ກອງປະຊຸມຄະນະກໍາມະການປະສານງານເຊື່ອມຈອດອາຊຽນ ກັບບັນດາຄູ່ຮ່ວມມືເຈລະຈາ
ກປ.ອອນໄລ - ວັນທີ 26 ສິງຫາ ໄດ້ດໍາເນີນກອງປະຊຸມປຶກສາຫາລືຂອງຄະນະກໍາມະການປະສານງານເຊື່ອມຈອດອາຊຽນ (ACCC) ກັບບັນດາຄູ່ຮ່ວມມືເຈລະຈາ ແລະບັນດາຄູ່ຮ່ວມມືອື່ນ ຕາມຮູບການທາງໄກ. ທ່ານ ເຈິ່ນດຶກບິ່ງ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ອາຊຽນ, ເປັນປະທານກອງປະຊຸມດັ່ງກ່າວໃນບົດບາດເປັນປະທານຄະນະກໍາມະການປະສານງານເຊື່ອມຈອດອາຊຽນ.
|
|
ບັນຍາກາດທີ່ກອງປະຊຸມທາງໄກ. ພາບ: ຄະນະຜູ້ຕາງໜ້າຫວຽດນາມ ປະຈຳ ອາຊຽນ. |
ທີ່ກອງປະຊຸມ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າບັນດາປະເທດຄູ່ຮ່ວມມືຂອງອາຊຽນ (ອາເມລິກາ, ຈີນ, ຍີ່ປຸ່ນ, ສ.ເກົາຫຼີ, ອົດສະຕາລີ, ເຢຍລະມັນ, ການາດາ, ນີວຊີແລນ...) ໄດ້ຕີລາຄາສູງຄວາມມານະພະຍາຍາມຂອງອາຊຽນ ໃນໄລຍະຜ່ານມາໃນການຊຸກຍູ້ການເຊື່ອມຈອດພາຍໃນອາຊຽນ ກໍ່ຄືການເຊື່ອມຈອດລະຫວ່າງອາຊຽນ ແລະພາກພື້ນ, ພ້ອມທັງຢືນຢັນສືບຕໍ່ໜູນຊ່ວຍອາຊຽນ ຜັນຂະຫຍາຍບັນດາໂຄງການໃນຂອບເຂດແຜນແມ່ບົດເພື່ອການເຊື່ອມຈອດອາຊຽນ (MPAC) 2025 ກໍ່ຄືການເຊື່ອມຈອດເວົ້າລວມ... ເພື່ອແນໃສ່ເພີ່ມທະວີຄວາມສະໜິດຕິດພັນສ້າງປະຊາຄົມອາຊຽນ ແລະລະຫວ່າງອາຊຽນ ແລະບັນດາຄູ່ຮ່ວມມື, ໜູນຊ່ວຍການຟື້ນຟູ ແລະພັດທະນາເສດຖະກິດພາກພື້ນ.
ບັນດາປະເທດກໍ່ປຶກສາຫາລືບັນດາມາດຕະການເພື່ອຊຸກຍູ້ MPAC 2025 ໃນສະພາບພະຍາດໂຄວິດ-19, ຢັ້ງຢືນບັນດາຂົງເຂດຍຸດທະສາດຂອງ MPAC 2025 ແມ່ນສອດຄ່ອງທີ່ສຸດກັບແຜນການຟື້ນຟູຂອງອາຊຽນ ພາຍຫຼັງພະຍາດໂຄວິດ-19.
ໂດຍ: ດັ້ງເກື່ອງ