ທ່ານ ເຣິ່ນຫົງປິນ ລັດຖະມົນຕີຊ່ວຍວ່າການກະຊວງການຄ້າຈີນ ກ່າວວ່າ: ຈີນ ຍັງຄົງເປັນຄູ່ການຄ້າລາຍໃຫຍ່ສຸດຂອງອາຊຽນຕິດຕໍ່ກັນ 12 ປີ ແລະອາຊຽນ ຍັງເປັນຄູ່ການຄ້າລາຍໃຫຍ່ສຸດຂອງຈີນ ໃນປີ 2020, ຂະນະທີ່ 6 ເດືອນຕົ້ນປີນີ້ການຄ້າທະວີພາຄີລະຫວ່າງ ຈີນ ແລະອາຊຽນຍັງຄົງຂະຫຍາຍຕົວຢ່າງຕໍ່ເນື່ອງເພີ່ມຂຶ້ນ 38,2% ເມື່ອທຽບປີຕໍ່ປີ.
ດ້ານການລົງທຶນອາຊຽນ ກາຍເປັນໜຶ່ງຈຸດໝາຍຂອງການລົງທຶນຂາອອກທີ່ສໍາຄັນຂອງຈີນ ແລະແຫຼ່ງການລົງທຶນໂດຍກົງຈາກຕ່າງປະເທດ, ດ້ວຍຄວາມຮ່ວມມືທີ່ຟື້ນຟູໃນພາກທຸລະກິດຕ່າງໆເຊັ່ນ: ການຜະລິດກະສິກຳ, ໂຄງສ້າງພື້ນຖານເຕັກໂນໂລຊີຂັ້ນສູງ, ເສດຖະກິດດີຈີຕອນ ແລະເສດຖະກິດສີຂຽວ, ການລົງທຶນຮ່ວມກັນລະຫວ່າງຈີນ ແລະອາຊຽນ ມີມູນຄ່າບັນລຸ 3,1 ແສນລ້ານໂດລາສະຫະລັດ ນັບເຖິງເດືອນມິຖຸນາ ປີນີ້.
ເນື້ອໃນ: ຂປລ
Type the code from the image