ທີ່ກອງປະຊຸມ, ອາຊຽນ ແລະອິນເດຍ ເຫັນດີເປັນເອກະພາບຈະໜູນຊ່ວຍກັນຮັບມືກັບພະຍາດໂຄວິດ-19, ຫຼຸດຜ່ອນຜົນກະທົບຈາກພະຍາດໂຄວິດ-19 ແລະຊຸກຍູ້ການຟື້ນຟູ, ຮັກສາ ແລະຊຸກຍູ້ການຮ່ວມມືຜ່ານການຜັນຂະຫຍາຍແຜນການກະທໍາອາຊຽນ-ອິນເດຍ ໄລຍະໃໝ່ 2021-2025 ຢ່າງມີປະສິດທິຜົນ, ສຸມໃສ່ບຸລິມະສິດຊຸກຍູ້ການແລກປ່ຽນດ້ານການຄ້າ ແລະການລົງທຶນ, ເຊື່ອມຕໍ່, ການຮ່ວມມືດ້ານທະເລ, ວິທະຍາສາດເຕັກໂນໂລຢີ ແລະການປ່ຽນແປງໃໝ່ປະດິດສ້າງ, ຫັນປ່ຽນດີຈີຕອນ, ຮັບມືກັບການປ່ຽນແປງຂອງດິນຟ້າອາກາດ...

leftcenterrightdel
ທ່ານ ບຸ່ຍແທັງເຊີນ ລັດຖະມົນຕີຕ່າງປະເທດຫວຽດນາມ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ-ອິນເດຍ ຜ່ານລະບົບທາງໄກ. ພາບ: ສໍານັກຂ່າວສານຫວຽດນາມ.

ເມື່ອແລກປ່ຽນກ່ຽວກັບສະພາບການສາກົນ ແລະພາກພື້ນ, ອາຊຽນ ແລະອິນເດຍ ຢືນຢັນວ່າ ຈະສົມທົບກັນຢ່າງແໜ້ນແຟ້ນ ເພື່ອປະກອບສ່ວນເຂົ້າໃນຄວາມມານະພະຍາຍາມຮັກສາສັນຕິພາບ, ຄວາມໝັ້ນຄົງ, ສະຖຽນລະພາບຢູ່ພາກພື້ນ, ໃນນັ້ນມີຄວາມໝັ້ນຄົງ, ຄວາມປອດໄພໃນການເດີນທະເລຢູ່ທະເລຕາເວັນອອກ. ອິນເດຍ ຢັ້ງຢືນຈະສະໜັບສະໜູນຫຼັກໝັ້ນ, ຫຼັກການຂອງອາຊຽນກ່ຽວກັບບັນຫາທະເລຕາເວັນອອກ, ສະໜັບສະໜູນອາຊຽນ ເສີມຂະຫຍາຍບົດບາດຊຸກຍູ້ການເຈລະຈາ ແລະສ້າງຄວາມໄວ້ເນື້ອເຊື່ອໃຈ, ຮັບປະກັນປະຕິບັດ DOC ຢ່່າງຄົບຖ້ວນ ແລະມີປະສິດທິຜົນ, ສ້າງ COC ໃຫ້ມີປະສິດທິພາບ, ປະສິດທິຜົນ, ເໝາະສົມກັບກົດໝາຍສາກົນ ແລະ UNCLOS 1982. ອິນເດຍ ຢັ້ງຢືນການສະໜັບສະໜູນບົດບາດ ແລະຄວາມມານະພະຍາຍາມຂອງອາຊຽນໃນການຊຸກຍູ້ການເຈລະຈາ,  ໜູນຊ່ວຍມຽນມາ ຊອກຫາມາດຕະການຮັກສາສະພາບການເປັນປົກກະຕິ.  ສອງຝ່າຍເຫັນດີເປັນເອກະພາບສົມທົບກັນຮຽບຮຽງເອກະສານຮ່ວມມືໃນຂອບເຂດທັດສະນະຂອງອາຊຽນທີ່ມີຕໍ່ມະຫາສະໝຸດອິນເດຍ-ປາຊີຟິກ (IPOI).

ໂດຍ: ເຈິ່ນຮວ່ຽນ