ຍູ້ແຮງການຮ່ວມມືອາຊຽນ-ອີຢູ, ອາຊຽນ-ເຢຍລະມັນ
ກປ.ອອນໄລ - ຫວ່າງແລ້ວນີ້, ຄະນະກໍາມະການສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຢູ່ແບັກແລງ (BAC) ໄດ້ຈັດຕັ້ງວັນອາຊຽນ. ນີ້ແມ່ນການເຄື່ອນໄຫວປະຈໍາປີຂອງບັນດາປະເທດອາຊຽນ ຢູ່ເຢຍລະມັນ ເພື່ອແນໃສ່ເພີ່ມທະວີຄວາມເຂົ້າໃຈເຊິ່ງກັນ ແລະກັນ, ຊຸກຍູ້ການພົວພັນຮ່ວມມືລະຫວ່າງບັນດາປະເທດອາຊຽນກັບເຢຍລະມັນ, ພ້ອມທັງໂຄສະນາ, ແນະນຳວັດທະນະທຳ, ພາບພົດຂອງອາຊຽນເຖິງປະເທດເພື່ອນມິດເຢຍລະມັນ.
ເຂົ້າຮ່ວມເຫດການມີທ່ານນາງ Renate Künast - ປະທານກຸ່ມສະມາຊິກລັດຖະສະພາມິດຕະພາບເຢຍລະມັນ-ອາຊຽນ, ທ່ານນາງ Petra Sigmund - ຮອງຫົວໜ້າກົມໃຫຍ່ພາກພື້ນອາຊີ-ປາຊີຟິກ, ກະຊວງການຕ່າງປະເທດເຢຍລະມັນ, ຕາງໜ້າບັນດາປະເທດອາຊຽນຢູ່ແບັກແລງ.
|
|
ບັນຍາກາດທີ່ພິທີ. ພາບ: vov.vn. |
ກ່າວຄໍາເຫັນທີ່ພິທີ, ທ່ານນາງ Touch Sophanrath ປະທານຄະນະກຳມະການອາຊຽນ, ເອກອັກຄະລັດຖະທູດກຳປູເຈຍ ປະຈຳ ເຢຍລະມັນ, ສະແດງຄວາມຫວັງວ່າ ອາຊຽນ ແລະອີຢູ, ເຢຍລະມັນ ຈະສືບຕໍ່ຍູ້ແຮງການຂຸດຄົ້ນບັນດາຄວາມສາມາດບົ່ມຊ້ອນພັດທະນາກວ່າອີກ, ເປັນຕົ້ນແມ່ນໃນການໜູນຊ່ວຍອາຊຽນ ປະຕິບັດບັນດາເປົ້າໝາຍພັດທະນາແບບຍືນຍົງ. ຕີລາຄາສູງຕໍ່ການພົວພັນຮ່ວມມືລະຫວ່າງອາຊຽນ-ອີຢູ, ທ່ານນາງ Petra Sigmund, ຮອງຫົວໜ້າກົມໃຫຍ່ພາກພື້ນອາຊີ-ປາຊີຟິກ ຖືວ່າ, ນີ້ແມ່ນສາຍພົວພັນໃຫຍ່, ມີບົດບາດ ແລະຄວາມໝາຍສໍາຄັນທີ່ສຸດ. ຍ້ອນແນວນັ້ນ, ເຢຍລະມັນ ແລະອາຊຽນ ຈະສຸມໃສ່ຍູ້ແຮງການຮ່ວມມືລະຫວ່າງອາຊຽນກັບອີຢູ.
ໂດຍ: ຄໍາແພງ