ກຳປູເຈຍ ຈະຈັດຕັ້ງກອງປະຊຸມສຸດຍອດອາຊີ -ປາຊີຟິກ
ຕອນເຊົ້າວັນທີ 28 ຕຸລາ, ທ່ານ Ek Tha ໂຄສົກຫ້ອງວ່າການສະພາລັດຖະມົນຕີ ກຳປູເຈຍ ໃຫ້ຮູ້ວ່າ ກຳປູເຈຍ ຈະສົມທົບກັບສະຫະພັນສັນຕິພາບທົ່ວໂລກ (UPF) ຮ່ວມຈັດຕັ້ງກອງປະຊຸມສຸດຍອດອາຊີ -ປາຊີຟິກ (APS) 2019 ຢູ່ Phnom Penh ໃນລະຫວ່າງ ວັນທີ 18 – 20 ພະຈິກ.
|
|
ນະຄອນ Phnom Penh ປະເທດ ກຳປຸເຈຍ (ພາບ: Asian Nikkei Review) |
ທ່ານ Ek Tha ໃຫ້ຮູ້ວ່າ ທ່ານນາຍົກລັດຖະມົນຕີ ກຳປູເຈຍ Samdech Techo Hun Sen ຈະເປັນປະທານຂອງພິທີໄຂກອງປະຊຸມທີ່ມີຫົວຂໍ້ວ່າ “ຮັບມືກັບບັນດາສິ່ງທ້າທາຍຕົ້ນຕໍໃນປັດຈຸບັນ: ການອີງໃສ່ລວມ, ຄວາມໄກ່ເກ່ຍປອງດອງຊາດ, ວັດທະນາຖາວອນລວມ ແລະມູນຄ່າທົ່ວໂລກ”. ຄາດວ່າ, ຈະມີການເຂົ້າຮ່ວມຂອງແຂກສາກົນປະມານ 500 ຄົນທີ່ມາຈາກ 50 ປະເທດ ແລະພາກພື້ນ.
ຕາມລາຍງານຂອງຫ້ອງວ່າການສະພາລັດຖະມົນຕີ ກຳປູເຈຍ ແລ້ວ, ກອງປະຊຸມ APS 2019 ຈະສະແດງໃຫ້ເຫັນບັນດາຜົນກະທົບອັນຕັ້ງໜ້າຂອງການຮ່ວມມືລະຫວ່າງລັດຖະບານ ແລະສັງຄົມພົນລະເຮືອນສຳລັບການສ້າງສັນຕິພາບ ແລະ ຄວາມໄກ່ເກ່ຍປອງດອງຊາດ, ການພັດທະນາແບບຍືນຍົງ, ການຮ່ວມມືວັດທະນາຖາວອນ ແລະວິທີການແກ້ໄຂດີທີ່ສຸດໃຫ້ແກ່ບັນດາບັນຫາສຳຄັນ.
ແຫຼ່ງຄັດຈາກ: vovworld.vn