5 ພື້ນຖານເສດຖະກິດແຖວໜ້າຂອງ ອາຊຽນ-ອິນເດຍ ອາດຈະຊຸດໂຊມລົງ
ຕາມຂ່າວສານຫວຽດນາມ, ວັນທີ 8 ກໍລະກົດ, ສູນຄົ້ນຄວ້າເສດຖະກິດຍີ່ປຸ່ນ (JCER) ປະກາດບົດລາຍງານການສຳຫລວດກ່ຽວກັບ 5 ພື້ນຖານເສດຖະກິດຂະໜາດໃຫຍ່ສຸດໃນອາຊີ, ລວມມີ: ອິນໂດເນເຊຍ, ມາເລເຊຍ, ຟິລິບປີນ, ສິງກະໂປ ແລະໄທ (ຫລືຮຽກວ່າ ອາຊຽນ-5) ແລະ ອິນເດຍ ຈະຊຸດໂຊມລົງຈາກຜົນກະທົບຂອງພະຍາດໂຄວິດ-19. ການສຳຫລວດໃນຄັ້ງນີ້ແມ່ນ JCER ຮ່ວມກັບ Nikkei Inc.
ໄດ້ດຳເນີນຈາກວັນທີ 5 ຫາວັນທີ 25 ເດືອນມິຖຸນາ ຜ່ານມາ ໂດຍມີຊ່ຽວຊານເສດຖະສາດ 38 ຄົນ ແລະບັນດານັກວິເຄາະໃນ 6 ພື້ນຖານເສດຖະກິດດັ່ງກ່າວເຂົ້າຮ່ວມ. ຜົນການສຳຫລວດໄດ້ສະແດງໃຫ້ເຫັນວ່າແງ່ຫວັງສຳລັບບັນດາເສດຖະກິດອາຊີມີທ່າອ່ຽງຫລຸດລົງຫລາຍກວ່າໃນໄຕມາດ 2 ນີ້ຈາກຜົນກະທົບຂອງພະຍາດໂຄວິດ-19 ແລະການຈຳກັດທຸລະກິດຕ່າງໆພວມເພີ່ມຂຶ້ນ ໃນທົ່ວພາກພື້ນນີ້. ໃນໄຕມາດ 2, ເສດຖະກິດອາຊຽນ-5 ແລະອິນເດຍ ໄດ້ຫລຸດລົງຢ່າງຫລວງຫລາຍ ແລະຈະເລີນເຕີບໂຕຂຶ້ນ ໃນລະດັບລົບໃນປີນີ້.
    |
 |
|
ພາບປະກອບຄັດຈາກ: ສໍານັກຂ່າວສານຫວຽດນາມ. |
ອັດຕາການວ່າງງານພວມມີທ່າອ່ຽງເພີ່ມຂຶ້ນເຊັ່ນກັນ. ບັນດາຊ່ຽວຊານເສດຖະສາດຫວັງວ່າບັນດາພື້ນຖານເສດຖະກິດອາດຈະຟື້ນຟູຄືນໃນໄລຍະກາງທ້າຍປີນີ້ແຕ່ການຟື້ນຟູອາດຈະມີຂຶ້ນຖ້າພະຍາດໂຄວິດ-19 ສາມາດຄວບຄຸມໄດ້. ນອກຈາກນັ້ນພະຍາດໂຄວິດ-19, ຊ່ຽວຊານເສດຖະສາດຍັງລະບຸວ່າ ການພົວພັນລະຫວ່າງ ສ.ອາເມລິກາ-ຈີນ ຈະແມ່ນປັດໄຈໜຶ່ງທ່ີສົ່ງຜົນກະທົບເຖິງ ບັນດາເສດຖະກິດດັ່ງກ່າວ.
JCER ຄາດວ່າລະດັບການຈະເລີນເຕີບໂຕຂອງອາຊຽນ-5 ໃນໄຕມາດ 2 ນິ້ຢູ່ໃນລະດັບລົບ 7,8% ຫລຸດລົງ 9,7 ຈຸດເມື່ອທຽບໃສ່ຜົນການສຳຫລວດເມື່ອເດືອນມີນາຜ່ານມາ. 5 ພື້ນຖານເສດຖະກິດຈະເລີນເຕີບໂຕຫລຸດລົງ. ໃນນັ້ນ ມາເລເຊຍ, ໄທ ແລະສິງກະໂປ ອາດຈະລື່ນກາຍ 10%. ສ່ວນເສດຖະກີດອິນເດຍ ຫລຸດລົງ 20,6% ໃນໄຕມາດ 2 ຜ່ານມາ ແລະຈະເລີນເຕີບໂຕໃນລະດັບລົບ 5,1% ໃນສົກການເງິນ 2020-2021.
ເນື້ອໃນ: ຂປລ