ອາຊຽນ ເພີ່ມທະວີການເຊື່ອມຕໍ່ຄົມມະນາຄົມຂົນສົ່ງ
ກອງປະຊຸມລັດຖະມົນຕີກະຊວງຄົມມະນາຄົມຂົນສົ່ງ ຂອງສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຄັ້ງທີ 28 ແລະບັນດາກອງປະຊຸມທີ່ກ່ຽວຂ້ອງໄດ້ຈັດຂຶ້ນຢູ່ເກາະ ບາລີ (ປະເທດອິນໂດເນເຊຍ) ແຕ່ວັນທີ 15-17 ຕຸລາ.
ນອກຈາກການເຂົ້າຮ່ວມຂອງຜູ້ແທນທີ່ມາຈາກບັນດາປະເທດສະມາຊິກອາຊຽນ ກໍ່ຍັງມີການເຂົ້າຮ່ວມຂອງບັນດາປະເທດຄູ່ຮ່ວມມື, ຄື: ສ. ເກົາຫຼີ, ຍີ່ປຸ່ນ ແລະສະຫະພາບເອີລົບ.
|
|
ບັນຍາກາດທີ່ກອງປະຊຸມ. ພາບ: vov.vn |
ກອງປະຊຸມເຈົ້າໜ້າທີ່ຂັ້ນສູງດ້ານຄົມມະນາຄົມຂົນສົ່ງອາຊຽນ ແລະບັນດາກອງປະຊຸມທີ່ກ່ຽວຂ້ອງເຊິ່ງດຳເນີນໃນລະຫວ່າງວັນທີ 15-16 ຕຸລາ, ໄດ້ຍົກອອກຂໍ້ສະເໜີແນະກ່ຽວກັບການໃຫ້ສັດຕະຍາບັນສັນຍາບາງສະບັບ ແລະສ້າງສຳເລັດການເຈລະຈາສັນຍາວ່າດ້ວຍການຂົນສົ່ງທາງອາກາດບໍ່ຮອບດ້ານອາຊຽນ-ສະຫະພາບເອີລົບ (ອີຢູ). ສັນຍາສະບັບນີ້ຈະແມ່ນຂໍ້ຕົກລົງສະບັບທຳອິດກ່ຽວກັບການຂົນສົ່ງທາງອາກາດລະຫວ່າງສອງພາກພື້ນໃນໂລກ.
ບັນດາຂໍ້ສະເໜີແນະອື່ນໆລວມມີການໃຫ້ສັດຕະຍາບັນຂໍ້ຕົກລົງຍຸດທະສາດກ່ຽວກັບການຮ່ວມມືທາງດ້ານການບິນ ແລະຊອກຫາກູ້ໄພກູ້ຊີບທາງທະເລລະຫວ່າງບັນດາປະເທດສະມາຊິກອາຊຽນ; ປະຕິບັດຂອບເຂດການເພີ່ມທະວີການຈໍລະຈອນ container ຢູ່ພາກພື້ນ. ຜ່ານບັນດາຂໍ້ຕົກລົງ, ການພົວພັນຮ່ວມມືໃນຂົງເຂດຄົມມະນາຄົມຂົນສົ່ງລະຫວ່າງບັນດາປະເທດສະມາຊິກອາຊຽນ ແລະລະຫວ່າງອາຊຽນກັບບັນດາຄູ່ເຈລະຈາຈະໄດ້ຮັບການເພີ່ມທະວີ.
ຂ່າວ: ວິທະຍຸກະຈາຍສຽງຫວຽດນາມ