ຍູ້ແຮງການໂຄສະນາຮູບພາບ, ສົ່ງເສີມການຄ້າລະຫວ່າງອາຊຽນ ແລະບຣາຊິນ
ກປ.ອອນໄລ - ໃນຂອບເຂດການເຄື່ອນໄຫວຂອງຄະນະກໍາມະການອາຊຽນ ປະຈໍາ ບຣາຊິນ, ແນໃສ່ຍູ້ແຮງການໂຄສະນາຮູບພາບ ກໍ່ຄືການສົ່ງເສີມການຄ້າລະຫວ່າງອາຊຽນ ແລະບຣາຊິນ, ຫວ່າງແລ້ວນີ້, ຢູ່ນະຄອນຫຼວງ Brasilia ໄດ້ດໍາເນີນກອງປະຊຸມທາງໄກລະຫວ່າງເອກອັກຄະລັດຖະທູດ, ຜູ້ຕາງໜ້າຫ້ອງການການຄ້າບັນດາປະເທດອາຊຽນ ດ້ວຍບໍລິສັດນຳເຂົ້າ-ສົ່ງອອກ 40 ແຫ່ງ ແລະສະໜອງການບໍລິການລັດ Rio Grande do Sul.
|
|
ທ່ານ Carlos Alberto Franco França ລັດຖະມົນຕີກະຊວງການຕ່າງປະເທດບຣາຊິນ ທີ່ການຕ້ອນຮັບເອກອັກຄະລັດຖະທູດບັນດາປະເທດອາຊຽນ ຢູ່ນະຄອນຫຼວງ Brasilia, ບຣາຊິນ. ພາບ: baoquocte.vn. |
ກ່າວຄໍາເຫັນທີ່ກອງປະຊຸມ, ໃນຖານະເປັນປະທານຄະນະກໍາມະການອາຊຽນ ປະຈຳ ບຣາຊິນ, ທ່ານນາງ ຟ້າມທິກິມຮວາ ເອກອັກຄະລັດຖະທູດຫວຽດນາມ ໄດ້ແນະນໍາກ່ຽວກັບອາຊຽນ ແລະຂົງເຂດທີ່ສາມາດຮ່ວມມືກັບ ບຣາຊິນ ໃນໄລຍະຈະມາເຖິງ, ລວມມີ: ການຄ້າ ແລະການລົງທຶນ; ກະສິກໍາ ແລະຄວາມໝັ້ນຄົງດ້ານສະບຽງອາຫານ; ການປ້ອງກັນຊາດ; ເຕັກໂນໂລຢີ; ປ້ອງກັນ, ຕ້ານການຄ້າມະນຸດ; ຄວາມປອດໄພໃນການເດີນທະເລ. ໃນປີ 2020, ອາຊຽນ ແມ່ນຄູ່ຮ່ວມມືການຄ້າໃຫຍ່ທີ 3 ຂອງ ບຣາຊິນ ດ້ວຍການຄ້າສອງສົ້ນແມ່ນ 21 ຕື້ໂດລາສະຫະລັດ.
ກອງປະຊຸມໄດ້ສະໜອງຫຼາຍຂໍ້ມູນຂ່າວສານທີ່ເປັນປະໂຫຍດ, ສ້າງຄວາມສະດວກໃຫ້ວິສາຫະກິດອາຊຽນ ແລະບຣາຊິນ ໃນຊ່ວງເກີດພະຍາດໂຄວິດ-19. ສອງຝ່າຍໄດ້ແລກປ່ຽນ, ຮ່ວມມືເພື່ອພ້ອມກັນພັດທະນາໃນໄລຍະຈະມາເຖິງ.
ໂດຍ: ກວຽດເຕິມ