ກ່າວຄໍາເຫັນທີ່ບັນດາເວທີປາໄສ, ທ່ານ ຫວູໂຮ່ ຕີລາຄາສູງບົດບາດຂອງ AMF ແລະ EAMF ໃນການຊຸກຍູ້ການຮ່ວມມືທາງທະເລໃນອາຊຽນ ແລະລະຫວ່າງ ອາຊຽນ ກັບບັນດາຄູ່ຮ່ວມມື, ເນັ້ນໜັກເຖິງຄວາມສໍາຄັນຂອງການຮັກສາບົດບາດໃຈກາງຂອງອາຊຽນ ຢູ່ພາກພື້ນກໍ່ຄືໃນຂົງເຂດການຮ່ວມມືທາງທະເລ, ສົ່ງເສີມບັນດາຄູ່ຮ່ວມມືສືບຕໍ່ສະໜັບສະໜູນ ແລະຮ່ວມມືກັບອາຊຽນ ບົນຈິດໃຈໄວ້ເນື້ອເຊື່ອໃຈ, ກໍ່ສ້າງ, ເຂົ້າຮ່ວມປະກອບສ່ວນແທດຈິງ, ມີປະສິດທິຜົນໃຫ້ແກ່ການເຄື່ອນໄຫວຂອງບັນດາກົນໄກອາຊຽນ, ໃນນັ້ນມີ EAMF.

leftcenterrightdel
ທ່ານ ຫວູໂຮ່ ເອກອັກຄະລັດຖະທູດ, ຮັກສາການຫົວໜ້າ SOM ອາຊຽນ. ພາບ: ສໍານັກຂ່າວສານຫວຽດນາມ

ໃນສະພາບທີ່ບັນດາປະເທດຕ້ອງປະເຊີນໜ້າກັບຫຼາຍບັນຫາຄວາມໝັ້ນຄົງທີ່ສັບສົນ, ທ່ານ ຫວູໂຮ່ ເຊີດຊູຄວາມຮັບຜິດຊອບ ແລະເຈດຕະນາດີຂອງບັນດາປະເທດໃນການຮັກສາສັນຕິພາບ, ຄວາມໝັ້ນຄົງ, ສະຖຽນລະພາບ ແລະການຮ່ວມມືຢູ່ເຂດທະເລໃນພາກພື້ນ, ໃນນັ້ນມີທະເລຕາເວັນອອກສ່ຽງໃຕ້ບົນພື້ນຖານເພີ່ມທະວີການເຈລະຈາ, ປຶກສາຫາລື, ປະຕິບັດກົດໝາຍສາກົນ ແລະສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) 1982, ປະຕິບັດບັນດາຄໍາໝັ້ນສັນຍາ, ຂໍ້ຕົກລົງສາກົນຢ່າງເຂັ້ມງວດ. ຄຽງຂ້າງກັນນັ້ນ, ພ້ອມກັບວິວັດການຟື້ນຟູພາຍຫຼັງພະຍາດໂຄວິດ-19, ເລື່ອງນໍາໃຊ້ UNCLOS 1982 ຕ້ອງໄດ້ພິຈາລະນາຢ່າງຮອບດ້ານ ແລະເໝາະສົມ, ໃນນັ້ນຕ້ອງໄດ້ຄິດໄລ່ເຖິງບັນຫາການປົກປັກຮັກສາສະພາບແວດລ້ອມທະເລ, ຮັບມືກັບການປ່ຽນແປງຂອງດິນຟ້າອາກາດ.

ໂດຍ: ໄຊນີດາ