື້ນ ກໍຄືການພັດທະນາລວມຂອງບັນດາປະເທດສະມາຊິກອາຊຽນ.
|
|
 |
|
ບັນຍາກາດທີ່ການພົບປະບໍ່ເປັນທາງການລະຫວ່າງລັດຖະມົນຕີປ້ອງກັນປະເທດອາຊຽນ-ອາເມລິກາ. ພາບ: qdnd.vn |
ທ່ານພົນເອກ ຟານວັນຢາງ ໃຫ້ຮູ້ວ່າ: ຮອບໄລຍະທີ 5 ຂອງກຸ່ມຊ່ຽວຊານ ADMM+ ໄດ້ເລີ່ມຕົ້ນຢ່າງເປັນທາງການ, ສືບຕໍ່ເປັນການຢັ້ງຢືນຄໍາໝັ້ນສັນຍາຂອງບັນດາຝ່າຍໃນການຊຸກຍູ້ການເຈລະຈາ, ສ້າງຄວາມໄວ້ເນື້ອເຊື່ອໃຈ ແລະມີການປະກອບສ່ວນແທດຈິງເຂົ້າໃນການຮັກສາສັນຕິພາບ, ສະຖຽນລະພາບຢູ່ພາກພື້ນ, ໃນນັ້ນມີການປັບປຸງການພົວພັນຮ່ວມມືໃນ 7 ຂົງເຂດຂອງກຸ່ມຊ່ຽວຊານ ADMM+ ຄືດັ່ງທີ່ໄດ້ເຕື້ອງເຖິງໃນຖະແຫຼງການຂອງການນຳຂັ້ນສູງກ່ຽວກັບການສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານອາຊຽນ-ອາເມລິກາ ປີ 2022.
ທ່ານພົນເອກ ຟານວັນຢາງ ເຊື່ອໝັ້ນວ່າ ອາເມລິກາ ແລະອິນໂດເນເຊຍ ຈະດໍາລົງບົດບາດເປັນປະທານຮ່ວມຂອງກຸ່ມຊ່ຽວຊານ ADMM+ ກ່ຽວກັບການແພດທະຫານໃນຮອບດັ່ງກ່າວສໍາເລັດຜົນ; ຢືນຢັນວ່າ ຫວຽດນາມ ສະໜັບສະໜູນ ແລະສືບຕໍ່ຕັ້ງໜ້າເຂົ້າຮ່ວມການເຄື່ອນໄຫວຮ່ວມມືລະຫວ່າງອາເມລິກາ ກັບບັນດາປະເທດອາຊຽນ, ພິເສດແມ່ນໃນຂອບເຂດ ADMM+.
|
|
 |
|
ທ່ານພົນເອກ ຟານວັນຢາງ ພົບປະສອງຝ່າຍກັບທ່ານພົນຕີ Domingos Raul, ຜູ້ບັນຊາການກຳລັງປ້ອງກັນຊາດ Timor-Leste. ພາບ: qdnd.vn |
* ວັນທີ 20 ພະຈິກ, ຢູ່ນະຄອນຫຼວງວຽງຈັນ (ລາວ), ຢູ່ນອກກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 18 (ADMM-18) ແລະ ADMM+ ຄັ້ງທີ 11, ທ່ານພົນເອກ ຟານວັນຢາງ ໄດ້ມີການພົບປະກັບທ່ານພົນຕີ Domingos Raul, ຜູ້ບັນຊາການກຳລັງປ້ອງກັນຊາດ Timor-Leste; ພົບປະກັບລັດຖະມົນຕີປ້ອງກັນປະເທດບັນດາປະເທດ, ຄື: ກຳປູເຈຍ, ສິງກະໂປ, ຟີລິບປິນ, ໄທ ແລະບຣູໄນ ເພື່ອແລກປ່ຽນມາດຕະການຊຸກຍູ້ການພົວພັນຮ່ວມມືດ້ານປ້ອງກັນຊາດ.
ໂດຍ: ທູຈາງ