ບຣິກສ ກຽມຕັ້ງກອງທຶນສຳຮອງສາກົນ
ວັນທີ 23 ມິຖຸນານີ້, ທ່ານ ວາລາດີເມຍ ປູຕິນ, ປະທານາທິບໍດີຣັດເຊຍ ເປີດເຜີຍວ່າ: ບຣິກສ (BRICS) ປະກອບດ້ວຍບຣາຊິນ, ຣັດເຊຍ, ອິນເດຍ, ຈີນ, ອາຟຣິກາໃຕ້ ພວມດຳເນີນການຈັດຕັ້ງທຶນສຳຮອງສາກົນໃໝ່ ເພື່ອຫລຸດຜ່ອນການເພີ່ງພາອາໄສສະກຸນເງິນໂດລາສະຫະລັດພາຍຫລັງປະເທດສະມາຊິກບຣິກສ ພວມພັດທະນາກົນໄກທາງເລືອກທີ່ເຊື່ອຖືໄດ້ສຳລັບການຈ່າຍເງິນສາກົນ.
ຂະນະທີ່ບັນດາປະເທດດັ່ງກ່າວເພີ່ມການໃຊ້ສະກຸນເງິນທ້ອງຖິ່ນໃນການຊື້ຂາຍລະຫວ່າງກັນຫລາຍຂຶ້ນ. ຂະນະທີ່ເວັບໄຊ Global Times ຂອງຈີນ ລາຍງານວ່າ: ບັນດາ ຜູ້ຄ້າໃນກຸ່ມບຣິກສ ຕ່າງເຫັນຄວາມເປັນໄປໄດ້ທີ່ຈະໃຊ້ສະກຸນເງິນທ້ອງຖິ່ນໃນກຸ່ມປະເທດຂອງຕົນໂດຍສະເພາະເງິນຢວນເປັນອີກໜຶ່ງສະກຸນຫລັກໃນການເຮັດທຸລະກຳທາງການຄ້າຂ້າມຊາຍແດນລະຫວ່າງກັນເປັນສ່ວນໜຶ່ງໃນຄວາມພະຍາຍາມຊອກຫາທາງເລືອກອື່ນນອກຈາກສະກຸນເງິນໂດລາສະຫະລັດ ທີ່ຈະນຳມາໃຊ້ເປັນຕົວກາງຊຳລະໜີ້ສາກົນໃນກຸ່ມບຣີກສ.
ເນື້ອໃນ: ຂປລ